ព័ត៌មានជាតិ
ខ្យល់កន្ត្រាក់បណ្តាលឱ្យមនុស្សស្លាប់និងរបួសជិត៧០នាក់នៅឆ្នាំ២០២២
គណៈកម្មាធិការជាតិគ្រប់គ្រងគ្រោះមហន្តរាយបានឱ្យដឹងថា ឆ្នាំ២០២២ខ្យល់កន្ត្រាក់បានបណ្តាលឱ្យមនុស្សស្លាប់ និងរងរបួសជិត៧០នាក់ និងបំផ្លាញផ្ទះសម្បែងជាង១ម៉ឺនខ្នងភាគច្រើនខេត្តជាប់សមុទ្ររងគ្រោះធ្ងន់ធ្ងរជាងគេ។
លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ មានប្រសាសន៍នៅព្រឹកថ្ងៃទី០៩មករា នេះថា ខ្យល់កន្ត្រាក់បានកើតឡើងចំនួន២១០លើកនៅទូទាំង២៥រាជធានីខេត្ត បានបណ្តាលឱ្យរលំផ្ទះចំនួន១១១០ខ្នង របើកដំបូល៩៥៣៣ខ្នង ខូចខាតសាលារៀនចំនួន៦៤ខ្នង តូបផ្សារ១៣តូប អគាររដ្ឋបាល២៥កន្លែង
របើកដំបូលព្រះវិហារ និងកុដិលោកចំនួន៤កន្លែង រលំឃ្លាំងកំពុងសាងសង់១កន្លែង មនុស្សស្លាប់ចំនួន៣នាក់ និងរបួស៦៦នាក់ព្រមទាំងសង្គ្រោះចំនួន៥នាក់។
លោកបានបន្តទៀតថា ក្នុងចំណោមអ្នកស្លាប់៣នាក់ក្នុងនោះ១នាក់នៅខេត្តកណ្តាល១នាក់ នៅខេត្តកំពត និង១នាក់ទៀតនៅខេត្តសៀមរាប។ លោកបានឱ្យដឹងទៀតថា ចំពោះខេត្តដែលរងគ្រោះដោយខ្យល់កន្ត្រាក់ខ្លាំងជាងគេ គឺខេត្តព្រះសីហនុបណ្តាលឱ្យប៉ះពាល់ផ្ទះសម្បែងចំនួន៣៧៩៥ខ្នង ខេត្តកំពត ចំនួន២៧២៧ខ្នង ខេត្តបន្ទាយមានជ័យ៧០០ខ្នង ខេត្តស្វាយរៀងចំនួន៤០៣ខ្នង និងខេត្តឧត្តរមានជ័យ២២៧ខ្នង។ ក្រៅពីនេះខេត្តផ្សេងៗទៀតមានប៉ះពាល់ផ្ទះជាង១០០ខ្នងនិងក្រោម១០០ខ្នង។
លោក សុទ្ធ គឹមកុលមុនី បានបន្ថែមថា ចំនួនករណីខ្យល់កន្ត្រាក់ឆ្នាំ២០២២នេះបើធៀបទៅនឹងឆ្នាំ២០២១កន្លងទៅឃើញថា មានប្រហាក់ប្រហែលគ្នាតែចំនួនករណីស្លាបើនិងរងរបួសមានការថយចុះជាងឆ្នាំមុន។
លោកបានលើកឡើងរបាយការណ៍មកបញ្ជាក់ទៀតថា ឆ្នាំ២០២១ ខ្យល់កន្ត្រាក់បានកើតឡើងចំនួន២១០ករណីបណ្តាលឱ្យរលំផ្ទះចំនួន១០២២ខ្នងរបើកដំបូល៧២៤៩ខ្នង របើកដំបូលសាលារៀន៤៨ខ្នង អគាររដ្ឋបាល២៣កន្លែង
តូមផ្សារ១១២តូប ស្លាប់មនុស្ស៩នាក់និងរបួស៧៦នាក់៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?