ព័ត៌មានជាតិ

អាជ្ញាធរខេត្តបាត់ដំបង ជួសជុសរូបសំណាកលោកតាដំបងគ្រញូង កែលម្អលាបថ្នាំថ្មី

បានផុស

៣ years មុន

នៅ

ថ្ងៃព្រហស្បតិ៍ ៩ កុម្ភៈ ២០២៣

ដោយ

រូបសំណាកលោកតាដំបងក្រញួងកំពុងតែធ្វើការជួសជុលសំអាត ដើម្បីលាបថ្នាំសាជាថ្មីដោយរក្សាទម្រង់ដើមទាំងស្រុង។

លោក សុខ លូ អភិបាលខេត្តបាត់ដំបងបានប្រាប់កម្ពុជាថ្មីឲ្យដឹងនៅរសៀលថ្ងៃទី០៩ ខែកុម្ភ:នេះថា រូបសំណាកលោកតាដំបងគ្រញូង ត្រូវបានរៀបចំដុះខាត់និងជួសជុលកន្លែងបាក់បែកខ្លះៗឲ្យបានស្អាតរួចលាបពណ៌សាជាថ្មី ដោយរក្សទម្រង់ដើមទាំងស្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនធ្វើការជួសជុលលាបថ្នាំពណ៌រូបសំណាកលោកតាដំបងក្រញួង រដ្ឋបាលខេត្តបាត់ដំបងក៏មិនភ្លេចអំពីទំនៀមទម្លាប់ ប្រពៃណីនោះទេ គឺបានរៀបចំពិធីក្រុងពាលី បួងសួងសុំសេចក្ដីសុខ ដើម្បីធ្វើការសុំជួសជុលលាបថ្នាំដើម្បីលើកសម្រស់រូបសំណាកលោកតាដំបងក្រញូង ឱ្យកាន់តែមានភាពស្រស់ស្អាត ទាក់ទាញ និងកាន់តែមានរបៀបរៀបរយផងដែរ។

ការជួសជុលសំអាតរូបសំណាកតាដំបងក្រញួងធ្វើឡើង ក្រោយពីរដ្ឋបាលខេត្តបានចុះសិក្សាកំណត់អ័ក្សស្ថាបនាផ្លូវបេទីមប្រភេទ AC កាលពីថ្ងៃទី២៤ ខែមករា កន្លងទៅ ដែលក្នុងនោះមានជួសជុលស្ថាបនាផ្លូវជាផ្នែកៗដូចជាផ្លូវ សម្រាប់រថយន្ត ផ្លូវជិះកង់ ផ្លូវដើរ ដាំដើមឈើ ចំណត និង ដកទ្រូងផ្លូវ ចេញចាប់ពីក្រោយរង្វង់មូលលោកតាដំបងគ្រញូងមកទល់ស្ពាន ១៣ មករា។ អាជ្ញាធរក៏បានរៀបចំ ផ្លូវជិះកង់ ផ្លូវដើរ ចំណត និងដាំដើមឈើ ផ្លូវចំនួន ២ ខ្សែផ្សេងទៀត គឺកំណាត់ផ្លូវជាតិលេខ ៥ ពី រង្វង់មូលលោកតាដំបងគ្រញូងមកដល់ស្ពានសោហឺជាប្រភេទ AC និងផ្លូវមុខស្នងការដល់ស្ពានវត្តសូភីដោយចាក់បេតុង៕

អត្ថបទ៖ សៅ សារិទ្ធ