ព័ត៌មានជាតិ

សំណុំរឿងបាញ់ឲ្យស្លាប់ប្រពន្ធរបួសកូន តុលាការផ្ដន្ទាទោស១២ឆ្នាំ

បានផុស

៥ years មុន

នៅ

ថ្ងៃអង្គារ ១៩ មករា ២០២១

ដោយ

ភ្នំពេញ ៖ ចៅក្រមជំនុំជម្រះសាលាដំបូងរាជធានីភ្នំពេញនៅរសៀលថ្ងៃទី១៩ ខែមករា ឆ្នាំ២០២១នេះ បានសម្រេចប្រកាសសាលក្រមផ្ដន្ទាទោស អតីតនាយរងប៉ុស្តិ៍ទឹកថ្លាឈ្មោះ ជា ចាន់បូរ៉ា អាយុ៤១ឆ្នាំ ដាក់ពន្ធនាគារកំណត់ចំនួន១២ឆ្នាំ និងសំណងទៅជនរងគ្រោះចំនួន២នាក់ម្នាក់៨០លានរៀល និងម្នាក់ទៀត៣០លានរៀល ក្រោមការចោទប្រកាន់ពីបទ. ឃាតកម្ម តាមមាត្រា១៩៩ នៃក្រមព្រហ្មទណ្ឌ។

គួររំលឹកថា កាលពីយប់ថ្ងៃទី០៦ខែមេសាឆ្នាំ២០២០ វេលាម៉ោង២០.១០នាទី មានករណីឃាតកម្មមួយកើតឡើង នៅចំណុចមុខមន្ទីរពេទ្យសែនសុខ (IU) ផ្លូវ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ដោយប្រើអាវុធខ្លីបាញ់ចំនួន២គ្រាប់ចូលក្នុងរថយន្តឡិចស៊ីសRX-300 ពណ៌ទឹកមាស ស្លាកលេខភ្នំពេញ 2M-3050បណ្តាលឲ្យជនរងគ្រោះប្រពន្ធស្លាប់ម្នាក់ និងរបួសកូនស្រី១នាក់។ ដោយមានការសហការរវាងនាយកដ្ឋានព្រហ្មទណ្ឌក្រសួង ស្នងការដ្ឋាននគរបាលខេត្តកណ្តាល ការិយាល័យព្រហ្មទណ្ឌកំរិតធ្ងន់ អធិការដ្ឋាននគរបាលខណ្ឌសែនសុខ បានធ្វើការតាមឃាត់ខ្លួនជនដៃដល់នៅស្រុកកៀនស្វាយ ខេត្តកណ្តាល នៅវេលាម៉ោង ១១និង៣០នាទីយប់ ថ្ងៃទី០៦ ខែមេសា ឆ្នាំ២០២០។

ជនជាប់ចោទឈ្មោះ ជា ចាន់បូរ៉ា ភេទប្រុស អាយុ៤១ឆ្នាំ ជនជាតិខ្មែរ មានតួនាទីជា នាយរងប៉ុស្តិ៍នគរបាលទឹកថ្លា ស្នាក់នៅបន្ទប់ជួល ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ បានធ្វើសកម្មភាពប្រើកាំភ្លើងខ្លីបាញ់លើជនរងគ្រោះចំនួន០២នាក់៖

១.ឈ្មោះ សូរ ពៅមរកត ភេទស្រី អាយុ៣៩ឆ្នាំ ជនជាតិខ្មែរ មុខរបរនៅផ្ទះ ស្នាក់នៅផ្ទះជួល ផ្លូវបេតុង ភូមិទ្រា សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ(ស្លាប់)។

២.ឈ្មោះ ជា អារីយ៉ា ភេទស្រី អាយុ៧ឆ្នាំ ជនជាតិខ្មែរ មុខរបរនៅផ្ទះ ស្នាក់នៅផ្ទះជួល ផ្លូវបេតុង ភូមិទ្រា សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ(របួសធ្ងន់) សម្រាកព្យាបាលនៅមន្ទីរពេទ្យកុមារជាតិ។

សមត្ថកិច្ចដកហូតសម្ភារៈពីជនសង្ស័យរួមមាន អាវុធខ្លី១ដើម ម៉ាករ៉ូឡូ ពណ៌ខ្មៅ លេខ១០៥៥៣ គ្រាប់ចំនួន ២គ្រាប់ , សំបកគ្រាប់២គ្រាប់៕

ដោយ ៖ មករា