ព័ត៌មានជាតិ
ក្រសួងអប់រំ សហការ សាកលវិទ្យាល័យអប់រំ ជប៉ុន អប់រំសុខភាពសិក្សា កុមារនៅបឋមសិក្សា
លោកស្រី គឹម សេដ្ឋានី រដ្ឋលេខាធិការក្រសួងអប់រំ យុវជន និងកីឡា នៅថ្ងៃទី៦ ខែមករានេះ បានអនុញ្ញាតឱ្យប្រតិភូ នៃសាកលវិទ្យាល័យអប់រំអាយជិ នៃប្រទេសជប៉ុន បានជួបសម្ដែងការគួរសម និងរាយការណ៍អំពី កិច្ចសហការរវាងក្រសួងអប់រំ យុវជន និងកីឡា និងសាកលវិទ្យាល័យអប់រំ អាយជិ លើការអប់រំសុខភាពសិក្សាសម្រាប់កុមារនៅបឋមសិក្សា។ ប្រតិភូជប៉ុន ត្រូវបានដឹកនាំដោយលោកសាស្ត្រាចារ្យ អ៊ីវ៉ាយ៉ា ស៊ុតុមុ (Iwayama Tsutomu) សាកលវិទ្យាធិការរងនៃសាកលវិទ្យាល័យអប់រំ អាយជិ។
ប្រតិភូសាកលវិទ្យាល័យអប់រំ អាយជិ បានរាយការណ៍អំពីកិច្ចសហការលើការអភិវឌ្ឍធនធានគ្រូបង្រៀន កិច្ចសហការលើការអប់រំសុខភាពសិក្សានៅសាលាបឋមសិក្សា ការលូតលាស់របស់កុមារនៅបឋមសិក្សាមួយចំនួននៅខេត្តសៀមរាប តម្រូវការក្នុងវាស់កម្ពស់ ថ្លឹងទម្ងន់កុមារ ដើម្បីវាយតម្លៃពីការលូតលាស់របស់កុមារនៅសាលាបឋមសិក្សាទូទាំងប្រទេស។
លោកស្រីរដ្ឋលេខាធិការ បានថ្លែងអំណរគុណចំពោះសាកលវិទ្យាល័យអប់រំ អាយជិ ដែលបានធ្វើការស្រាវជ្រាវពីការលូតលាស់របស់កុមារកម្ពុជា ដែលលទ្ធផលនៃការស្រាវជ្រាវនេះជាភស្តុតាងសម្រាប់រកថវិកាក្នុងការធ្វើអន្តរាគមន៍អំពីការលូតលាស់របស់កុមារនៅកម្ពុជា។
លោកស្រីបានលើកឡើងថា កម្មវិធីផ្ដល់អាហារតាមសាលារៀន ពិតជាបានជួយដល់ការលូតលាស់របស់កុមារ។ ក្រសួងអប់រំ យុវជន និងកីឡា មានទិសដៅពង្រីកកម្មវិធីផ្ដល់អាហារតាមសាលារៀន មិនត្រឹមតែសម្រាប់បឋមសិក្សាទេ ប៉ុន្តែរហូតដល់មត្តេយ្យសិក្សាផងដែរ។
សូមជម្រាបថា សាកលវិទ្យាល័យអប់រំ អាយជិ ចាប់ផ្តើមបណ្ដុះបណ្ដាលគ្រូឧទ្ទេសថ្នាក់ជាតិចំនួន ២០រូប ដែលអញ្ជើញមកពីវិទ្យាស្ថានជាតិអប់រំ និងនាយកដ្ឋានសុខភាពសិក្សា នៃក្រសួងអប់រំ យុវជន និងកីឡា អំពីរបៀបវាយតម្លៃការលូតលាស់របស់កុមារនៅបឋមសិក្សា៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ