ព័ត៌មានជាតិ

ចំណូលពីវិស័យកាត់ដេរ និងដេរស្បែកជើងនៅខេត្តកណ្ដាលមានជាង ៣៦លានដុល្លារ ក្នុងមួយខែ

បានផុស

៣ years មុន

នៅ

ថ្ងៃសៅរ៍ ១ មេសា ២០២៣

ដោយ

វិស័យកាត់ដេរ និងដេរស្បែកបានដើរតួនាទីដ៏សំខាន់ក្នុងការផ្តល់ប្រាក់ចំណូលដល់ប្រជាពលរដ្ឋ។ជាក់ស្តែងសម្រាប់ខេត្តកណ្តាលវិស័យនេះបានផ្តល់ប្រាក់ចំណូលដោយផ្ទាល់ដល់កម្មករកម្មការិនីជាង ៣៦លានដុល្លារអាមេរិកក្នុងមួយខែ។

លោក គង់ សោភណ្ឌ អភិបាលខេត្តកណ្ដាលបានថ្លែងក្នុងឱកាសចូលរួមក្នុងសន្និសីទសារព័ត៌មាន ស្ដីពី “ភាពជោគជ័យក្នុងរយ:ពេល ០៥ឆ្នាំ កន្លងមករបស់រដ្ឋបាលខេត្តកណ្ដាល” នៅទីស្ដីការគណៈរដ្ឋមន្ត្រីកាលពីថ្ងៃទី៣០ ខែមីនា ឆ្នាំ២០២៣កន្លងមកនេះបានឱ្យដឹងថា ខេត្តកណ្តាលមាន រោងចក្រ សហគ្រាសចំនួន ៤៨៣ កម្មករនិយោជិត ១៥៣,៤០៥ នាក់ (សី ១២០,២០៦នាក់) ក្នុងនោះមានរោងចក្រកាត់ដេរសម្លៀកបំពាក់ ផលិតស្បែកជើង និង ផលិតផលធ្វើដំណើរ-កាបូប មានចំនួន ១៧១ទីតាំង មានកម្មករនិយោជិត ១៣២,៥៨៧ នាក់ (ស្រី ១១០,១១១នាក់)។ ចំណូលទទួលបានពីវិស័យការងារ ក្នុងមួយខែ បានចំនួន ៣៦លាន ១៩៣ ពាន់ ៧៩៤ ដុល្លារ (សាមសិបប្រាំមួយលាន មួយរយកៅសិបបីពាន់ ប្រាំពីរយកៅសិបបួនដុល្លារគត់) និងក្នុងមួយឆ្នាំ បានប្រហាក់ប្រហែលចំនួន ៤៣៤ លាន ៣២៥ ពាន់ ៥២៨ ដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្ថែមថា ខេត្តកណ្តាលក៏មានមជ្ឈមណ្ឌលបណ្ដុះបណ្តាលជំនាញវិជ្ជាជីវៈក្នុងក្រុងតាខ្មៅ ក្នុង ការជួយបំប៉នសមត្ថភាព តម្រង់ទិសដល់ប្រជាពលរដ្ឋ ដើម្បីអាចឈានជើងចូលទីផ្សារ ការងារ ដោយបានបណ្តុះបណ្តាលជំនាញវិជ្ជាជីវៈ ចំនួន ០៧ រួមមាន៖ ជំនាញអគ្គិសនី, បរិក្ខារម៉ាស៊ីនត្រជាក់, សំណង់ស៊ីវិល, ព័ត៌មានវិទ្យា, ជំនាញជួសជុលរថយន្ត, ជំនាញបង្សុ ពេទ្យ, ជំនាញភាសាអង់គ្លេស ដែលគិតមកទល់ពេលនេះ សិស្សដែលបានបញ្ចប់ការសិក្សា មានចំនួន ២៣០នាក់ (ស្រី៤៤នាក់) ហើយក្នុងឆ្នាំសិក្សាថ្មីនេះ ២០២២-២០២៣ កំពុង បណ្តុះបណ្តាលនិស្សិតថ្នាក់បរិញ្ញាបត្ររង ចំនួន ២៤៤នាក់ (ស្រី៦៥នាក់) រយៈពេល២ឆ្នាំ ផងដែរ។

បើតាមលោក គង់ សោភណ្ឌ ប្រាក់ចំណូល (GDP) ពលរដ្ឋម្នាក់ៗក្នុងឆ្នាំ ២០២២ មានចំនួន ២ ០៦៤ ដុល្លារ កើនឡើង ២០៤ ដុល្លារ បើធៀបឆ្នាំ ២០១៨ ដែលមានចំនួន ១ ៨៥៩ ដុល្លារ៕