ព័ត៌មានជាតិ

មន្ត្រីចុះពិនិត្យទីតាំងដុតធ្យូង ដែលបញ្ចេញផ្សែងលើប្រជាពលរដ្ឋ

បានផុស

៦ years មុន

នៅ

ថ្ងៃព្រហស្បតិ៍ ២៩ តុលា ២០២០

ដោយ

នៅថ្ងៃទី២៩ ខែតុលា ឆ្នាំ២០២០នេះ លោក យ៉ៃ ឆ្លឿន អនុប្រធានមន្ទីរបរិស្ថាន ខេត្តឧត្តរមានជ័យ បានដឹកនាំមន្ត្រី និងមានការចូលរួមពីអាជ្ញាធរមូលដ្ឋាន បានចុះត្រួតពិនិត្យទីតាំងជាក់ស្ដែងនៃការដុតធ្យូងដែលបញ្ចេញផ្សែងហុយបង្កឲ្យមានផលប៉ះពាល់ដល់ប្រជាពលរដ្ឋ រស់នៅភូមិទួលប្រាសាទ និងភូមិអូរអង្រែ ឃុំត្រពាំងតាវ ។

ជាលទ្ធផលឃើញថា ពិតជាមានដំណើរការដុតធ្យូង ក្នុងទីតាំងភូមិទាំងពីរមែន ខណៈរបាយការណ៍ពីអាជ្ញាធរ បានឲ្យដឹងថា មានចំនួនគ្រួសារជាអ្នកដុតធ្យូង ក្នុងភូមិអូរអង្រែ ចំនួន១៦គ្រួសារ(២៥ឡ)និងភូមិទួលប្រាសាទ មាន០៦ គ្រួសារ(០៦ឡ) ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព័ត៌មានពីគ្រួសារ ដែលកំពុងដំណើរការឡដុតធ្យូង រួមមាន៖
-ប្រមូលឈើពីដីចម្ការ ដីស្រែដោយសុំពីម្ចាស់ដី ឬឈើគេអារចោល ដូចជាឈើចំបក់ ត្រាច….ទាំងឈើរស់នឹងឈើងាប់។
-ក្នុងមួយខែ រៀបចំឡដុត០១ បានចំនួន០១ ទៅ០២ដង ដោយផលទទួលបានធ្យូង ចម្លោះពី២០ ទៅ៣០ការ៉ុង សម្រាប់ឡតូច និងឡធំពី៥០ ទៅ៨០ការ៉ុង និងធ្យូង០១ការ៉ុង លក់ពីចាប់ពីតម្លៃពី៨០០០ ដល់១០០០០រៀល ដោយមាន ឈ្មួញមកទិញទៅលក់បន្តនៅក្នុងស្រុក និងលក់ទៅថៃ
-មានផ្សែងហុយ និងធុំក្លិនពីដំណើរការដុតធ្យូង
-ការប្រកបអាជីវកម្មមិនមានលិខិតអនុញ្ញាត
-អ្នកប្រកបមុខរបរដុតធ្យូងភាគច្រើនជាអ្នកមកពីខេត្តផ្សេងៗ
-អ្នកខ្លះបានឈប់ដោយសាររកកំណាត់ឈើដុតធ្យូងមិនបាន។ ក្នុងពេលនោះដែរ លោកប្រធានក្រុម និងក្រុមការងារបានធ្វើការណែនាំ និងផ្សព្វផ្សាយបទដ្ឋានគតិយុត្តិផ្សេងៗពាក់ព័ន្ធវិស័យបរិស្ថាន និងមតិរួមរបស់ប្រធានក្រុមការងារបាន៖
១សុំឲ្យគ្រួសារអ្នកដុតធ្យូងទាំងអស់បញ្ឈប់ការដុតធ្យូង ដោយប្រកបមុខរបរថ្មី ២ក្នុងករណីបន្តរបរដុតធ្យូងដដែល សុំឲ្យគ្រួសារទាំងអស់ប្ដូរទីតាំងថ្មី ដើម្បីបញ្ចៀសពីផលប៉ះពាល់ដល់អ្នករស់នៅក្នុងតំបន់ និងសុំច្បាប់អនុញ្ញាតឲ្យបានត្រឹមត្រូវពីអាជ្ញាធរមូលដ្ឋាន ជូនមន្ទីរជំនាញពាក់ព័ន្ធ ហើយជូនមកមន្ទីរបរិស្ថានពិនិត្យ និងផ្ដល់យោបល់ មានវិធានការកាត់បន្ថយផលប៉ះពាល់ដល់សុខភាពសាធារណ:៕

អត្ថបទ ៖ ចាន់ ធី