ព័ត៌មានជាតិ
អាជ្ញាធរខេត្តកំពង់ធំ រៀបចំសម្អាតច្រាំងស្ទឹងសែន ត្រៀមពិធីបុណ្យទន្លេលើកទី ៧
កាលពីចុងសប្ដាហ៍នេះ អាជ្ញាធរក្រុងស្ទឹងសែន ខេត្តកំពង់ធំ រៀបចំសម្អាតតាមដងស្ទឹងសែន ដើម្បីត្រៀមរៀបចំបុណ្យទន្លេ។
ក្នុងឱកាសនោះ លោក ពេញ កែម អភិបាលក្រុងស្ទឹងសែន ប្រាប់ឲ្យដឹងថា ការរៀបចំសម្អាតនេះ គឺដើម្បីកាប់ឆ្ការព្រៃតូចៗ និងស្មៅដែលដុះនៅតាមមាត់ស្ទឹងសែន ចាប់ពីគល់ស្ពានក្នុងក្រុង រហូតដល់ទីតាំងត្រៀមរៀបចំវាលខ្សាច់ “វាយបាល់ទះលើឆ្នេរខ្សាច់” នៅថ្ងៃបុណ្យទន្លេ ដែលនឹងប្រារព្ធចាប់ផ្ដើមនាថ្ងៃទី ៩ ខែមីនា ឆ្នាំ ២០២៣ ខាងមុខ ស្ថិតចំកណ្ដាល នៃប្រទេសកម្ពុជា ឬអាចនិយាយបានថា ជាផ្ចិតប្រទេស ឬខេត្តកណ្ដាលប្រទេស។
លោកបន្តថា ក្រោមការចង្អុលបង្ហាញរបស់ លោក ងួន រតនៈ អភិបាលខេត្តកំពង់ធំ បាន និងកំពុងរៀបចំសម្អាតច្រាំងស្ទឹងសែន នៅសងខាង រៀបចំកែលម្អសួនច្បារ ទីលានសម្រាប់លេងកម្សាន្ត ជាពិសេស អាជ្ញាធរខេត្ត ក៏កំពុងជំរុញឲ្យមានការសាងសង់វេរ៉ង់ដា ភ្ជាប់ពីវេរ៉ង់ដា ដែលបានសាងសង់រួចរាល់កាលពីឆ្នាំ ២០២២ បន្តទៅដល់សាលាសង្កាត់កំពង់ធំ ដែលជាទីតាំងសម្រាប់ប្រជាពលរដ្ឋ ភ្ញៀវជាតិ និងអន្តរជាតិដើរលេងកម្សាន្ត ទស្សនាកីឡាបាល់ទះលើឆ្នេរខ្សាច់។
ទន្ទឹមជាមួយគ្នានេះ អាជ្ញាធរខេត្តកំពង់ធំ គ្រោងរៀបចំតុបតែងភ្លើងបំភ្លឺសាធារណៈច្រើនបន្ថែមទៀត ធ្វើឲ្យក្រុងស្ទឹងសែន លម្អដោយភ្លើងពណ៌នៅពេលរាត្រី និងមានពណ៌បៃតងស្រស់ពេលថ្ងៃ តាមបណ្ដោយសួនស្ទឹងសែន សួនវិមានឯករាជ្យ។
លោកបញ្ជាក់ថា កិច្ចការងារបន្ទាន់របស់អាជ្ញាធរខេត្ត និងក្រុង កំពុងជំរុញឲ្យក្រុមសាងសង់ប្រព័ន្ធលូ និងផ្លូវចំនួនជាង ១៤ គីឡូម៉ែត្រ ឲ្យបានរួចរាល់មុនពិធីបុណ្យទន្លេផងដែរ។
ទន្ទឹមជាមួយបុណ្យទន្លេនេះ នៅខែមេសា ខាងមុខ ខេត្តកំពង់ធំ នឹងរៀបចំកម្មវិធីសង្ក្រាន្តស្ទឹងសែន ក្នុងអំឡុងពេល នៃបុណ្យចូលឆ្នាំប្រពៃណីជាតិខ្មែរ។ ជាពិសេស ខេត្តកំពង់ធំ ក៏ត្រូវបានប្រមុខរាជរដ្ឋាភិបាល ផ្ដល់នូវសេចក្ដីជឿទុកចិត្ត អនុញ្ញាតឲ្យរៀបចំព្រះរាជពិធីច្រត់ព្រះនង្គ័ល នៅថ្ងៃទី ៨ ខែឧសភា ឆ្នាំ ២០២៣ ផងដែរ។
លោកអភិបាលក្រុង អំពាវនាវដល់ប្រជាពលរដ្ឋទាំងអស់ នៅខេត្តកំពង់ធំ ជាពិសេសក្រុងស្ទឹងសែន តាមបណ្ដោយដងផ្លូវជាតិលេខ ៦ និងផ្លូវតូច-ធំទាំងអស់ ចូលរួមសហការជាមួយអាជ្ញាធរ ក្នុងការកែលម្អ ផ្ទះ ដើមឈើ នៅតាមផ្ទះរៀងៗខ្លួន ដើម្បីទទួលបានភាពស្រស់ស្អាត និងសោភ័ណភាពស្រស់បំព្រង៕
អត្ថបទ ៖ ឈាង មករា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៣ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១៧ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានអន្ដរជាតិ១៤ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៧ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ