ព័ត៌មានជាតិ
លោក ខៀវ កាញារីទ្ធ រដ្ឋមន្ដ្រីក្រសួងព័ត៌មាន អនុញ្ញាតឲ្យក្រុមការងារសារព័ត៌មានកម្ពុជាថ្មី ចូលជួបសម្ដែងការគួរសម
នៅព្រឹកថ្ងៃទី ២៤ ខែមេសា ឆ្នាំ ២០២៣ លោក ខៀវ កាញារីទ្ធ រដ្ឋមន្ដ្រីក្រសួងព័ត៌មាន បានអនុញ្ញាតឲ្យក្រុមការងារសារព័ត៌មានកម្ពុជាថ្មី ចូលជួបសម្ដែងការគួរសម និងគោរពជូនពរ ក្នុងឱកាសចូលឆ្នាំថ្មីប្រពៃណីជាតិខ្មែរ។
ជាការចាប់ផ្ដើមលោក មៃ សុខលីម និពន្ធនាយក និងជាតំណាងក្រុមការងារសារព័ត៌មានកម្ពុជាថ្មី បានថ្លែងអំណរគុណចំពោះលោករដ្ឋមន្ដ្រីក្រសួងព័ត៌មាន ដែលបានអនុញ្ញាតឲ្យក្រុមការងារសារព័ត៌មានកម្ពុជាថ្មី ចូលជួបសម្ដែងការគួរសមជាថ្មីម្ដងទៀត ហើយបានគោរពជូនពរលោករដ្ឋមន្ដ្រីក្រសួងព័ត៌មាន ក្នុងឱកាសឆ្នាំថ្មីផងដែរ។ បន្ទាប់មក លោកនិពន្ធនាយក បានជម្រាបជូនអំពីដំណើរការផ្សព្វផ្សាយរបស់សារព័ត៌មានកម្ពុជាថ្មី ដែលមានការផ្សាយនូវព័ត៌មានជាតិ-អន្តរជាតិ ទាំងជាអត្ថបទ និងវីដេអូ។
លើសពីនេះទៀត សារព័ត៌មានកម្ពុជាថ្មី ក៏បានផលិតកម្មវិធីជាវីដេអូសំខាន់ៗមួយចំនួនទៀត ដូចជា៖ កម្ពុជាថ្មី Realtime, Grow Under Peace, មាតុភូមិខ្ញុំ, ដែនដីបុព្វបុរស, វេទិកាអ្នកជំនាញ, Executive Interview, និងកម្មវិធីកិច្ចពិភាក្សាពិសេស ដែលរៀបចំឡើងនៅ Factory Phnom Penh។ កម្មវិធីរបស់សារព័ត៌មានកម្ពុជាថ្មីទាំងនោះ បាននិងកំពុងទទួលបានការចាប់អារម្មណ៍ច្រើនពីសាធារណជន និងថ្នាក់ដឹកនាំផងដែរ។
បន្ថែមពីលើនេះ លោក មៃ សុខលីម និពន្ធនាយកសារព័ត៌មានកម្ពុជាថ្មី ក៏បានជម្រាបជូនអំពីគម្រោងនៃការផ្សព្វផ្សាយរបស់សារព័ត៌មានកម្ពុជាថ្មី នៅក្នុងព្រឹត្តិការណ៍ប្រកួតកីឡាស៊ីហ្គេម ដែលប្រទេសកម្ពុជាធ្វើជាម្ចាស់ផ្ទះក្នុងពេលឆាប់ៗនេះ ហើយនិងគម្រោងនៃការផលិតវីដេអូបទយកការណ៍ និងបទសម្ភាសន៍អំពីការអភិវឌ្ឍនៅតាមបណ្ដារាជធានី-ខេត្តនានា សម្រាប់ដំណើរឆ្ពោះទៅរកការបោះឆ្នោតជ្រើសតាំង តំណាងរាស្រ្ដ នីតិកាលទី ៧ខាងមុខនេះ។
ជាការឆ្លើយតប លោក ខៀវ កាញារីទ្ធ រដ្ឋមន្ដ្រីក្រសួងព័ត៌មាន បានអរគុណលោក មៃ សុខលីម និងក្រុមការងារសារព័ត៌មានកម្ពុជាថ្មី ដែលបានជូនពររូបលោក។ ជាមួយគ្នានេះ លោក ខៀវ កាញារីទ្ធ បានបង្ហាញការគាំទ្រ ចំពោះគម្រោងផ្សព្វផ្សាយរបស់សារព័ត៌មានកម្ពុជាថ្មី សម្រាប់ព្រឹត្តិការណ៍ជាប្រវត្តិសាស្រ្ដ នៃការធ្វើជាម្ចាស់ផ្ទះក្នុងការប្រកួតកីឡាស៊ីហ្គេមលើកទី ៣២ និងការផ្សព្វផ្សាយអំពីការអភិវឌ្ឍនៅតាមបណ្ដារាជធានី-ខេត្តនានា ផងដែរ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង