ព័ត៌មានជាតិ
លោក លី ធុជ ណែនាំមន្ត្រីអាជ្ញាធរមីន ប្រកាន់ខ្ជាប់គុណធម៌១១ចំណុច ដើម្បីលើកកម្ពស់ស្ថាប័នអាជ្ញាធរមីន
ក្នុងឱកាសអញ្ជើញបិទសិក្ខាសាលា ស្តីពី Organizational and Personal Branding in Digital Age លោកទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន បានណែនាំឲ្យថ្នាក់ដឹកនាំ មន្ត្រី បុគ្គលិកអាជ្ញាធរមីន ទាំងអស់ ត្រូវប្រកាន់ខ្ជាប់នូវគុណធម៌ចំនួន ១១ ចំណុច ដើម្បីចូលរួមលើកកម្ពស់ជូនដល់ស្ថាប័នអាជ្ញាធរមីន និងឈានទៅសម្រេចគោលដៅតាមការគ្រោងទុក រួមមាន ១. សុជីវធម៌ ចេះគួរសម រាបសា មានរបៀបរបប ២. ភាពសុភាពរាបសារ ៣. ភាពក្លាហាន ៤. ការចេះអភ័យទោស ការអន់អោន ៥. សុចរិតភាព សេចក្តីសុចរិត ៦. យល់ព្រមព្រៀងចិត្តគ្នា ការយោគយល់ ៧. ភាពស្មោះត្រង់ ៨. ការប្តេជ្ញាចិត្ត ៩. មានវិន័យ ១០. ការអត់ធ្មត់ និង១១. ការងារ។
នារសៀល ថ្ងៃទី៣១ ខែមករា ឆ្នាំ២០២៣ នៅសណ្ឋាគារសុខាភ្នំពេញ អាជ្ញាធរមីន បានរៀបចំសិក្ខាសាលា ស្តីពី Organizational and Personal Branding in Digital Age ក្រោមការសម្របសម្រួលពីវាគ្មិនមកពីក្រុមហ៊ុន FWD និងមានការចូលរួមពីថ្នាក់ដឹកនាំ មន្ត្រី បុគ្គលិកអាជ្ញាធរមីន។
លោកទេសរដ្ឋមន្ត្រី បានលើកឡើងថា យើងទាំងអស់គ្នាដែលជាអ្នកបម្រើការងារក្នុងសកម្មភាពមីនមនុស្សធម៌ គឺជាអ្នកចូលរួមបង្កើតនូវប្រវត្តិសាស្ត្រសម្រាប់សកម្មភាពមីននៅកម្ពុជា ក្រោមម្លប់សន្តិភាព ដើម្បីឈានទៅសម្រេចបាននូវចក្ខុវិស័យកម្ពុជាគ្មានមីនឆ្នាំ២០២៥។ ដើម្បីសម្រេចនូវគោលដៅនេះ យើងត្រូវធ្វើជាម្ចាស់ខ្លួនឯងប្រចាំថ្ងៃ ដោយត្រូវចេះការប្រើដើមទុនគំនិតប្រាជ្ញា មានសេរីភាពពីការរំខាន ការអនុវត្តជំនាញផ្ទាល់ខ្លួន និងការតាមដានប្រសិទ្ធភាពការងារប្រចាំថ្ងៃ ជាមួយនឹងជំនាញ និងចំណេះដឹងផ្ទាល់ខ្លួន។
លោកបន្តទៀតថា ប្រសិនបើយើងខ្វះជំនឿលើសមត្ថភាពរបស់ខ្លួនក្នុងការសម្រេចមហិច្ឆតានេះ នោះយើងនឹងមិនអាចសម្រេចតាមគោលដៅកំណត់ឡើយ។ ដើម្បីបង្កើននូវទំនុកចិត្ត និងបង្កើតនូវអនាគតកាន់តែប្រសើរឡើង យើងត្រូវបន្តរកឲ្យឃើញនូវចំណុចខ្វះខាតរបស់ខ្លួន និងត្រូវធ្វើការកែលម្អជាប្រចាំ ព្រមទាំងបន្តជំរុញសកម្មភាពការងារនេះឲ្យកាន់តែសកម្ម និងកាន់តែខ្លាំងក្លាជាងមុន ដោយគិតពីប្រយោជន៍រួមរបស់ស្ថាប័ន៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង