ព័ត៌មានជាតិ
ជប៉ុន-កម្ពុជា រៀបចំមហោស្រពគីហ្សូណា ដើម្បីអបអរសាទរដល់ខួប៧០ឆ្នាំនៃប្រទេសទាំង២
ក្នុងឱកាសគម្រប់ខួប៧០ឆ្នាំនៃទំនាក់ទំនងប្រទេសទាំង២ជប៉ុន-កម្ពុជា ស្ថានទូតជប៉ុនប្រចាំនៅកម្ពុជា បានរៀបចំមហោស្រពគីហ្សូណាលើកទី១២ ដែលជាកម្មវិធីធំមួយក្នុងចំណោមកម្មវិធីផ្សេងៗសម្រាប់ការអបអរដល់ចំណងមិត្តភាពប្រទេសទាំង២។ មហោស្រពនេះមានរយៈពេល៣ថ្ងៃ ចាប់ពីថ្ងៃទី២៣ ដល់ទី២៤ ខែកុម្ភៈ ឆ្នាំ២០២៣ ដែលធ្វើឡើងនៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC)។
នៅល្ងាចថ្ងៃទី២៣ ខែកុម្ភៈ គឺជាថ្ងៃបើកកម្មវិធីនៃមហោស្រពមួយនេះ មានការចូលរួមពីមន្ត្រីជាន់ខ្ពស់ ប្រជាជនកម្ពុជា និងជប៉ុន ជាច្រើនរូប ដើម្បីអបអរសាទរដល់ព្រឹត្តិការណ៍នេះ។ មហោស្រពនេះ មានជាការសម្តែងបង្ហាញពីវប្បធម៌ផ្សេងៗរបស់ជប៉ុន ដល់ប្រជាជនកម្ពុជា ដើម្បីផ្លាស់ប្តូរវប្បធម៌គ្នាទៅវិញទៅមកឱ្យចំណងមិត្តភាពនៃប្រទេសទាំង២កាន់តែរឹងមាំបន្ថែមទៀត។ ប្រធានបទឆ្នាំនេះ គឺ“មិត្តភាពស្រស់បំព្រងរបស់យើង A Blossoming Friendship” ដែលបញ្ជាក់ពីមិត្តភាពកម្ពុជា-ជប៉ុន រយៈពេល៧០ឆ្នាំមកនេះ។ ស្របគ្នានេះ ក្នុងកម្មវិធីបើក ក៏មានការសម្តែងសិល្បៈជប៉ុន និងកម្ពុជាដើម្បីអបអរផងដែរ។
លោកបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា បានសម្តែងនូវសេចក្តីសោមន្សជាអនេកចំពោះការចូលរួមក្នុងកម្មវិធីមហាស្រពនេះ។ លោកក៏បានថ្លែងអំណរគុណដល់ស្ថានទូតជប៉ុនដែលបានរៀបចំព្រឹត្តិការណ៍ដ៏អស្ចារ្យនេះឡើងមក។ តាំងពីឆ្នាំ២០១២ នៃការបង្កើតឱ្យមានមហោស្រពនេះឡើងមក គឺបានផ្តល់ឱកាសឱ្យប្រជាជនជប៉ុន និងកម្ពុជា បានស្គាល់ពីប្រពៃណី វប្បធម៌នៃប្រទេសទាំង២យ៉ាងច្រើនប្រកបដោយភាពច្នៃប្រឌិត។
លោកមានប្រសាសន៍ថា៖ “ខ្ញុំសូមសម្តែងនូវការគាំទ្រយ៉ាងពេញទំហឹង និងថ្លែងអំណរគុណចំពោះមហោស្រព គីហ្សូណាឆ្នាំ២០២៣ ព្រោះវាបានរួមចំណែកក្នុងការសម្រេចបាននូវចក្ខុវិស័យអភិវឌ្ឍន៍សេដ្ឋកិច្ចកម្ពុជា រឹតចំណងមិត្តភាពល្អរបស់យើង។ ហើយវាក៏បានដើរតួនាទីមួយក្នុងការនាំយកឱ្យយើងទាំងអស់គ្នានូវមនុស្សដែលមានវប្បធម៌ចម្រុះគ្នា រួមទាំងនិស្សិតកម្ពុជា និងជប៉ុន”។
ជាមួយគ្នានេះ លោក តាកិអ៉ិ ស៊ុនស៊ុកិ អនុរដ្ឋមន្ត្រីការបរទេសជប៉ុន បានសម្តែងនូវភាពរីករាយក្រៃលែងចំពោះការចូលរួមក្នុងមហោស្រពគីហ្សូណា សម្រាប់ខួបទំនាក់ទំនងលើកទី៧០ឆ្នាំនៃប្រទេសទាំង២នេះ ដែលបង្ហាញពីចំណងមិត្តភាពរឹងមាំរបស់ប្រទេសទាំងពីរ ព្រមទាំងកិច្ចសហប្រតិបត្តិការផ្សេងៗទៀត។ លោកមានប្រសាសន៍ថា៖ “ថ្មីៗនេះ ការអភិវឌ្ឍរបស់ប្រទេសកម្ពុជាគួរឱ្យកត់សម្គាល់ក្នុងវិស័យសេដ្ឋកិច្ច និងហេដ្ឋារចនាសម្ព័ន្ធ ទាក់ទាញអ្នកវិនិយោគជប៉ុនជាច្រើន។ តំបន់សក្តានុពលនៃកិច្ចសហប្រតិបត្តិការរបស់យើងកំពុងត្រូវបានពង្រីកជាបន្តបន្ទាប់”។
លោក តាកិអ៉ិ ស៊ុនស៊ុកិ ក៏សង្ឃឹមថា ប្រជាជនជាច្រើនទាំងកម្ពុជា និងជប៉ុន នឹងកាន់តែយល់ដឹងស៊ីជម្រៅពីវប្បធម៌ជប៉ុន និងកម្ពុជាបន្ថែមទៀតតាមរយៈព្រឹត្តិការណ៍មហោស្រពនេះ ហើយលោកក៏សង្ឃឹមថា មិត្តភាពរបស់ប្រទេសទាំង២នឹងកាន់តែរឹងមាំ និងរីកសុះសាយផងដែរ។
ព្រឹត្តិការណ៍មហោស្រពគីហ្សូណាលើកទី១២ នៅថ្ងៃបើកម្មវិធី គឺមានការសម្តែងចម្រៀងពីឯកអគ្គរាជទូតសុឆន្ទៈទាំង២រូបរបស់កម្ពុជា-ជប៉ុន នៃខួបអនុស្សាវរីយ៍លើកទី៧០ឆ្នាំនេះ គឺកញ្ញា ម៉ម ឡរ៉ា ទេវរី និងលោកស្រី មិណាមិណុ យូកុ។កម្មវិធីមហោស្រពនេះ មានទម្រង់ជាសិក្ខាសាលា បឋកថា ការពិព័រណ៍សិល្បៈ វប្បធម៌ ការអប់រំ និងកីឡានានា ក្នុងនោះក៏មានការស្លៀកសំលៀកបំពាក់ជប៉ុន របៀបបត់ក្រដាស់ ការបាត់ពណ៌ និងសកម្មភាពជាច្រើនទៀត៕
ដោយ៖ អុន ស្រីមាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ