ព័ត៌មានជាតិ
អាជ្ញាធរស្រុកបូទុមសាគរ តុបតែងលើកកម្ពស់សោភ័ណ្ឌភាព ក្នុងឱកាសព្រះរាជពិធីបុណ្យអុំទូក
អាជ្ញាធរស្រុកបូទុមសាគរ ខេត្តកោះកុង បាននាំគ្នាតុបតែងកែលម្អលើកកម្ពស់បរិស្ថាន និងសោភ័ណ្ឌភាព នៅទីតាំងសំខាន់ៗ ដើម្បីអបអរសាទរព្រះរាជពិធីបុណ្យអុំទូក អកអំបុក សំពះព្រះខែ និងបណ្តែតប្រទីប។
មន្រ្តីរដ្ឋបាលសាលាស្រុកបូទូមសាគរ រួមគ្នាកែច្នៃតុបតែងអក្សរខ្ញុំស្រឡាញ់បូទុមសាគរ ការបំពាក់ភ្លើងពណ៌ចម្រុះ បោស សម្អាតនៅក្នុងបរិវេណមុខសាលាស្រុក ជាពិសេស គឺរង្វង់មូលលោកតាព្រឹទ្ធាចារ្យ សាយ ភូថង ដែលទីតាំងមួយបង្កើនការទាក់ទាញភ្ញៀវទេសចរចូលគោរព ព្រមទាំងថតរូបជាអនុស្សាវីរីយ៍។
លោក ខេង គង់ នាយករដ្ឋបាលសាលាស្រុកបូទូមសាគរ បានឲ្យនៅរសៀលថ្ងៃទី ៧ ខែវិច្ឆិកាថា ដោយមានការណែនាំផ្តួចផ្តើមពីលោក ក្រូច បូរីសីហា អភិបាលស្រុក ការរៀបចំបង្កើនសោភ័ណ្ឌភាពរក្សាសណ្តាប់ធ្នាប់រៀបរយល្អបែបនេះ ក្នុងគោលបំណងដើម្បីចូលរួមអបអរសាទរ ព្រះរាជពិធីបុណ្យអុំទូក អកអំបុក សំពះព្រះខែ និងបណ្តែតប្រទីប។
បើតាមលោក ខេង គង់ រដ្ឋបាលស្រុក ក៏បានណែនាំដល់អាជ្ញាធរភូមិ-ឃុំ ធ្វើយ៉ាងបង្កើតកម្មវិធីសប្បាយរីករាយដល់ប្រជាពលរដ្ឋក្នុងមូលដ្ឋាន ដូចជានៅឃុំថ្មស មានការប្រណាំងទូកតូចលក្ខណៈប្រពៃណីសាមគ្គីភាពរវាងពលរដ្ឋ និងពលរដ្ឋចំនួន ៣ថ្ងៃ។ រីឯតាមបណ្តាវត្តនានា ក៏មានការរៀបចំពិធីអកអំបុក សំពះព្រះខែ និងបណ្តើតប្រទីប ផងដែរ។
ក្រៅពីតែបណ្តាស្រុក ក្នុងខេត្តកោះកុង នៅក្រុងខេមរភូមិន្ទ មានការៀបចំប្រគុំតន្រ្តី តាំងពិព័រណ៌ស្នាដៃយុវជនសសយក និងលក់ដូរម្ហូបអាហារ ក្នុងន័យឲ្យបរិយាកាសដល់ប្រជាពលរដ្ឋ និងអ្នកទេសចរមកពីគ្រប់រាជធានី-ខេត្ត ចូលរួមបង្កើនភាពសប្បាយរីករាយ ថ្ងៃឈប់សម្រាក៕
អត្តបទ៖ សិរីវឌ្ឍនៈ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ