ព័ត៌មានជាតិ
ឆ្នាំ ២០២២ នេះ សមាជិក ប.ស.ស ជាង ១៧០០០ នាក់ បានទៅទទួលសេវានៅមន្ទីរពេទ្យមិត្តភាពកម្ពុជា-ចិន ព្រះកុសុមៈ
លោកសាស្ត្រាចារ្យរង នី ចន្ទី ប្រធានការិយាល័យបច្ចេកទេស នៃមន្ទីរពេទ្យមិត្តភាពកម្ពុជា-ចិន ព្រះកុសុមៈ បានមានប្រសាសន៍ថា ឆ្នាំ ២០២២ នេះ មន្ទីរពេទ្យមិត្តភាពកម្ពុជា-ចិន ព្រះកុសុមៈ បានទទួលពិនិត្យ និងព្យាបាលជំងឺជូនសមាជិក ប.ស.ស. សរុបប្រមាណជាង ១៧០០០ នាក់ ដែលក្នុងនោះផ្នែកថែទាំសុខភាពមានចំនួនជាង ១១០០០ នាក់។
លោកសាស្ត្រាចារ្យ បានបន្តថា អ្នកជំងឺជាសមាជិក ប.ស.ស. ដែលមកទទួលសេវានៅមន្ទីរពេទ្យមិត្តភាពកម្ពុជា-ចិន ព្រះកុសុមៈ ក៏ដូចជានៅមន្ទីរពេទ្យដែលជាដៃគូ ប.ស.ស. ផ្សេងទៀត គឺពិតមានសំណាងខ្លាំងណាស់ ព្រោះរាល់ការចំណាយលើថ្លៃព្យាបាល គឺ ប.ស.ស. ជាអ្នកបង់ថ្លៃឲ្យទាំងស្រុង បើទោះបីជាជំងឺនោះត្រូវចំណាយថ្លៃព្យាបាលថ្លៃយ៉ាងណាក៏ដោយ។
លោកសាស្ត្រាចារ្យ បានបន្តទៀតថា មន្ទីរពេទ្យមិត្តភាពកម្ពុជា-ចិន ព្រះកុសុមៈ មិនមានការរើសអើង ឬក៏បែងចែកអ្នកជំងឺនោះទេ មានន័យថាគ្រប់អ្នកជំងឺទាំងអស់ ទាំងអ្នកជំងឺបង់ថ្លៃសេវាព្យាបាល ក៏ដូចជាអ្នកជំងឺជាសមាជិក ប.ស.ស. គឺមន្ទីរពេទ្យបានផ្តល់សេវាព្យាបាលដូចៗគ្នា។
បច្ចុប្បន្ននេះ ប័ណ្ណ ប.ស.ស. បានដើរតួនាទីសំខាន់ណាស់ក្នុងការជួយសម្រួលដល់សមាជិករបស់ខ្លួនក្នុងការពិនិត្យ និងព្យាបាលជំងឺនៅតាមមន្ទីរពេទ្យរដ្ឋ និងឯកជន ដែលជាដៃគូរបស់ ប.ស.សដោយមិនមានគិតថ្លៃសេវាអ្វីឡើយ។
ក្នុងនោះអ្នកជំងឺដែលមានប័ណ្ណ ប.ស.ស បានបង្ហាញពីការពេញចិត្តក្នុងការទទួលសេវា ប.ស.ស. ដោយពួកគាត់បានបញ្ជាក់ថា បើគ្មានប័ណ្ណសមាជិក ប.ស.ស. ទេ នោះប្រហែលជាពួកគាត់មិនមានលទ្ធភាពបង់ថ្លៃព្យាបាលសម្រាប់ជំងឺរបស់គាត់នោះឡើយ។
យោងតាមរបាយការណ៍របស់នាយកដ្ឋានបញ្ជិកា និងភាគទាន នៃ ប.ស.ស. បានបង្ហាញឲ្យដឹងថា គិតមកដល់បច្ចុប្បន្ននេះ បេឡាជាតិសន្តិសុខសង្គម (ប.ស.ស.) នៃក្រសួងការងារ និងបណ្ដុះបណ្ដាលវិជ្ជាជីវៈ មានសមាជិកសរុបចំនួនជាង ២.៥ លាននាក់ ក្នុងនោះសមាជិក ប.ស.ស. ជាមន្ត្រីរាជការសាធារណៈមានចំនួនជាង ៤៣ ម៉ឺននាក់ ដែលកំពុងទទួលបានសិទ្ធិប្រើប្រាស់សេវា ក៏ដូចជាការទទួលបាននូវអត្ថប្រយោជន៍របបសន្តិសុខសង្គមពី ប.ស.ស.៕
អត្ថបទ ៖ សំអឿន
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
សេដ្ឋកិច្ច១ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៧ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៦ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ២ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានអន្ដរជាតិ១ សប្តាហ៍ agoសារព័ត៌មានអាមេរិក CBS ចុះផ្សាយពីរបៀបដែល បណ្តាញចោរមានមូលដ្ឋាននៅថៃ Latchford លួចវត្ថុបុរាណខ្មែរ លក់ទៅឲ្យសារមន្ទីរអន្តរជាតិ និង មហាសេដ្ឋី