ព័ត៌មានជាតិ
គណបក្សហ៊្វុនស៊ិនប៉ិច ចូលរួមអបអរសាទរជាមួយរាជរដ្ឋាភិបាល ដែលទទួលបានជោគជ័យក្នុងការរៀបចំកិច្ចប្រជុំកំពូលអាស៊ាន
គណបក្សហ៊្វុនស៊ិនប៉ិច បានសេចក្តីថ្លងការណ៍មួយ ដោយចូលរួមអបអរសាទរជាមួយរាជរដ្ឋាភិបាលកម្ពុជា ដែលទទួលបានជោគជ័យក្នុងនាមជាម្ចាស់ផ្ទះ ជាប្រធានដឹកនាំកិច្ចប្រជុំកំពូលអាស៊ានលើកទី ៤០-៤១ និងកិច្ចប្រជុំកំពូលពាក់ព័ន្ធ ប្រព្រឹត្តទៅយ៉ាងរលូន និងទទួលបានលទ្ធផលវិជ្ជមាន។
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានអាស៊ានឆ្នាំ ២០២២នេះ បានប្រកាសអំពីភាពជោគជ័យនៃការរៀបចំ ធ្វើជាប្រធានអាស៊ានរបស់កម្ពុជា សម្រាប់ឆ្នាំ ២០២២នេះ។ ការប្រកាសរបស់សម្ដេចតេជោ ហ៊ុន សែន ខាងលើនេះ គឺនៅក្នុងពិធីបិទកិច្ចប្រជុំកំពូលអាស៊ានលើកទី ៤០ និង៤១ និងកិច្ចប្រជុំកំពូលពាក់ព័ន្ធ និងពិធីផ្ទេរតំណែងប្រធានអាស៊ានជូនឥណ្ឌូណេស៊ី នារសៀលថ្ងៃទី ១៣ ខែវិច្ឆិកា ឆ្នាំ ២០២២នេះ។
យោងតាមសេចក្ដីថ្លែងការណ៍ នៅល្ងាចថ្ងៃទី ១៣ ខែវិច្ឆិកានេះ គណបក្សហ៊្វុនស៊ិនប៉ិច បានលើកឡើងថា ថ្វីត្បិតតែកម្ពុជាយើងជាប្រទេសតូចក៏ពិតមែន តែយើងអាចរៀបចំ និងទទួលបានយ៉ាងល្អ ក្នុងកិច្ចប្រជុំកំពូលមួយ ដែលមានសុទ្ធតែបណ្តាប្រទេសមហាអំណាចសកលលោកចូលរួម ធ្វើឲ្យព្រះរាជាណាចក្រកម្ពុជា កាន់តែមានកិត្យានុភាពល្បីល្បាញទូទាំងសកលលោក និងមោទនភាពជាតិយ៉ាងក្រៃលែង។
ជាមួយគ្នានេះ គណបក្សហ៊្វុនស៊ិនប៉ិច កត់សម្គាល់ឃើញថា កិច្ចប្រជុំកំពូលអាស៊ាននៅរាជធានីភ្នំពេញ ដែលបានប្រព្រឹត្ត ទៅចាប់តាំងពីថ្ងៃទី ៨ ដល់ថ្ងៃទី ១៣ ខែវិច្ឆិកា ឆ្នាំ ២០២២ មានលក្ខណៈពិសេស និងវិសេសវិសាលណាស់ ព្រោះថា កន្លងមកនេះបណ្តាប្រទេសមហាអំណាចបានខ្វែងគំនិតគ្នា ធ្វើឲ្យសកលលោកទាំងមូលមានភាពតានតឹង និងបានប្រឈមមុខដាក់គ្នា។
គណបក្សមួយនេះ បានលើកឡើងបន្តថា កិច្ចប្រជុំកំពូលអាស៊ានលើកទី ៤០-៤១ និងកិច្ចប្រជុំកំពូលពាក់ព័ន្ធខាងលើនេះ បានបង្កើតឱកាសឲ្យបណ្តាថ្នាក់ដឹកនាំប្រទេសមហាអំណាចផ្សេងៗ បានជួបជុំរកវិធីសន្ទនាដោះស្រាយ សម្របសម្រួលជាមួយគ្នា ដែលបង្ហាញពីភាពវិជ្ជមានល្អមួយសម្រាប់អនាគតពិភពលោកទាំងមូល។
ក្នុងអត្ថន័យនេះ គណបក្សហ៊្វុនស៊ិនប៉ិច បានសម្ដែងនូវសេចក្ដីកោតសរសើរដ៏ស្មោះស្ម័គ្រ ចំពោះកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា កងកម្លាំងប្រដាប់អាវុធ និងមន្ត្រីរាជការពាក់ព័ន្ធ គ្រប់ជាន់ថ្នាក់ដែលបានចូលរួម បំពេញភារកិច្ចយ៉ាងល្អរហូតធ្វើឲ្យកិច្ចប្រជុំកំពូលអាស៊ានទាំងមូល ទទួលបានជោគជ័យយ៉ាងត្រចះត្រចង់បំផុត៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?