ព័ត៌មានជាតិ
ក្រសួងអប់រំ ចាប់ផ្តើមអនុវត្តគម្រោងកែលម្អការអប់រំចំណេះទូទៅនៅសាលាគោលដៅ១ ៦៣៣ ទូទាំងប្រទេស
ក្រសួងអប់រំ យុវជន និងកីឡា បានចាប់ផ្តើមអនុវត្តគម្រោងកែលម្អការអប់រំចំណេះទូទៅរយៈពេល៥ឆ្នាំចាប់ពីឆ្នាំ២០២២ ដល់ ២០២៦ នៅតាមសាលាគោលដៅចំនួន១ ៦៣៣ សាលាទូទាំងប្រទេស ដើម្បីលើកកម្ពស់គុណភាពការអប់រំកាន់តែប្រសើរឡើងថែមទៀត។

ការអនុវត្តគម្រោងនេះ ត្រូវបានក្រសួងអប់រំរៀបចំសិក្ខាសាលាចែកចេញជា៣វគ្គចាប់ពីថ្ងៃទី២២ ដល់ថ្ងៃទី៣១ ខែធ្នូ ឆ្នាំ២០២២ ដើម្បីផ្តល់ចំណេះដឹង និងគោលបំណងដល់សាលាទាំងនេះ បានយល់ដឹងដើម្បីអនុវត្តឱ្យបានរលូន។ យោងតាមទំព័រហ្វេសប៊ុកក្រសួងអប់រំ យុវជន និងកីឡា ចេញផ្សាយនៅថ្ងៃទី២៥ ខែធ្នូនេះ គឺគម្រោងកែលម្អការអប់រំចំណេះទូទៅ ត្រូវបានដាក់អនុវត្តក្នុងគោលដៅកែលម្អគុណភាព និងសមធម៌ការអប់រំចំណេះទូទៅឱ្យសម្រេចបានស្តង់ដាអប្បរមានៅតំបន់គោលដៅ ផ្តល់ជំនួយបន្ទាន់ និងមានប្រសិទ្ធភាព ដើម្បីឆ្លើយតបនឹងករណីមានបញ្ហាសមស្រប ឬបន្ទាន់ដែលកើតឡើង ដោយគម្រោងនេះគ្រោងនឹងអនុវត្តរយៈពេល៥ឆ្នាំ ចាប់ពីឆ្នាំ២០២២-២០២៦ ទៅលើសាលាគោលដៅចំនួន១ ៦៣៣ សាលារៀនចំណេះទូទៅទូទាំងប្រទេស។

គោលបំណងនៃការអភិវឌ្ឍគម្រោងកែលម្អការអប់រំចំណេះទូទៅរួមមាន ទី១. លទ្ធផលសិក្សាសិស្សដែលទទួលបានប្រយោជន៍ពីគម្រោងត្រូវបានកែលម្អ និងយកចិត្តទុកដាក់។ ទី២. ភាគរយនៃសាលាគោលដៅនឹងទទួលបានស្តង់ដាអប្បរមាទៅតាមអនុវិស័យនីមួយៗ។ ទី៣. ភាគរយគ្រូបឋមសិក្សាអនុវត្តការបង្រៀនមានប្រសិទ្ធភាពលើមុខវិជ្ជាអំណាន និងគណិតវិទ្យា និងយកចិត្តទុកដាក់សមធម៌យេនឌ័រ និងទី៤. កែលម្អបរិស្ថានសិក្សា សាងសង់បន្ទប់សិក្សា បន្ទប់ពិសោធន៍ អគារសិក្សា៕
ដោយ៖ សំអឿន
-
ព័ត៌មានជាតិ១ សប្តាហ៍ មុន
តើលោក ឌី ពេជ្រ ជាគូស្នេហ៍របស់កញ្ញា ហ៊ិន ច័ន្ទនីរ័ត្ន ជានរណា?
-
ព័ត៌មានជាតិ៤ ថ្ងៃ មុន
បណ្តាញផ្លូវជាតិធំៗ ១៣ ខ្សែ ចាយទុនរយលានដុល្លារ កំពុងសាងសង់គ្រោងបញ្ចប់ប៉ុន្មានឆ្នាំទៀតនេះ
-
ព័ត៌មានជាតិ២ ថ្ងៃ មុន
មកដល់ពេលនេះ មានប្រទេសចំនួន ១០ ភ្ជាប់ជើងហោះហើរត្រង់មកប្រទេសកម្ពុជា
-
ព័ត៌មានអន្ដរជាតិ៧ ថ្ងៃ មុន
អាហារចម្លែកលើលោកទាំង ១០ បរទេសឃើញហើយខ្លាចរអា
-
ព័ត៌មានជាតិ៤ ថ្ងៃ មុន
និយ័តករអាជីវកម្មអចលនវត្ថុ និងបញ្ចាំ៖ គម្រោងបុរីម៉ន ដានី ទី២៩ នឹងបើកដំណើរការឡើងវិញ នៅដើមខែធ្នូ
-
ព័ត៌មានជាតិ៤ ថ្ងៃ មុន
ច្បាប់មិនលើកលែងឡើយចំពោះអ្នកដែលថតរឿងអាសអាភាស!
-
ជីវិតកម្សាន្ដ១ សប្តាហ៍ មុន
ទិដ្ឋភាពពិធីស្ដីដណ្ដឹងពិធីការិនី ហ៊ិន ច័ន្ទនីរ័ត្ន និង លោក ឌី ពេជ្រ ពោរពេញដោយស្នាមញញឹម
-
ព័ត៌មានជាតិ២ ថ្ងៃ មុន
សមត្ថកិច្ច ចាប់ឃាត់ខ្លួនបានហើយ បុរសដែលវាយសត្វឈ្លូសហែលទឹកនៅខេត្តកោះកុង