ព័ត៌មានជាតិ
អ្នកច្បាប់ថា យកល្អកុំលេងតុងទីន ព្រោះមានហានិភ័យខ្ពស់
តុងទីន មានការផុសផុលលេងយ៉ាងខ្លាំងនាពេលបច្ចុប្បន្ន អ្នកខ្លះលេងដើម្បីសន្សំលុយ អ្នកខ្លះលេងដោយសារមានតម្រូវការប្រាក់។ ទាក់ទងនឹងការលេងតុងទីន លោកមេធាវី សេង សឹង្ហហេង បានផ្តល់យោបល់ថា អ្នកដែលមានបំណងលេងតុងទីន “កុំលេងល្អជាង” ព្រោះមានហានិភ័យខ្ពស់។
ហានិភ័យដែលលោកមេធាវីរូបនេះលើកឡើង គឺសំដៅទៅលើការលេងដែលដាក់ការប្រាក់ខ្ពស់ ចំណែកនីតិវិធីនៃការដោះស្រាយ នៅពេលដែលមានបញ្ហាកើតឡើង គឺស្មុគស្មាញ និងអាចអូសបន្លាយពេលយូរ។
ដោយសារតែការលេងតុងទីនភាគច្រើន មានត្រឹមជាកិច្ចសន្យាតាមមាត់ ឬលេងតាមប្រព័ន្ធហ្វេសប៊ុក ទាំងដែលកូន និងមេ មិនបានស្គាល់គ្នាច្បាស់ផង លោកមេធាវីថា បញ្ហានេះហើយ ដែលធ្វើឱ្យប្រឈមនឹងហានិភ័យនៃការបោកប្រាស់ច្រើនករណីមកហើយ។
បើតាមសមាជិកគណៈមេធាវីកម្ពុជារូបនេះ ការលេងតុងទីន គឺមានការផ្សារភ្ជាប់ទៅនឹងជីវភាពប្រចាំថ្ងៃរបស់ប្រជាពលរដ្ឋខ្មែរ ចាប់តាំងពីក្នុងសម័យសង្គមរាស្ត្រនិយម ជាពិសេសអ្នកនៅក្នុងផ្សារ ដោយសារតែទំនើបកម្មសង្គម។ និយមន័យនៃការលេងតុងទីននេះ គឺបានន័យថា ការបម្រូលផ្តុំលុយរបស់មនុស្សមួយក្រុម ដើម្បីជួយគ្នាទៅវិញទៅមក ក្នុងន័យផ្តល់ជូនថវិកាទៅឱ្យសមាជិកនីមួយៗ នៅពេលដែលមានតម្រូវការ ទៅតាមលក្ខខណ្ឌដែលបានសន្យាគ្នា ឬដេញយកដោយដាក់ការប្រាក់។
លោក សេង សឹង្ហហេង បានឱ្យដឹងថា នៅក្នុងច្បាប់ គឺមានកំណត់ការប្រាក់សម្រាប់គ្រឹះស្ថាន ធនាគារ និងវិស័យឯកជន ទាក់ទងនឹងការកំណត់ការប្រាក់ ប៉ុន្តែពាក់ព័ន្ធនឹងការលេងតុងទីននេះ ច្បាប់មិនអាចកំណត់បានទេ ដោយសារតែលក្ខខណ្ឌនៃការលេង សុទ្ធតែមានការឯកភាព និងព្រមព្រៀងគ្នាជាមុនរបស់អ្នកចូលរួមលេង។ ហេតុនេះហើយ នៅពេលដែលសមាជិកណាម្នាក់មានតម្រូវការខ្លាំង នឹងត្រូវដណ្តើមគ្នាដើម្បីដេញថ្លៃយក រហូតហួសសមត្ថភាពដែលខ្លួនអាចទៅរួច ជាហេតុនាំឱ្យមានបញ្ហានៃការមិនបង់សងត្រឡប់កើតឡើង។
ម្យ៉ាងវិញទៀត លោកមេធាវីថា មេតុងទីនខ្លះ យកតុងទីនជាអាជីពតែម្តង ដោយលេងម្តងច្រើនកន្លែង និងច្រើនក្រុម ដែលអាចជាដើមចម នៃបញ្ហាមេរត់ចោលកូនជាដើម៕
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ