Connect with us

ព័ត៌មានជាតិ

លោក ម៉ប់ សារិន៖ ទោះឆ្លងកាត់វិបត្តិកូវីដ១៩ និងបញ្ហាសង្រ្គាមរុស្ស៊ី-អ៊ុយក្រែន ភ្នំពេញនៅតែបន្តកសាងសមិទ្ធផល ហេដ្ឋារចនាសម្ព័ន្ធរូបវ័ន្ត​ឥត​ឈប់ឈរ

បានផុស

នៅ

​ភ្នំពេញ​ ៖ លោក ម៉ប់ សារិន ប្រធាន​ក្រុមប្រឹក្សា រាជធានី​ភ្នំពេញ​បាន​មានប្រសាសន៍​លើកឡើង​ថា ទោះឆ្លងកាត់វិបត្តិកូវីដ១៩ និងបញ្ហាសង្រ្គាមរុស្ស៊ី-អ៊ុយក្រែន ភ្នំពេញនៅតែបន្តកសាងសមិទ្ធផល ហេដ្ឋារចនាសម្ព័ន្ធរូបវ័ន្ត​ឥត​ឈប់ឈរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានក្រុមប្រឹក្សា​រាជធានី​ភ្នំពេញ​រូបនេះ​ បាន​ថ្លែង​នូវ​ការ​កោតសរសើរ ចំពោះ​រដ្ឋបាល​រាជធានី​ភ្នំពេញ ដែល​បាន​បំពេញការងារ​បាន​យ៉ាង​ល្អ​ក្នុង​ឆ្នាំ​២០២២​កន្លង​មក​នេះ មាន​ទាំង​ការអភិវឌ្ឍន៍​រាជធានី ទាំង​កិច្ចការពារ​សន្តិសុខ សុវត្ថិភាព សណ្ដាប់ធ្នាប់​សាធារណៈ ពិសេស គឺ​កិច្ចការពារ កិច្ចប្រជុំ​អាស៊ាន ដែលមាន​ថ្នាក់ដឹកនាំ​កំពូល​លំដាប់​ពិភពលោក​មក​ចូលរួម រហូត​ទទួលបាន​ការគាំទ្រ​យ៉ាង​ពេញទំហឹង​ពី​ជាតិ និង​អន្តរជាតិ ។

ការ​កោតសរសើរ​បែបនេះ​របស់​ក្រុមប្រឹក្សា​រាជធានី​ភ្នំពេញ​បានធ្វើ​ឡើង ក្នុង​កិច្ចប្រជុំ​សាមញ្ញ​លើក​ទី​៤៤ របស់​ក្រុមប្រឹក្សា​រាជធានី​ភ្នំពេញ​អាណត្តិ​ទី​៣​ក្រោម​អធិបតីភាព​លោក ម៉ប់ សារិន ប្រធាន​ក​ប្រឹក្សា​រាជធានី​ភ្នំពេញ និង​លោក ឃួ​ង ស្រេង អភិបាល​នៃ​គណៈ​អភិបាល​រាជធានី​ភ្នំពេញ​នៅ​ព្រឹក​ថ្ងៃទី​១២ មករា​ឆ្នាំ​២០២៣​នៅ​សាលា​រាជធានី​ភ្នំពេញ​។

លោក ម៉ប់ សារិន ប្រធាន​ក្រុមប្រឹក្សា រាជធានី​ភ្នំពេញ​បាន​មានប្រសាសន៍​លើកឡើង​ថា រាជរដ្ឋាភិបាល រដ្ឋបាល​រាជធានី​ភ្នំពេញ និង​ក្រុមការងារ​គ្រប់​ជំនាញ ក្នុង​ឆ្នាំ ២០២២​កន្លងមកនេះ បាន​ខិតខំ​បំពេញភារកិច្ច​យ៉ាងសកម្ម​ដោយ​ទទួលបាន​នូវ​លទ្ធផល និង​ស្នាដៃ​គួរ ជាទី​មោទនៈ ជាក់ស្ដែង​ធ្វើឱ្យ​បានសម្រេច​នូវ​ស្នាដៃ​ធំៗ​ជាច្រើន​ដូចជា ការកែលម្អ​សោភ័ណភាព រាជធានី​ភ្នំពេញ ការសហការ​រៀបចំ​ថែរក្សា ការពារ សន្តិសុខ សុវត្ថិភាព សណ្ដាប់ធ្នាប់​សាធារណៈ ដូចជា​ការធានា​ការពារ រាល់​ពិធី​បុណ្យជាតិ និង​ព្រឹត្តិការណ៍​អន្តរជាតិ​ធំៗ ពិសេស​កិច្ចប្រជុំ​អាស៊ាន ដែលមាន​ថ្នាក់ដឹកនាំ​កំពូល​លំដាប់​ពិភពលោក​មក​ចូលរួម និង​ទទួលបាន​ការគាំទ្រ​ពី​ជាតិ និង​អន្តរជាតិ ជាពិសេស​នៅពេល​កិច្ចប្រជុំ​អាស៊ាន​លើក​ទី​៤០ លើក​ទី​៤១ កិច្ចប្រជុំ​វេទិកា​អភិបាលក្រុង ASEAN ឆ្នាំ​២០២២ កិច្ចប្រជុំ​អភិបាល​រាជធានី​-​រដ្ឋធានី​អាស៊ាន និង​ព្រឹត្តិការណ៍​«​បើក​បិទ​»​ការប្រកួត​កីឡា ជាតិ​បានល្អ​ប្រសើរ​។​ល​។

លោក​ម៉ប់ សារិន​បន្ត​ថា បើ​ទោះបី​នៅ​មាន​សេសសល់​ជំងឺ​រាតត្បាត​កូ​វីដ​-១៩ និង​ផលវិបាក​លេច ចេញពី​សង្គ្រាម​រុស្ស៊ី​-​អ៊ុយ​ក្រែ​ន តែ​ការកសាង​សមិទ្ធផល ហេដ្ឋារចនាសម្ព័ន្ធ​រូបវ័ន្ត​នៅ​បន្ត​អនុវត្ត គួរឱ្យកត់សម្គាល់ ដែល​ធ្វើឱ្យ​រាជធានី​ភ្នំពេញ​កាន់តែ​ស្រស់បំព្រង​មិន​ចាញ់​ទីក្រុង​នៃ​បណ្តា​ប្រទេស ជឿនលឿន​ឡើយ ពិសេស​ក្រោយពី​បើក​ដំណើរការ​សង្គម​សេដ្ឋកិច្ច​ឡើងវិញ សកម្មភាព​គ្រប់​វិស័យ បាន​ផ្ដើម​រស់​រវើក ក្នុងនោះ​គួរកត់សម្គាល់​ទេសចរណ៍​ក្នុងស្រុក​មាន​ចលនា​ខ្លាំង ។ ចំពោះ​ការងារ​បរិស្ថាន អនាម័យ និង​ការគ្រប់គ្រង​សំណល់​វិញ រដ្ឋបាល​រាជធានី​ភ្នំពេញ បាន​ជំ​រុញអោយ​រដ្ឋាករ​ស្វ័យ​ត​គ្រប់គ្រង​សំណល់​រឹង​សំរាម​រាជធានី​ភ្នំពេញ ប្រមូល និង​ដឹកជញ្ជូន​សំរាម​បាន​ស្អាត​ល្អ គិត​ជា​មធ្យម​បាន​ប្រមាណ ៣៥៧៨,៣៧​តោន​ក្នុង​មួយថ្ងៃ​៕

ដោយ ៖ ស្រីរ័ត្ន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម