ព័ត៌មានជាតិ

លោក នេត្រ ភក្រ្តា៖ តំបន់ខ្នងផ្សារដំឡើងបង្គោលទូរសព្ទរួចហើយ សេវាក៏ដើរលឿន

បានផុស

៣ years មុន

នៅ

ថ្ងៃពុធ ១០ ឧសភា ២០២៣

ដោយ

បើតាមការអះអាងរបស់លោក នេត្រ ភក្រ្តា នៅតំបន់ទេសចរណ៍ធម្មជាតិខ្នងផ្សារបានរៀបចំដំឡើងបង្គោលទូរសព្ទរួចរាល់ ហើយសេវាទូរសព្ទក៏ដើរលឿនផងដែរ។

លោក នេត្រ ភក្ត្រា រដ្ឋលេខាធិការក្រសួងបរិស្ថានបានថ្លែងនៅក្នុងសន្និសីទស្តីពីយុទ្ធនាការអន្ទាក់សូន្យលើកទី ២ នៅក្នុងខេត្តកំពង់ស្ពឺថា នៅតំបន់ខ្នងផ្សារក្រោយពេលរៀបចំដំឡើងបង្គោលសេវាទូរសព្ទរួចរាល់ ឃើញថាសេវាដើរលឿន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្នងផ្សារជាតំបន់ទេសចរណ៍ធម្មជាតិដ៏ល្បីល្បាញក្នុងស្រុកឱរ៉ាល់ខេត្តកំពង់ស្ពឺ ដែលជាតំបន់ព្រៃភ្នំហើយជាទីទាក់ទាញដល់អ្នកទេសចរ។ បើតាមលោក នេត្រ ភក្រ្តា ក្រៅពីរៀបចំដំឡើងបង្គោលអង់តែទូរសព្ទ អាជ្ញាធរបានរៀបចំហេដ្ឋារចនាសម្ព័ន្ធដូចជាបន្ទប់ទឹក និងសេវាគាំទ្រផ្សេងទៀតដើម្បីផ្តល់ភាពងាយស្រួលដល់អ្នកទេសចរក្នុងការមកកម្សាន្ត។

ក្រសួងបរិស្ថានដោយសហការជាមួយក្រសួងប្រៃសណីយ៍ គ្រោងរៀបចំដំឡើងបង្គោលអង់តែនទូរសព្ទចំនួន ១០០ នៅតាមតំបន់ការពារធម្មជាតិដែលមានសក្ដានុពលទេសចរណ៍។

លោក នេត្រ ភក្រ្តា បានអះអាងថា ការរៀបចំបង្គោលអង់ទែននៅតាមតំបន់ការពារធនធានធម្មជាតិរបស់កម្ពុជា ដើម្បីផ្តល់ភាពងាយស្រួលដល់អ្នកទេសចរអាចចូលរួមផ្សព្វផ្សាយពីសក្តានុពលទេសចរណ៍ធម្មជាតិរបស់ប្រទេសកម្ពុជា ជាពិសេសអាចចែករំលែកនូវដំណើរកម្សាន្តដល់អ្នកទេសចរនានាបានដឹងនិងមកទស្សនា៕