ព័ត៌មានជាតិ
សម្ដេចតេជោ ចាត់ទុកការវាយប្រហារក្រុមយុវជនធ្លាប់ប្រឆាំង មកគាំទ្ររដ្ឋាភិបាលវិញ ជាការខ្វះការគោរពប្រជាធិបតេយ្យ
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចាត់ទុកការវាយប្រហារទៅលើក្រុមយុវជន ធ្វើការងារនៅក្នុងអង្គការ-សមាគមមួយចំនួន ដែលធ្លាប់ប្រឆាំងរាជរដ្ឋាភិបាល មកចូលរួមគាំទ្ររាជរដ្ឋាភិបាលវិញនោះ គឺជាការខ្វះការគោរពភាពជាប្រជាធិបតេយ្យ។
សម្ដេចតេជោ ហ៊ុន សែន បានថ្លែងក្នុងទិវាជាតិទីក្រុងស្អាតលើកទី ១១ ឆ្នាំ ២០២៣ នារសៀលថ្ងៃទី ២៧ ខែកុម្ភៈនេះថា ក្នុងរយៈពេលប៉ុន្មានថ្ងៃកន្លងមកនេះ មានចលនាជេរគ្នាទៅវិញទៅមក បន្ទាប់ពីក្រុមយុវជន ដែលធ្វើការងារនៅក្នុងអង្គ ការ-សមាគមមួយចំនួន បានចូលរួមជីវភាពនយោបាយជាមួយគណបក្សប្រជាជនកម្ពុជា និងគាំទ្ររាជរដ្ឋាភិបាល។
សម្ដេចតេជោ ហ៊ុន សែន ថ្លែងបែបនេះថា «ក្នុងប៉ុន្មានថ្ងៃនេះ មានការជេរគ្នាតាមបណ្ដាញសង្គម បន្ទាប់ពីក្រុមយុវជនមួយចំនួន បានទៅជួបខ្ញុំថា ពួកគេបានធ្វើសកម្មភាពច្រើនណាស់ហើយ ក្នុងការប្រឆាំងរដ្ឋាភិបាល ប៉ុន្តែពួកគេអត់បានទទួលផលអ្វីទាំងអស់ ឥឡូវនេះវិធីសាស្រ្ដតែមួយគត់ គឺចូលរួមជាមួយគណបក្សប្រជាជន ហើយគាំទ្ររាជរដ្ឋាភិបាលវិញ»។
សម្ដេចតេជោ ហ៊ុន សែន លើកឡើងថា បន្ទាប់ពីក្រុមយុវជនទាំងនោះ បានផ្លាស់ប្ដូរជំហរប្រឆាំង មកគាំទ្ររាជរដ្ឋាភិបាល និងគណបក្សប្រជាជនកម្ពុជា បែរជាត្រូវក្រុមគណបក្សប្រឆាំង វាយប្រហារទៅលើពួកគេវិញ។
សម្ដេចតេជោ ហ៊ុន សែន លើកឡើងបែបនេះថា «ខ្ញុំសុខចិត្តទទួលកូនៗ ទាំងនោះឲ្យជួបជាមួយខ្ញុំ ឥឡូវចលនានេះ កំពុងមាន ប៉ុន្តែនៅពេលដែលចលនានេះដូរទិស ពីការគាំទ្រក្រុមប្រឆាំង ប្រឆាំងនឹងរដ្ឋាភិបាលប្ដូរទិស បែរជាមានការវាយប្រហារពីក្រុមប្រឆាំងទៅលើយុវជន កូនៗទាំងនេះ»។
សម្ដេចតេជោ ហ៊ុន សែន ចាត់ទុកថា ការវាយប្រហារទៅលើក្រុមយុវជនទាំងនោះ គឺជាការខ្វះការគោរពភាពជាប្រជាធិបតេយ្យ ដោយសម្ដេចថា នៅពេលក្រុមយុវជនទាំងនោះ គាំទ្រខ្លួនប្រឆាំងរដ្ឋាភិបាល ក៏ថា ពួកគេល្អ តែនៅពេលក្រុមយុវជនទាំងនោះ មកគាំទ្រ និងចូលរួមជាមួយរដ្ឋាភិបាល បែរជាវាយប្រហារពួកគេទៅវិញ៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន