ព័ត៌មានជាតិ

ក្រុមហ៊ុន អិន ស៊ី អិច បន្តទទួលសិទ្ធិនាំចូល និងចែកចាយផ្ដាច់មុខ ម៉ូតូ និងគ្រឿងបន្លាស់ម៉ាក “MSX”,“CB150R” និង“PCX” ជារបស់ក្រុមហ៊ុន អិន ស៊ី អិច នៅកម្ពុជា

បានផុស

៣ years មុន

នៅ

ថ្ងៃអង្គារ ៧ កុម្ភៈ ២០២៣

ដោយ

ក្រសួងពាណិជ្ជកម្ម ឯកភាពបន្តសុពលភាពកត់ត្រាទទួលស្គាល់សិទ្ធិនាំចូល និងចែកចាយផ្ដាច់មុខផលិតផលម៉ូតូ និងគ្រឿងបន្លាស់ម៉ូតូម៉ាក“MSX”,“CB150R” និង“PCX” ជារបស់ក្រុមហ៊ុន អិន ស៊ី អិច ក្នុងព្រះរាជាណាចក្រកម្ពុជា ទទួលបានពីក្រុមហ៊ុន HONDA MOTOR Co., Ltd. ដូចមានចែងក្នុងលិខិតប្រគល់សិទ្ធិនាំចូល និងចែកចាយផ្ដាច់មុខដែលក្រសួងបានតម្កល់ទុករួចហើយ។

ដោយយោងទៅតាម មាត្រា ៣ និងមាត្រា ១១ នៃច្បាប់ ស្ដីពីម៉ាកពាណិជ្ជនាម និងអំពើ នៃការប្រកួតប្រជែងមិនស្មោះត្រង់ ក្រុមហ៊ុន អិន ស៊ី អិច ក៏បានសម្រេចបន្តដាក់ផលិតផលម៉ូតូ និងគ្រឿងបន្លាស់ម៉ូតូម៉ាក“MSX”,“CB150R” និង“PCX” ចុះក្នុងបញ្ជីកត់ត្រាទទួលស្គាល់សិទ្ធិនាំចូល និងចែកចាយផ្ដាច់មុខក្នុងលិខិតបន្តសិទ្ធិរបស់ខ្លួន ចុះថ្ងៃទី ១០ ខែវិច្ឆិកា ឆ្នាំ ២០២២ នៅក្រសួងពាណិជ្ជកម្ម ដើម្បីជាកិច្ចការពារសិទ្ធិផ្ដាច់មុខក្នុងការប្រើប្រាស់ម៉ាក។ ក្នុងនោះក៏មានការប្រគល់សិទ្ធិផ្ដាច់មុខពីក្រុមហ៊ុន HONDA MOTOR Co., Ltd. តាមរយៈលិខិតប្រគល់សិទ្ធិផ្ដាច់មុខ ចុះថ្ងៃទី ២៧ ខែមេសា ឆ្នាំ ២០២២ ផងដែរ។

ឆ្លើយតបនឹងសំណើនេះ ក្រសួងពាណិជ្ជកម្ម ឯកភាពបន្តសុពលភាពកត់ត្រាទទួលស្គាល់សិទ្ធិនាំចូល និងចែកចាយផ្ដាច់មុខផលិតផលម៉ូតូ និងគ្រឿងបន្លាស់ម៉ូតូម៉ាក“MSX”,“CB150R” និង“PCX” ជារបស់ក្រុមហ៊ុន អិន ស៊ី អិច ក្នុងព្រះរាជាណាចក្រកម្ពុជាពិតប្រាកដមែន៕