Connect with us

ព័ត៌មានជាតិ

រដ្ឋមន្ត្រីសុខាភិបាលជំរុញពន្លឿនការសាងសង់មន្ទីរពេទ្យជាតិ «តេជោសន្តិភាព» ត្រៀមទទួល​អ្នកជំងឺកូវីដ-១៩ បំប្លែងថ្មី

បានផុស

នៅ

 លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានជំរុញឱ្យក្រុមការងារសាងសង់ទាំងអស់ជួយ​ពន្លឿនការសាងសង់មន្ទីរពេទ្យជាតិ «តេជោសន្តិភាព»ដែលជាមន្ទីរពេទ្យធំជាងគេនៅប្រទេសកម្ពុជាឱ្យបានលឿនរហ័ស ដើម្បីត្រៀមទទួលអ្នកជំងឺកូវីដ-១៩បំប្លែងថ្មីទ្រង់ទ្រាយធំណាមួយកើតឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការជំរុញរបស់រដ្ឋមន្ត្រីសុខាភិបាលនេះបានធ្វើឡើងកាលពីថ្ងៃទី០៧ មករា ឆ្នាំ២០២២ ខណៈលោករដ្ឋមន្ត្រីបានចុះ​ពិនិត្យវឌ្ឍនភាពដំណើរការសាងសង់មន្ទីរពេទ្យជាតិ «តេជោសន្ដិភាព» ស្ថិតនៅសង្កាត់គោករការ ខណ្ឌព្រែក​ព្នៅរាជធានីភ្នំពេញ។

លោកស្រីវេជ្ជបណ្ឌិត យក់ សម្បត្តិ រដ្ឋលេខាធិការប្រចាំការក្រសួងសុខាភិបាល ដែលបានអមដំណើរលោក​រដ្ឋមន្ត្រីចុះពិនិត្យអគារមន្ទីរពេទ្យជាតិនាឱកាសនោះ បានមានប្រសាសន៍ថា បច្ចុប្បន្ននេះក្រុមជាង​កំពុងតែមមាញឹកធ្វើ​ទាំងយប់ ទាំងថ្ងៃ ដើម្បីសាងសង់ឱ្យរួចរាល់តាមផែនការ ត្រៀមទទួលអ្នកជំងឺក្នុង​ករណីដែលមាន​ការផ្ទុះជំងឺកូវីដ១៩ បំប្លែងថ្មីទ្រង់ទ្រាយធំណាមួយកើតឡើង។

លោកស្រីវេជ្ជបណ្ឌិត  បានបន្តថា « នៅចំពោះមុខ ដោយប្រឈមនឹងស្ថានភាពមិនទាន់ប្រាកដប្រជា​នៃការឆ្លងជំងឺ​កូវីដ១៩ លើពិភពលោក និងការវិវត្តន៍នៃភាពបំលែងថ្មីរបស់មេរោគ ផ្នែកខ្លះនៃមន្ទីរពេទ្យនេះ នឹងត្រូវសម្រុក​រៀបចំឱ្យបាន​ឆាប់ ដើម្បីត្រៀមទប់ទល់នឹងសភាពការណ៍អាក្រក់ណាមួយ ដែលអាចកើតឡើងដូច្នេះ យើងបានត្រៀម​ជាស្រេច ក្នុងការទប់ទល់នឹងការរាតត្បាតរបស់មេរោគដ៏កាចសាហាវនេះ»។

លោកស្រី វេជ្ជបណ្ឌិត បានបន្ថែមថា តាមគម្រោងមន្ទីរពេទ្យជាតិនេះ នឹងត្រៀមបញ្ចប់ការសាងសង់​ជាស្ថាពរនៅដំណាច់​ខែមិថុនា ឆ្នាំ ២០២៣ នឹងអាចដាក់ដំណើរការទទួលអ្នកជំងឺមកពីបណ្តាខណ្ឌទាំង៦ ក៏ដូចជាខណ្ឌផេ្សងៗទៀតនៅក្នុង​រាជធានីភ្នំពេញ និងខេត្តជាប់ព្រំប្រទល់ផងដែរ។

សូមបញ្ជាក់ថា មន្ទីរពេទ្យជាតិ«តេជោសន្ដិភាព» បានបើកការរដ្ឋានសាងសង់នៅថ្ងៃទី ១៤ខែកុម្ភៈ ឆ្នាំ ២០២២ ហើយដែលជា​ការផ្ដួចផ្ដើមដោយ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា។ មន្ទីរពេទ្យជាតិ តេជោសន្តិភាពនេះ សាងសង់លើផ្ទៃដីទំហំជិត ៨ហិកតា ដែលមានគ្រែសរុប ចំនួន ៩,៥៩៣គ្រែ ហើយមានអគារសរុបចំនួន ១១អគារ៕ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ២ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ២ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៤ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម