Connect with us

ព័ត៌មានជាតិ

ប្រធានរដ្ឋសភាឡាវ អរគុណសម្ដេចតេជោ ដែល បានផ្ដល់វ៉ាក់សាំងដល់ប្រជាជនឡាវ

បានផុស

នៅ

ភ្នំពេញ ៖ នៅក្នុងជំនួប ជាមួយសម្ដេចអគ្គមហាសេនាបតីតេជោ ហ៊ុន សែន នាយរដ្ឋមន្ត្រីនៃព្រះរាជាណាចក្រកម្ពុជា នៅវិមាន​សន្តិភាព នា​រសៀល​ថ្ងៃទី​២៥ ខែវិច្ឆិកា ឆ្នាំ​២០២២​ លោកសៃស៊ុមផល ភូមិវិហាន ដែលជាប្រធានរដ្ឋសភា នៃ​សាធារណរដ្ឋ​ប្រជាធិបតេយ្យ​ប្រជាមានិត​ឡាវ បានអរគុណសម្ដេចតេជោ បានផ្ដល់វ៉ាក់សាំងដល់ប្រជាជនឡាវ ​បន្ទាប់​ពី​លោកបាន​ចូលរួមមហាសន្និបាទ​អន្តរសភាអាស៊ានលើកទី៤៣ ខណៈ​កម្ពុជា​ធ្វើជាម្ចាស់ផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​បើតាម​ការ​ឲ្យ​ដឹង​ពី​លោក អ៊ាង សុផល្លែត ជំនួយការ​ផ្ទាល់​សម្តេច​តេ​ជោ ហ៊ុន សែន បានឱ្យដឹង​នៅក្រោយ​ជំនួប​នេះ​ថា លោក សៃ​ស៊ុម​ផន ភូមិ​វិហា​ន បាន​គោរព​សម្តែង​នូវ​ការអបអរសាទរ​ចំពោះ​ការរីកចម្រើន​របស់​ក​ម្ពុ​ជា និង​អបអរ​ចំពោះ​ការទប់ស្កាត់​ជំងឺ​កូ​វីដ​-១៩ ទទួលបាន​ជោគជ័យ ជាពិសេស​កម្ពុជា​បានរៀបចំ​កិច្ចប្រជុំ​កំពូល​អាស៊ាន និង​កិច្ចប្រជុំ​កំពូល​ពាក់ព័ន្ធ និង​កិច្ចប្រជុំ​អាយ​ប៉ា ទទួលបាន​ជោគជ័យ​យ៉ាង​ធំធេង​។

លោក​បាន​សម្តែង​នូវ​ក្តី​រីករាយ​ចំពោះ​លទ្ធផល​នៃ​កិច្ចប្រជុំ​អាយ​ប៉ា​លើក​ទី​៤៣ ដែល​បានសម្រេច​ជំរុញឱ្យមាន​សន្តិភាព ស្ថិរភាព និង​ការអភិវឌ្ឍ​ប្រកបដោយ​ចីរភាព​។ ជាមួយគ្នា​នោះ លោក ក៏បាន​សម្តែង​នូវ​ការពេញចិត្ត​ចំពោះ​ទំនាក់ទំនង និង​កិច្ចសហប្រតិបត្តិការ​រ​វាង​ប្រទេស​ទាំងពីរ ដែលមាន​ការរីកចម្រើន​ជា​លំដាប់ ហើយក៏​បាន​គោរព​ថ្លែងអំណរគុណ​ក្នុងនាម​បក្ស និង​ក្នុងនាម​រដ្ឋ ជូន​សម្តេច​តេ​ជោ និង​រាជរដ្ឋាភិបាល​កម្ពុជា ដែល​បានផ្តល់​ថវិកា ជា​វ៉ាក់សាំង​ប្រឆាំងនឹង​ជំងឺ​កូ​វីដ​-១៩ និង​រថយន្ត​ដឹក​វ៉ាក់សាំង ជួយ​ដល់​ប្រទេស​ឡាវ​ក្នុងការ​ទប់ស្កាត់​ការរីក​រាលដាល​ជំងឺ​កូ​វីដ​-១៩ បាន​យ៉ាង​ជោគជ័យ។

​ជាការ​ឆ្លើយតប សម្តេច​តេ​ជោ ហ៊ុ ន សែន ក៏បាន​ថ្លែងអំណរគុណ​ដល់ លោក សៃ​ស៊ុម​ផន ភូមិ​វិហា​ន ដែល​បានមក​ចូលរួម​កិច្ចប្រជុំ​អាយ​ប៉ា ដោយផ្ទាល់ នៅ​កម្ពុជា ដែល​ការចូលរួម​នេះ​ឆ្លុះបញ្ចាំង​ពី​ការគាំទ្រ និង​ធ្វើឱ្យ​កិច្ចប្រជុំ​អាយ​ប៉ា ទទួលបាន​នូវ​ភាពជោគជ័យ។​

ឆ្លៀត​ក្នុងឱកាស​នោះដែរ សម្តេច​តេ​ជោ ហ៊ុន សែន ក៏បាន​ជម្រាប​ដល់​ប្រធានរដ្ឋសភា​ឡាវ អំពី​យុទ្ធសាស្ត្រ​ផ្កា​រីក ដែល​កម្ពុជា​បានដាក់​ចេញ ក្នុងការ​អនុវត្ត​ការទប់ស្កាត់​ការរីក​រាលដាល​ជំងឺ​កូ​វីដ​-១៩ ឲ្យ​ទទួលបាន​នូវ​ភាពជោគជ័យ​រហូតមក​ដល់ពេលនេះ​៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤២ នាទី មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ៥០ នាទី មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៥៩ នាទី មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

ព័ត៌មានជាតិ១ ម៉ោង មុន

មេបញ្ជាការ​កងទ័ពជើងគោក កម្ពុជា​-​ហ្វីលីពីន ចុះហត្ថលេខា​រួមគ្នាស្តីពី​កិច្ចសហប្រតិបត្តិការ​រ​វាង​កងទ័ពជើងគោក នៃ​ប្រទេស​ទាំងពីរ

ជីវិតកម្សាន្ដ២ ម៉ោង មុន

Dior កើនភាគហ៊ុនខ្ពស់បំផុតមិនធ្លាប់មាន ក្រោយតែងតាំង Jimin ជាទូតសុឆន្ទៈបានពីរថ្ងៃ

Sokha Hotels

ព័ត៌មានពេញនិយម