នៅយប់ ថ្ងៃទី ២៣ ខែ មីនា ឆ្នាំ ២០២៣ មានភ្លៀងមួយមេយ៉ាងធំអមទៅដោយខ្តល់កន្ត្រាក់បោកបក់ចំស្រុកចំនួនពីរ មានស្រុកថ្មពួក និងស្រុកស្វាយចេក ខេត្តបន្ទាយមានជ័យ បណ្តាលឲ្យផ្ទះប្រជាពលរដ្ឋដួលរលំ និងរបើកស័ង្កសី អស់ចំនួន ១៩៩ខ្នង ក្នុងនោះ ទ្រព្យសម្បត្តិនិងសត្វពាហនៈ របស់ប្រជាពលរដ្ឋត្រូវបានបំផ្លាញ ប៉ុន្តែមិនធ្វើឱ្យ​មនុស្សរងរបួស និងស្លាប់ឡើយ។

ក្រោយពីកើតហេតុ មានកងកម្លាំងទាំង៣អង្គភាព ក្នុងនោះ មាននគរបាល អាវុធហត្ថ និងយោធា មន្ត្រីមូលដ្ឋាន បានចុះធ្វើការត្រួតពិនិត្យ និងជួយសង្រ្គោះបានទាន់ពេលវេលា។

មន្ត្រីមូលដ្ឋានបានប្រាប់អ្នកយកព័ត៌មានឲ្យដឹងថា ខ្យល់កន្ត្រាក់បំផ្លាញផ្ទះប្រជាពលរដ្ឋចំនួន ១៩៩ខ្នងក្នុង២ស្រុកនោះ ភាគច្រើនរបើកដំបូល ស្រុកថ្មពួកប៉ះពាល់ចំនួន១៩០ខ្នងផ្ទះ ២ស្រុកស្វាយចេកប៉ះពាល់ចំនួន៩ខ្នងផ្ទះ។

លោក អែម សុខា អភិបាលស្រុកថ្មពួកបានប្រាប់ថា ស្រុកថ្មពួកមានភ្លៀងលាយឡំដោយខ្យល់កន្ត្រាក់​ប៉ះពាល់ផ្ទះ​សម្បែងប្រជាពលរដ្ឋ ៣ឃុំស្មើចំ ១៩០ខ្នងផ្ទះ និងសាលារៀន ៥ខ្នង មានឃុំថ្មពួក ឃុំគំរូ ឃុំភូមិថ្មី បណ្តាលខូច​ខាតផ្ទះសម្បែងមានរលំផ្ទះ និងប៉ើងដំបូលនិងដើមឈើសង្កត់ផ្ទះតែសំណាងគ្មានអ្នកគ្រោះ។

លោក លឿង សុភ័ក្រ អភិបាលស្រុកស្វាយចេកបានបញ្ជាក់ថា ស្រុកស្វាយចេកមានភ្លៀងធ្លាក់លាយ​ឡំដោយខ្យល់​កន្ត្រាក់បណ្តាល​ឲ្យប៉ះពាល់និងខូចខាតផ្ទះសំបែងប្រជាពលរដ្ឋចំនួន៩ខ្នង ផ្ទះប៉ះពាល់ឃុំទ្រាសមាន២ភូមិមាន ១.ភូមិពន្លៃចាស់ ២ខ្នងផ្ទះ ២.ភូមិពន្លៃថ្មី៧ខ្នងផ្ទះដែលមានរលំនិងប៉ើងដំបូលភាគច្រើន។

អង្គភាពទាំង៣ បានប្រាប់ឲ្យដឹងថា ក្រោយទទួលព័ត៌មានថាផ្ទះប្រជាពលរដ្ឋត្រូវរងគ្រោះដោយខ្យល់កន្ត្រាក់២ ស្រុក ក្នុងខេត្តបន្ទាយមានជ័យនោះកម្លាំងសមត្ថកិច្ចចម្រុះបានចុះជួយអន្តរាគមន៍ជួសជុលផ្ទះសម្បែងជូនប្រជាពលរដ្ឋដែលរងគ្រោះដោយខ្យល់កន្ត្រាក់ទាំង

មាន២ស្រុកនៅផ្នែកខាងជើងខេត្តបន្ទាយមានជ័យជាប់ព្រំប្រទល់ខេត្តឧត្តរមានជ័យឡើងវិញហើយ៕

អត្ថបទ៖ វ៉ាន់ ណាង