លោកជំទាវ ម៉ែន សំអន បួងសួងសុំសេចក្ដីសុខសប្បាយជូនពលរដ្ឋ និងប្រទេសជាតិ​ ក្នុងឪកាសចូលឆ្នាំថ្មីនេះ

លោកជំទាវ ម៉ែន សំអន ឧបនាយករដ្ឋមន្រី្ត រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានប្រារព្ធពិធីអុជធូប ថ្វាយគ្រឿងសក្ការៈដល់​ព្រះអង្គពេជ្រ,​ ព្រះអង្គរយពាន់,​ ព្រះអង្គរាជ​,​ ព្រះអង្គចេក​ ព្រះអង្គចម​ និងបួងសួងសុំសេចក្ដីសុខសេចក្ដីចម្រើន ជូនដល់ប្រជាពលរដ្ឋខ្មែរទូទាំងប្រទេស​​ និងប្រមុខដឹកនាំកម្ពុជា ពិសេសបុណ្យចូលឆ្នាំថ្មីប្រពៃណីជាតិខ្មែរ ខាងមុខនេះ។ ពិធីបួងសួងនៅតំបន់អច្ឆរិយៈអង្គរ កាលពីរសៀលថ្ងៃទី ២០ ខែមីនា ឆ្នាំ ២០២៣​ នៅខេត្តសៀមរាប​។

លោកជំទាវ បានបួងសួងថ្វាយព្រះពរជ័យ ប្រគេនពរដល់ព្រះសង្ឃគ្រប់ព្រះអង្គ និងជូនពរសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាក បាទក្រហមកម្ពុជា ថ្នាក់ដឹកនាំ សមាជិក-សមាជិកា មន្ត្រីរាជការ ព្រមទាំងប្រជាពលរដ្ឋខ្មែរ​ សូមឲ្យជួបតែសេចក្តីសុខ សេចក្តី​ចម្រើនគ្រប់ៗគ្នា ប្រទេសជាតិមានសន្តិភាពជារៀងរហូត​។ 

ជាពិសេស សូមឲ្យប្រទេសជាតិរួចផុតពីជំងឺដង្កាត់ គ្រោះកាចចង្រៃ ចៀសផុតពីគ្រោះរាំងស្ងួត និងសម្បូរណ៍សប្បាយជានិច្ចនិរន្ត​ និងប្រជាពលរដ្ឋខ្មែរ សូមចូលរួមសប្បាយរីករាយ ក្នុងឱកាសបុណ្យចូលឆ្នាំខ្មែរ​ ប្រពៃណីជាតិ នាខាងមុខនេះ ទាំងអស់គ្នា​៕

អត្ថបទ៖ វិមាន