ព័ត៌មានជាតិ
កសិករ៨៩គ្រួសារនៅក្រុងពោធិ៍សាត់បន្តទទួលស្បៀងសង្គ្រោះបន្ទាន់ពីរដ្ឋាភិបាលដោយសារជំនន់ភ្លៀងលិចដំណាំស្រូវ
ពោធិ៍សាត់ ៖ លោក ខូយ រីដា អភិបាលនៃគណៈអភិបាលខេត្តពោធិ៍សាត់ និងមន្ទីរជុំវិញខេត្តមន្ត្រីដែលពាក់ព័ន្ធ បានអញ្ជើញចុះសួរសុខទុក្ខ និងនាំយកស្បៀងសង្គ្រោះបន្ទាន់របស់រាជរដ្ឋាភិបាល សម្រាប់ដោះស្រាយជីវភាពជាបណ្តោះអាសន្ន ជូនដល់ប្រជាកសិករចំនួន៨៩គ្រួសារ មកពីសង្កាត់រលាប សង្កាត់ចំរើនផល និងសង្កាត់លលកស ក្រុងពោធិ៍សាត់ ដែលទទួលរងគ្រោះដោយជំនន់ទឹកភ្លៀងនារដូវប្រាំងបណ្តាលអោយខូចខាតដំណាំស្រូវ ដោយពិធីនេះធ្វើនៅសាលាក្រុងពោធិ៍សាត់ នាព្រឹកថ្ងៃទី២៧ ខែមករា ឆ្នាំ២០២៣។
លោក ខូយ រីដា បានលើកឡើងថា រាជរដ្ឋាភិបាលតែងតែរួមសុខរួមទុក្ខជាមួយបងប្អូនប្រជាពលរដ្ឋគ្រប់ពេល ហើយស្បៀងដែលផ្តល់ជូនពេលនេះគឺជា ស្បៀងបម្រុងរបស់រាជរដ្ឋាភិបាលកម្ពុជា សម្រាប់អន្តរាគមន៍ជួយជាបន្ទាន់ដល់ប្រជាពលរដ្ឋរងគ្រោះ ហើយការងារបន្តគឺរាជរដ្ឋាភិបាលនឹងផ្តល់ស្រូវពូជ សម្រាប់ការធ្វើស្រែស្តារឡើងវិញជាថ្មី ក្នុងនោះដែររដ្ឋបាលខេត្ត និងមន្ទីរជំនាញបានត្រៀមខ្លួនរួចជាស្រេចចាំជួយអន្តរាគមន៍ប្រព័ន្ធទឹកជូន បងប្អូនស្រោចស្រពដំណាំស្រូវដែលត្រូវស្ដារឡើងវិញ។
សូមជម្រាបផងដែរ បើយោងតាមរបាយការណ៍ពីមន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់ បានបង្ហាញថា គិតត្រឹមថ្ងៃទី២៣ ខែមករាឆ្នាំ២០២៣ ទូទាំងខេត្តពោធិ៍សាត់ ជំនន់ទឹកភ្លៀងរដូវប្រាំងនាដើមឆ្នាំ២០២៣ បានប៉ះពាល់ដល់ដំណាំស្រូវសរុប ២៣០៥ហិកតា និងខូចខាតដំណាំសរុប ១៧៨៦ហិកតា សម្រាប់លទ្ធភាពស្ដារឡើងវិញគឺមានចំនួន១៤៨៥ហិកតា ស្មើនិង១០២៨គ្រួសារ ដូច្នេះតម្រូវការស្រូវពូជមានចំនួនប្រមាណ១០២៨០០គីឡូក្រាម ។
សម្រាប់ក្រុងពោធិ៍សាត់ ប៉ះពាល់ដំណាំស្រូវសរុបចំនួន ១១២ហិកតា ក្នុងនោះខូចខាតទាំងស្រុងចំនួន៦២ហិកតានិងអាចសង្គ្រោះវិញបាន៥០ហិកតា ហើយប៉ះពាល់ដំណាំ សាកវប្បកម្ម និងដំណាំរួមផ្សំខូចខាតសរុបចំនួន៧ហិកតា ចំពោះស្ថានភាពទឹកបច្ចុប្បន្ន បានស្រកអស់ហើយ ។ ហើយស្បៀងសង្គ្រោះបន្ទាន់ ដែលត្រូវចែកជូនប្រជាពលរដ្ឋ រងគ្រោះដោយសារជំនន់ទឹកភ្លៀង ទាំង៨៩គ្រួសារ ដោយក្នុងមួយគ្រួសារៗទទួលបានអង្ករ ២៥គីឡូក្រាម, មី១កេស, ត្រីខ១យួរ, ទឹកត្រី១យួរ, ទឹកស៊ីអ៊ីវ១យួរ និងទឹកបរិសុទ្ធ១កេស៕
ដោយ ៖ លាន គ្រន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង