Connect with us

ព័ត៌មានជាតិ

រដ្ឋមន្ត្រីការបរទេសហ្វីលីពីនចាត់ទុកកម្ពុជាជាប្រធានអាស៊ានប្រកបដោយភាពល្អឯកនៅឆ្នាំ២០២២

បានផុស

នៅ

នៅក្នុងជំនួបទ្វេភាគីជាមួយលោក ប្រាក់ សុខុន រដ្ឋមន្ត្រីក្រសួងការបរទសកម្ពុជានៅថ្ងៃទី៩ ខែវិច្ឆិកា ឆ្នាំ២០២២ លោក អែនរីកគេ អេ ម៉ាណាឡូ រដ្ឋមន្ត្រីការបរទេសហ្វីលីពីន បានអបអរសាទរកម្ពុជា ហើយចាត់ទុក តួនាទីជាប្រធានអាស៊ានរបស់កម្ពុជានៅឆ្នាំ២០២២ ប្រកបដោយភាពល្អឯក ខណៈលោក ប្រាក់ សុខុន បានអររគុណហ្វីលីពីនដែលបានគាំទ្រភាពជាប្រធានអាស៊ានរបស់កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប្រាក់ សុខុន និងលោក ម៉ាណាឡូ បានវាយតម្លៃខ្ពស់ចំពោះចំណងមិត្តភាពដ៏យូរអង្វែងប្រកបដោយទំនាក់ទំនងល្អ និងកិច្ចសហប្រតិបត្តិការដ៏ជិតស្និទ្ធរវាងប្រទេសទាំងពីរលើគ្រប់វិស័យ។ លោករដ្ឋមន្ត្រីការបរទេសទាំងពីរ ក៏បានរម្លឹកអំពីលទ្ធផលប្រកបដោយផ្លែផ្ការបស់កិច្ចប្រជុំលើកទី៣ នៃគណៈកម្មការចម្រុះស្ដីពីកិច្ចសហប្រតិបត្តិការទ្វេភាគីកម្ពុជា-ហ្វីលីពីន កាលពីខែធ្នូ ឆ្នាំមុន និងបានលើកទឹកចិត្តឲ្យអនុវត្តកំណត់ហេតុនៃកិច្ចប្រជុំនោះ ដែលជាផែនទីបង្ហាញផ្លូវសម្រាប់ភាគីទាំងពីរ ក្នុងការធ្វើឲ្យស៊ីជម្រៅនូវកិច្ចសហប្រតិបត្តិការដ៏ល្អនាពេលបច្ចុប្បន្ន។

សម្រាប់កិច្ចសហប្រតិបត្តិការលើវិស័យវិនិយោគ និងពាណិជ្ជកម្មទ្វេភាគី លោករដ្ឋមន្ត្រីការបរទេសទាំងពីរ បានលើកទឹកចិត្តឲ្យភាគីទាំងពីរ ពន្លឿនការចរចាលើសេចក្តីព្រាងកិច្ចព្រមព្រៀងស្ដីពីការចៀសវាងការយកពន្ធត្រួតគ្នា។

ជាមួយគ្នានោះ លោក ប្រាក់ សុខុន បានស្នើភាគីហ្វីលីពីនបង្កើនការនាំចូលអង្ករ និងទាញយកប្រយោជន៍ពីច្បាប់វិនិយោគថ្មីរបស់កម្ពុជាដែលផ្តល់នូវការលើកទឹកចិត្តច្រើនជាងមុន សម្រាប់ស្វែងរកឱកាសវិនិយោគនៅកម្ពុជា ជាពិសេសក្នុងឧស្សាហកម្មកសិ-ម្ហូបអាហារ។

ប្រមុខការទូតទាំងពីរ ក៏បានជំរុញកិច្ចសហប្រតិបត្តិការលើវិស័យទេសចរណ៍ ដោយលោក ប្រាក់ សុខុន បានផ្ដល់យោបល់ឲ្យបង្កើនជើងហោះហើរត្រង់រវាងទីក្រុងម៉ានីល-រាជធានីភ្នំពេញ-ទីក្រុងម៉ានីល និងលទ្ធភាពហោះហើររវាងទីក្រុងសេប៊ូ-សៀមរាប-សេប៊ូ។

ពាក់ព័ន្ធនឹងបញ្ហាបច្ចុប្បន្ន លោក ប្រាក់ សុខុន និងលោក ម៉ាណាឡូ ក៏បានផ្លាស់ប្តូរទស្សនៈគ្នាពីវិបត្តិនយោបាយនៅប្រទេសមីយ៉ាន់ម៉ា ដែលក្នុងឱកាសនោះលោក ម៉ាណាឡូ បានកោតសរសើរចំពោះកិច្ចខិតខំប្រឹងប្រែងរបស់លោក ប្រាក់ សុខុន ក្នុងឋានៈប្រេសិតពិសេសរបស់ប្រធានអាស៊ានស្ដីពីមីយ៉ាន់ម៉ា និង បានបញ្ជាក់ពីការបន្តគាំទ្ររបស់ហ្វីលីពីនចំពោះកិច្ចខិតខំប្រឹងប្រែងរបស់កម្ពុជាផងដែរ៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២ ម៉ោង មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ៣ ម៉ោង មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ៤ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ៤ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៤ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម