ព័ត៌មានជាតិ

ដឹងពីមូលហេតុដែលនាំឲ្យមន្ត្រីយោធាផ្កាយ១យកកាំភ្លើងវាយក្បាលសន្តិសុខ

បានផុស

៦ years មុន

នៅ

ថ្ងៃអង្គារ ៥ មករា ២០២១

ដោយ

សមត្ថកិច្ចជំនាញ បានបង្ហាញមូលហេតុដែលលោកយោធាផ្កាយ១ យកកាំភ្លើងវាយសន្តិសុខបែកក្បាលហើយ គឺព្រោះតែជនដៃដល់ ចោទប្រកាន់ជនរងគ្រោះថា បានឃុបឃិតគ្នាជាមួយចោរ លួចស្បែកជើងរបស់លោក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានបញ្ជាក់ថា ជនដៃដល់មានឈ្មោះ ហេង គាហុង ភេទប្រុស អាយុ៤១ឆ្នាំ ជាមន្ត្រីយោធាផ្កាយ១ និងជាបុគ្គលិកមន្ទីរសម្រាកព្យាបាល និងសម្ភព សុខ ម៉េង ។ ចំណែកជនរងគ្រោះ ឈ្មោះ ច្រឹក ស៊ីណា ភេទប្រុស អាយុ៣០ឆ្នាំ មុខរបរសន្តិសុខ ស្នាក់នៅភូមិត្រពាំងប្រុយ ឃុំបែកចាន ស្រុកអង្គស្នួល ខេត្តកណ្ដាល។

សមត្ថកិច្ចបានបន្ថែមថា នៅព្រឹកថ្ងៃទី៥ ខែមករា ឆ្នាំ២០២១នេះថា ជនដៃដល់ត្រូវបានបញ្ជូនទៅស្នងការដ្ឋាននគរបាលខេត្តកណ្តាល ដើម្បីចាត់ការបន្តតាមនីតិវិធីច្បាប់ហើយ ។

សូមបញ្ជាក់ថា ករណីហិង្សានេះ បានកើតឡើងនៅថ្ងៃទី៤ ខែមករា ឆ្នាំ២០២១ វេលាម៉ោង១២និង៣០នាទី រសៀល ចំណុចមន្ទីរសម្រាកព្យាបាលនិងសម្ភព សុខ ម៉េង ភូមិអង្គស្នួលទី៣ ឃុំពើក ស្រុកអង្គស្នួល ខេត្តកណ្តាល ដែលបណ្ដាលឲ្យជនរងគ្រោះបែកក្បាលដួលសន្លប់នៅលើដី៕

អត្ថបទ ៖ សុខុម