Connect with us

ព័ត៌មានជាតិ

ពលរដ្ឋក្រីក្រចំនួន ៣០០ គ្រួសារ ទទួលបានអំណោយ​ពីលោកស្រី ញ៉ែម សាខន ស ខេង

បានផុស

នៅ

ព្រៃវែង៖ លោកស្រី ញ៉ែម សាខន ស ខេង និងក្រុមការងារ បាននាំយកអំណោយមនុស្សធម៌មួយចំនួនចែកជូន​ដល់ពលរដ្ឋក្រីក្រ ៣០០គ្រួសារ ដែលមានជីវភាពខ្វះខាត កាលពីរសៀលថ្ងៃទី ២៦ មករា សង្កាត់បារាយណ៍ ក្រុងព្រៃវែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស សុខា សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារចុះមូល​ដ្ឋានខេត្តព្រៃវែង បានមានប្រសាសន៍ថា ក្រោមម្លប់សុខសន្តិភាព និងក្រោមការដឹកនាំប្រកបដោយគតិបណ្ឌិត របស់រាជរដ្ឋាភិបាល ដែលមានសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្ដេចតែងយកចិត្តទុកដាក់គិតគូរអំពីសុខទុក្ខរបស់បងប្អូនប្រជាពលរដ្ឋ គ្រប់ពេលវេលា គ្រប់កាលៈទេសៈ ដោយមិនប្រកាន់និន្នាការនយោបាយបក្សពួកនិយមណាមួយនោះឡើយ។

លោកបានបន្តទៀតថា ថ្នាក់ដឹកនាំគ្រប់លំដាប់ថ្នាក់ ដែលតែងតែខិតខំបម្រើបងប្អូនប្រជាពលរដ្ឋគ្រប់ពេលវេលា ដើម្បីបំពេញឆន្ទៈ ដែលប្រជាពលរដ្ឋតែងតែគោរពជឿជាក់លើការដឹកនាំរបស់រាជរដ្ឋាភិបាល​ជាពិសេសក្រោមការ​ដឹកនាំរបស់គណបក្សប្រជាជនកម្ពុជាដែលនាំមកនូវសុខសន្តិភាពថេរភាពនយោបាយនិងការអភិវឌ្ឍន៍លើគ្រប់វិស័យ នៅក្នុងប្រទេសកម្ពុជា និងតែងតែរស់នៅជាមួយបងប្អូនគ្រប់កាលៈទេសៈ ទោះជាលំបាកយ៉ាងណាក៏ដោយក៏នៅ​តែខាំក្រប​ពុះពារ រាល់ឧបសគ្គជាមួយបងប្អូនប្រជាពលរដ្ឋធ្វើយ៉ាងណាដើម្បី ជួយសម្រួល ជីវភាពរបស់បងប្អូន។

លោកបានបន្ថែមទៀតថា សម្ភារៈដែលបានផ្ដល់ជូនប្រជាពលរដ្ឋនេះ ទោះបីជាមិនច្រើនហូរហៀរទៅតាម​តម្រូវការក៏ពិតមែន ប៉ុន្តែ ក៏ជាការចូលរួមចំណែកក្នុងការជួយដោះស្រាយនៅ ការខ្វះខាតរបស់បងប្អូន​បានមួយគ្រាផងដែរ។

សូមបញ្ជាក់ថា អំណោយដែលផ្តល់ជូនប្រជាពលរដ្ឋនាពេលនេះ ក្នុងម្នាក់ៗទទួលបាន អង្ករ, ទឹកសុទ្ធ, មី, ត្រីខ, ទឹកត្រី,ទឹកស៊ីអ៊ីវ ផងដែរ៕ សៅគ្រី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម