ព័ត៌មានជាតិ

ទីតាំងជីករុករករ៉ែត្បូង៥ទីតាំងនៅស្រុកបរកែវត្រូវបានអាវុធហត្ថមូលដ្ឋានចុះត្រួតពិនិត្យ

បានផុស

៥ years មុន

នៅ

ថ្ងៃអង្គារ ១៩ មករា ២០២១

ដោយ

កម្លាំងកងរាជអាវុធហត្ថស្រុកបរកែវកាលពីវេលាម៉ោង៩និង០០នាទី ថ្ងៃទី១៨ ខែមករា ឆ្នាំ២០២១បានចុះត្រួតពិនិត្យទីតាំងធ្វើអាជីវកម្មជីកដីរុករករ៉ែ ត្បូង ចំនួន៥ទីតាំង ស្ថិតនៅក្នុងចម្ការកៅស៊ូ ក្ក្នុងភូមិ១ ឃុំឡាមិញ ស្រុកបរកែវ ខេត្តរតនគីរី។

លោក អ៊ុង ហួរ ប្រធានមន្ទីរ រ៉ែ និងថាមពលខេត្ត សារព័ត៌មានមិនអាចសុំការបំភ្លឺបានទេនៅរសៀលថ្ងៃទី១៨ ខែមករា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួររំលឹកផងដែរថា ថៅកែត្បូងនៅក្នុងខេត្តរតនគិរីមួយចំនួនបានទិញដីក្នុងតម្លៃថ្លៃ ហើយប្រជាពលរដ្ឋបាននាំគ្នាទៅទិញដីជីកដែលមានត្បូងនៅក្នុងចម្ការកៅស៊ូនៅស្រុកបរកែវ ខណៈម្នាក់ៗពួកគាត់មិនគិតពីហានិភ័យឡើយ។

បងប្អូនខ្លះបានទៅជីកនៅរណ្ដៅចាស់ក៏បានបាក់ដីសង្កត់ពីលើស្លាប់ក៏មានដែរ ដោយសារការខ្វះខាត និងផ្គត់ផ្គង់ជីវភាពគ្រួសារទើបពួកគាត់ខំប្រឹងប្រែងក្នុងឧបសគ្គបែបនេះ។ ប៉ុន្តែអាជ្ញាធរស្រុកនោះវិញ មិនបានហាមឃាត់ឈ្មួញទាំងនេះឡើយ ឲ្យជីកយ៉ាងអនាធិបតេយ្យ៕

វុទ្ធឦសាន