ព័ត៌មានជាតិ
សម្តេចតេជោ បានលះបង់ច្រើនណាស់ដើម្បីជាតិ មាតុភូមិ សំដៅធ្វើយ៉ាងណាអោយប្រទេសជាតិមានសន្តិភាពនិងការអភិវឌ្ឍ
ភ្នំពេញ ៖ លោក ឃួង ស្រេង សមាជិកគណៈកម្មាធិការកណ្តាលគណបក្សប្រជាជនកម្ពុជានិងជាប្រធានគណៈកម្មាធិការគណបក្សរាជធានីភ្នំពេញ បានលើកឡើងថា សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានលះបង់ច្រើនណាស់ដើម្បីជាតិ មាតុភូមិ ហើយការលះបង់របស់សម្តេចមានគោលបំណងតែមួយគត់ គឺធ្វើយ៉ាងណាអោយប្រទេសកម្ពុជាមានសន្តិភាពពេញលេញ ដើម្បីអភិវឌ្ឍន៍ប្រទេសជាតីអោយ រីកចម្រើន។
ការលើកឡើងរបស់លោកឃួង ស្រេង បានធ្វើឡើងក្នុងពិធីប្រកាសសាខាគណបក្សស្ថានីយទូរទស្សន៍ CTN MYTV CNC សាខាគណបក្សស្ថានីយ ទូរទស្សន៍ PNN និងបញ្ចូលសមាជិកគណបក្ស ចំនួន១៨៣រូប នារសៀលនៅថ្ងៃទី៣១ ខែមករា ឆ្នាំ២០២៣ នៅមន្ទីរបក្សរាជធានីភ្នំពេញ។
ក្នុងពិធីនេះត្រូវបានប្រកាសសាខាគណបក្សស្ថានីយទូរទស្សន៍ CTN MYTV CNC ចំនួន១០៩រូប និងសាខាគណបក្សស្ថានីយ ទូរទស្សន៍ PNN ចំនួន៧៤រូប សរុបចំនួន១៨៣រូប ជាសមាជិកគណបក្សចំណុះអោយគណបក្សរាជធានីភ្នំពេញ។
លោក ឃួង ស្រេង បានមានប្រសាសន៍ថា សម្តេចបានផ្តល់អាយុជីវិតជូនប្រជាពលរដ្ឋនៅថ្ងៃ០៧ មករា ១៩៧៩ ដែលបងប្អូនត្រូវយល់អោយបានច្បាស់ពីវីរៈភាពរបស់សម្តេចតេជោ។ លោកថា សមាជិកម្នាក់ជាសន្លឹកឆ្នោត១សន្លឹករបស់គណបក្សប្រជាជនកម្ពុជា នៅពេលបោះឆ្នោត សមាជិកម្នាក់ៗ ត្រូវដឹងការពិត ពីអ្វីដែលគណបក្សប្រជាជនកម្ពុជាបានលះបង់ដើម្បីជាតិ មាតុភូមិនិងត្រូវហ៊ានស៊ូមតិដើម្បីបក្ស។
បងប្អូនសម្រេចចូលរួមជាមួយបក្សប្រជាជនកម្ពុជានៅពេលនេះ មានន័យថា បងប្អូនបានថែរក្សាកេរតំណែលនិងសមិទ្ធផលរបស់ដូនតាយើងពីមុនមក។ ពីមុនយើងចង់បានត្រឹមតែ ប្រជាពលរដ្ឋយល់និងអោយតម្លៃការដឹកនាំរបស់គណបក្សប្រជាជនកម្ពុជាបានហើយ តែសម្រាប់ពេលនេះ មិនត្រឹមតែប្រជាពលរដ្ឋអោយតម្លៃប៉ុណ្ណោះទេ សូម្បីតែអន្តរជាតិក៏បានអោយតម្លៃ មេដឹកនាំរបស់កម្ពុជាយើងយ៉ាងខ្លាំងផងដែរ។
លោក ឃួង ស្រេង បានបញ្ជាក់ផងដែរថា សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានលះបង់ច្រើនណាស់ដើម្បីជាតិ មាតុភូមិ។ ការលះបង់របស់សម្តេចតេជោ មានគោលបំណងតែមួយគត់ នោះគឺធ្វើយ៉ាងណាអោយប្រទេសកម្ពុជាមានសន្តិភាពពេញលេញ ដើម្បីអភិវឌ្ឍន៍ប្រទេសជាតិអោយរីកចំរើន ដូចដែលយើងបានឃើញស្រាប់នៅពេលនេះ។ អ្វីដែលជាក់ស្តែងថែមទៀតនោះ ខណៈដែលប្រទេសកម្ពុជាក៏ដូចជានៅលើសកលលោក កំពុងប្រឈមខ្លាំងនៃការរីករាលដាលជំងឺកូវីដ-១៩ សម្តេចតេជោបានដើរជួរមុខ ក្នុងការសង្គ្រោះអាយុជីវិតប្រជាពលរដ្ឋម្តងទៀត ដោយការស្រោចវ៉ាក់សាំងការពារកូវីដ-១៩ ជូនពលរដ្ឋបានគ្រប់គ្នានិងគ្រប់ដូស។
លោកបន្តទៀតថា បក្សប្រជាជនកម្ពុជាមានបទពិសោធន៍ច្រើនណាស់ ពាក់ព័ន្ធនឹងការអត់អាហារ ដូច្នេះហើយទើបយើងរក្សាស្បៀងទុកអោយបានគ្រប់គ្រាន់ ដើម្បីជួយប្រជាពលរដ្ឋដែលខ្វះខាត ពោលគឺសម្តេចតេជោហ៊ុន សែន មិនទុកអោយប្រជាពលរដ្ឋណាម្នាក់ស្លាប់ដោយការអត់បាយនោះទេ។ ក្នុងនាមជាសមាជិក សមាជិការបស់បក្សប្រជាជនកម្ពុជាត្រូវការពារសមិទ្ធផលរបស់សម្តេចតេជោ ដែលរកបានមកដោយលំបាក នោះគឺសន្តិភាព និងនាំគ្នាជួយផ្សព្វផ្សាយអំពីអំពើល្អរបស់សម្តេចតេជោ ដើម្បីអោយប្រជាពលរដ្ឋបានដឹងនិងយល់កាន់តែច្បាស់៕
ដោយ ៖ ស្រីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង