ព័ត៌មានជាតិ
ខេត្តបន្ទាយមានជ័យ នឹងរៀបចំឲ្យមានការតាំងពិព័រណ៍សៀវភៅ និងចែកសៀវភៅ១ពាន់ក្បាលរយៈពេល៣ថ្ងៃ
នៅថ្ងៃទី៨ ដល់ថ្ងៃទី១០ ខែមេសា ឆ្នាំ២០២៣ខាងមុខនេះ ខេត្តបន្ទាយមានជ័យនឹងរៀបចំឲ្យមានការតាំងពិព័រណ៍សៀវភៅ និងចែកសៀវភៅមិនគិតថ្លៃចំនួន១ពាន់ក្បាលដល់ប្រជាជននៅទីនោះ ព្រមទាំងមានកម្មវិធីជាច្រើនទៀតក្រោមយុទ្ធនាការ “សៀវភៅមួយ សហគមន៍មួយ” ដើម្បីផ្សព្វផ្សាយ និងជំរុញការអាននៅកម្ពុជាឱ្យកាន់តែទូលំទូលាយ។
កម្មវិធីនេះធ្វើឡើងនៅទីធ្លាក្នុងបុរីសានហូ មុខសាលាអន្តរជាតិអេឡេហ្គឹន ក្រុងប៉ោយប៉ែត ខេត្តបន្ទាយមានជ័យ ។ ក្រៅពីពិព័រណ៍សៀវភៅ និងចែកសៀវភៅមិនគិតថ្លៃ ក៏មានដែរកម្មវិធីផ្តល់ចំណេះដឹងផ្សេងៗដូចជា កម្មវិធីប្រកួតប្រជែងការអានដើម្បីបានធ្វើដំណើរកម្សាន្តទៅប្រទេសជប៉ុន។ ការបង្កើតជាសិក្ខាសាលាដែលនិយាយពីការតែងនិពន្ធ និងដាក់អាហារូបករណ៍ផ្សេងៗ ព្រមទាំងមានការរៀបចំសង្រ្កាន្តចូលឆ្នាំខ្មែរ ដែលមានជាការលេងល្បែងប្រជាប្រិយផ្សេងៗ ដើម្បីអបអរដល់បុណ្យចូលឆ្នាំខ្មែរប្រពៃណីជាតិថែមទៀតផង។
ចំពោះកម្មវិធីប្រកួតអាន គឺធ្វើឡើងដើម្បីជំរុញឱ្យមានការអប់រំ ការអានឱ្យកាន់តែច្រើន និងបំផុសឥទ្ធិពលធនធានមនុស្សនៅថ្នាក់មូលដ្ឋាន និងខេត្ត។ ការប្រកួតប្រជែងនេះ អាចដាក់ពាក្យប្រកួតបានតែយុវជនដែលរស់នៅខេត្តបន្ទាយមានជ័យស្រាប់ មានអាយុចាប់ពី១៥ឆ្នាំ ទៅ៣០ឆ្នាំប៉ុណ្ណោះ ដោយយកម្ចាស់ជ័យលាភីចំនួនម្នាក់ក្នុងមួយខេត្ត។ ដោយឡែក ប្រសិនជាសាធារណជនមានបំណងចង់ដាក់ពាក្យប្រកួត អាចមើលព័ត៌មានលំអិតពីហ្វេសប៊ុករបស់យុទ្ធនាការ “សៀវភៅមួយ សហគមន៍មួយ”។ រង្វាន់សម្រាប់អ្នកទទួលបានជ័យលាភីមានដូចជា អ្នកជ័យលាភីលេខ១ ទទួលបាន ៦០ ម៉ឺនរៀល អ្នកជ័យលាភីលេខ២ ទទួលបាន៣០ម៉ឺនរៀល និងអ្នកជ័យលាភីលេខ៣ ទទួលបានកាដូអនុវស្សាវរីយ៍ផ្សេងៗ។
សូមជម្រាបថា យុទ្ធនាការ “សៀវភៅមួយ សហគមន៍មួយ” ជាគម្រោងមួយដែលលើកកម្ពស់ការអានជាសារធាណៈ ដើម្បីជំរុញឱ្យការអាននៅកម្ពុជាមានភាពទូលំទូលាយ។ យុទ្ធនាការនេះ មានរយៈពេល២ឆ្នាំ និងធ្វើឡើងទាំង ២៥ខេត្តក្រុងនៅកម្ពុជា ដែលមានសកម្មភាពធំៗ៥ គឺការប្រកួងប្រជែងការអានប្រចាំខេត្ត ការចែកសៀវភៅដោយឥតគិតថ្លៃ បណ្ណាល័យចល័ត ការអភិវឌ្ឍបណ្ណាល័យ និងផ្សារណាត់សៀវភៅ ដោយមានលោក សុខ ឡាក់ ជាប្រធាន។ ខេត្តបន្ទាយមានជ័យ គឺជាខេត្តទី២ នៃយុទ្ធនាការមួយនេះ បន្ទាប់ពីខេត្តកំពង់ស្ពឺ គឺជាខេត្តដំបូងនៃដំណើរការយុទ្ធនាការ “សៀវភៅមួយ សហគមន៍មួយ”៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង