Connect with us

ព័ត៌មានជាតិ

លោក​ ជា​ ចាន់តូ ចូលរួម​អបអរសាទរ​ខួប​អនុស្សាវរីយ៍​លើក​ទី​៤២ នៃ​ថ្ងៃ​ជ័យជំនះ៧មករា​ នៅ​ស្រុក​សន្ទុក​

បានផុស

នៅ

លោក ជា ចាន់តូ​ សមាជិក​អចិន្ត្រៃយ៍​គណៈកម្មាធិការ​កណ្ដាល​គណបក្ស​ប្រជាជន​កម្ពុជា និង​ប្រធាន​ក្រុមការងារ​ថ្នាក់ជាតិ​ចុះជួយ​ស្រុក​សន្ទុក ខេត្តកំពង់ធំ ​កាលពី​រសៀល​ថ្ងៃ​ទី​៧​ ខែ​មក​រា ឆ្នាំ​២០២១​បាន​អញ្ជើញ​ចូលរួម​ប្រារព្ធ​ពិធី ​«​អបអរសាទរ​ខួប​អនុស្សាវរីយ៍​លើក​ទី​៤២ ថ្ងៃជ័យ​ជម្នះ៧មករា​»​ជា​ថ្ងៃ​ដែល​ប្រទេស​កម្ពុជា​បាន​សង្គ្រោះ​ និង​រំដោះ​ចេញ​ផុត​ពីរ​បបក​ម្ពុ​ជា​ប្រជាធិបតេយ្យ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុង​សារលិខិត​របស់​សម្ដេច​តេ​ជោ​ហ៊ុនសែន​ ប្រធាន​គណបក្ស​ប្រជាជន​កម្ពុជា​ដែល​អាន​ជូន​អង្គ​ពី​ធី​ដោយ​លោក ជា ចាន់តូ​ បានបញ្ជាក់​ច្បាស់​ថា​ ក្រោយពី​ប្រទេសជាតិ​បាន​រំដោះ​ចេញផុត​ពីរ​បប​ឃោរ​ឃៅ​ព្រៃផ្សៃ​នៅ​ថ្ងៃ​ទី​៧ ខែមករា ឆ្នាំ​១៩៧៩ ក្រោម​ការដឹកនាំ​របស់​គណបក្ស​មក​ប្រជាជន​កម្ពុជា​

ពលរដ្ឋ​យើង​មាន​សិទ្ធ​សេរីភាព​ពេញលេញ​ឡើងវិញ​ ហើយ​ប្រទេសជាតិ​ទាំងមូល​មាន​សុខសន្តិភាព​និង​ការអភិវឌ្ឍន៍​រីកចម្រើន​គ្រប់​វិស័យ​ក្នុងនោះ​កម្ពុជា​ក៏មាន​កិត្យានុភាព​ និង​មា​នមុខមាត់​សារជាថ្មី​លើ​ឆាក​អន្តរជាតិ​ផងដែរ​។​

សារលិខិត​ក៏បាន​ធ្វើការ​រំលឹក​ឲ្យ​ដឹង​ទៀតថា​ កាលពី​៤២​ឆ្នាំមុន ​ប្រជាពលរដ្ឋ​ខ្មែរ​គ្រប់រូប​រួម​ទាំង​កុមារ​តូចៗ ផងដែរ​ គឺ​រស់នៅ​ក្រោម​ការ​បង្ខិតបង្ខំ​ឲ្យ​ធ្វើការ​លើស​កម្លាំង​ គ្មាន​ថ្ងៃ​ឈប់សម្រាក​ទទួលទាន​អាហារ​មិន​គ្រប់គ្រាន់ គ្មាន​មន្ទីរពេទ្យ​ព្យាបាល​ គ្មាន​សាលារៀន​ហើយ​ប្រជាពល​រដ្ឋ​ទាំងអស់ គឺ​រស់​នៅ​គ្មាន​សិទ្ធិ សេរីភាព​។​

ជាមួយគ្នានេះដែរ​ សារលិខិត​ក៏បាន​អំពាវនាវ​សូម​ឲ្យ​ថ្ងៃ​ជ័យជម្នះ៧មករា​ និង​ស្មារតី​ថ្ងៃ​រំដោះ​ជាតិ​នេះ ស្ថិត​នៅក្នុង​ក្រអៅបេះដូង​ពលរដ្ឋ​គ្រប់រូបៗ​ និង​ជា​និមិត្តរូប​នៃ​សាមគ្គី​ជាតិ និង​មហា​គ្រួសារ​ខ្មែរស្ថិត​នៅ​ជា​អមត​ក្រោម​ម្លប់​សុខសន្តិភាព​ជានិរន្តរ៍​។​

នៅក្នុង​ឱកាស​នោះដែរ​ សមាជិក​សមាជិកា​គណបក្ស​ទាំងអស់​បាន​ប្ដេជ្ញា​ថា​ នឹង​ចងចាំ​ និង​ដឹងគុណ​ជានិច្ច​ចំពោះ​គុណូបការៈ​ដ៏​ថ្លៃថ្លា​បំផុត នៃ​មហា​ជ័យជម្នះ៧មករា ១៩៧៩ ដែល​បាន​ជួយសង្គ្រោះ​អា​យុជីវិត និង​សង្គមជាតិ​យើង​ឱ្យ​រស់​ឡើងវិញ​ បាន​រួច​ផុតពី​របប​ប្រល័យពូជសាសន៍ ប៉ុល ពត «​បើ​គ្មាន​ថ្ងៃជ័យជម្នះ ៧ មករា​ ទេ​យើង​ក៏​មិនមាន​អ្វីៗ ដូច​សព្វថ្ងៃ​នេះដែរ​» ។​ ហេតុដូច្នេះ​ហើយ​បានជា​ប្រជាជន​កម្ពុជា​គ្រប់ៗរូប​ចាត់ទុកថា «​ថ្ងៃជ័យជម្នះ៧ មករា​ ជា​ថ្ងៃកំណើត​ទី​២ របស់ខ្លួន​»​ជានិច្ច​គ្មាន​ថ្ងៃ​បំភ្លេច​បានឡើយ​៕​

អត្ថបទ ៖ សំអឿន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម