ព័ត៌មានជាតិ
ក្រសួងរំណែនាំគ្រឹះស្ថានសិក្សាអាចបង្រៀនក្នុងថ្នាក់ឬតាមអនឡាញបានក្នុងពេលឈប់សម្រាកវិស្សមកាលធំ
ក្រសួងអប់រំយុវជន និងកីឡាបានធ្វើការណែនាំបន្ថែមដល់គ្រឹះស្ថានសិក្សារដ្ឋ និងឯកជនទាំងអស់អាចរៀបចំការបង្រៀននៅក្នុងថ្នាក់ឬតាមអនឡាញ ទៅតាមតម្រូវការជាក់ស្តែងរបស់គ្រឹះស្ថានសិក្សានីមួយៗ នៃការឈប់សម្រាកវិស្សមកាលធំ ចាប់ពីថ្ងៃទី ២០ មេសា រហូតដល់ថ្ងៃទី១៨ខែឧសភាឆ្នាំ២០២៣។
ការណែនាំបន្ថែមនេះ បន្ទាប់ពីក្រសួងអប់រំបានអនុញ្ញាតឱ្យគ្រឹះស្ថានអប់រំកុមារតូច និងសេវាអប់រំកុមារតូច, គ្រឹះស្ថានសិក្សា គ្រឹះស្ថានមធ្យមសិក្សាចំណេះទូទៅរដ្ឋ និងឯកជននិងគ្រឹះស្ថានឧត្តមសិក្សានៅទូទាំងប្រទេសឈប់សម្រាកវិស្សមកាលធំចាប់ពីថ្ងៃទី ២០ មេសារហូតដល់ថ្ងៃទី១៨ខែឧសភាឆ្នាំ២០២៣ ដើម្បីចូលរួមសណ្តាប់ធ្នាប់ សុវត្ថិភាព និងគាំទ្រដល់ព្រឹត្តិការណ៍ប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី ១២ ដែលកម្ពុជាធ្វើជាម្ចាស់ផ្ទះ ។
លោក បណ្ឌិត សភាចារ្យ ហង់ជូន ណារ៉ុន រដ្ឋមន្ត្រីក្រសួងអប់រំយុវជននិងកីឡាបានឱ្យដឹងនៅក្នុងសេចក្តីជូនដំណឹងថា ក្នុងអំឡុងពេលនៃវិស្សមកាលធំ ឬការឈប់សម្រាក ដើម្បីចូលរួមរក្សាសណ្ដាប់ធ្នាប់ សុវត្ថិភាព និងគាំទ្រដល់ការប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ដែលព្រះរាជាណាចក្រកម្ពុជា នឹងធ្វើជាម្ចាស់ផ្ទះ ក្រសួងសូមបញ្ជាក់បន្ថែមថា ការដែលក្រសួងឱ្យមានវិស្សមកាលធំនេះ គឺដើម្បីអនុញ្ញាតឱ្យបុគ្គលិកអប់រំ បុគ្គលិក និងសិស្សានុ សិស្ស និស្សិត, ឈប់សម្រាក ដើម្បីមានលទ្ធភាពចូលរួមក្នុង សកម្មភាពស្ម័គ្រចិត្ត ឬតាមការចាត់តាំងណាមួយ ដែលគាំទ្រដល់ការរៀបចំព្រឹត្តិការណ៍ប្រកួតកីឡាស៊ីហ្គេម និងអាស៊ានប៉ារ៉ាហ្គេម។
ប៉ុន្តែ លោក រដ្ឋមន្ត្រីបានបញ្ជាក់ថា ក្នុងអំឡុងពេលនៃវិស្សមកាលធំនេះ ក្រសួង អនុញ្ញាតឱ្យរៀបចំការបង្រៀន និងរៀនតាមអនុឡាញ ឬការប្រឡងឡងនានា ឬកម្មវិធីចាំបាច់ណាមួយ ឬការបង្រៀនក្នុងថ្នាក់តាមតម្រូវការជាក់ស្តែង អាស្រ័យលើកម្មវិធីសិក្សា និងកាលវិភាគសិក្សារបស់គ្រឹះស្ថាន សិក្សាផ្ទាល់។
ជាមួយគ្នានេះដែរ លោក រដ្ឋមន្ត្រីបានលើកទឹកចិត្តឱ្យបុគ្គលិកអប់រំ បុគ្គលិក និងសិស្សានុសិស្ស និស្សិត ចូលរួមទស្សនាដោយផ្ទាល់ ឬតាមប្រព័ន្ធ ផ្សព្វផ្សាយនានា ដើម្បីចូលរួមគាំទ្រ និងលើកទឹកចិត្តដល់កីឡាករ កីឡាការីនីកម្ពុជា។
គួរបញ្ជាក់ថា ព្រះរាជាណាចក្រកម្ពុជានឹងធ្វើជាម្ចាស់ផ្ទះរៀបចំការប្រកួតកីឡា ស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ដែលនឹងប្រព្រឹត្តទៅចាប់ពីថ្ងៃទី ០៥ ឧសភា ឆ្នាំ២០២៣ ដល់ថ្ងៃទី ១៧ ខែឧសភា ឆ្នាំ២០២៣៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង