Connect with us

ព័ត៌មានជាតិ

មន្ទីរពេទ្យកុមារជាតិ ធ្វើទំនើបកម្មបន្ថែម ឆ្លើយតបការរីកចម្រើនវិស័យសុខាបាល

បានផុស

នៅ

មន្ទីរពេទ្យកុមារជាតិដែលជាមន្ទីរពេទ្យថ្នាក់ជាតិសម្រាប់ផ្តល់សេវាព្យាបាលជំងឺផ្នែកកុមារនៅប្រទេសកម្ពុជា នឹងធ្វើទំនើបកម្មបន្ថែមទៀតដើម្បីឆ្លើយតបទៅនឹងការរីកចម្រើនរបស់វិស័យសុខាភិបាលនាពេលបច្ចុប្បន្ន និងទៅអនាគត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកសាស្ត្រាចារ្យ ញឹប អង្គាបុស្ស នាយកមន្ទីរពេទ្យកុមារជាតិ មានប្រសាសន៍ នៅព្រឹកថ្ងៃទី១០ ខែឧសភានេះថា ការធ្វើទំនើបកម្មគឺជារឿងចាំបាច់សម្រាប់មន្ទីរពេទ្យកុមារជាតិ ដើម្បីពិនិត្យ និងព្យាបាលអ្នកជំងឺប្រកបដោយគុណភាព និងប្រសិទ្ធភាពខ្ពស់ ដើរទាន់ការរីកចម្រើននៃវិស័យបច្ចេកវិទ្យាទំនើបៗនាពេលបចច្ចុប្បន្ន។ ការធ្វើទំនើបកម្មនេះតម្រូវឱ្យមន្ទីរពេទ្យត្រូវការបណ្តុះបណ្តាល និងពង្រឹងសមត្ថភាពដល់ក្រុមគ្រូពេទ្យពីបច្ចេកទេសព្យាបាលថ្មីៗ ក៏ដូចជាត្រូវការនូវឧបករណ៍បរិក្ខាពេទ្យទំនើបៗបន្ថែមទៀត ស្របទតាមនិន្នាការរបស់ពិភពលោក។

លោកសាស្ត្រាចារ្យ មានប្រសាសន៍បន្តថា បច្ចុប្បន្នមន្ទីរពេទ្យបានរៀបចំការផ្តល់សេវាតាមប្រព័ន្ធឌីជីថលដើម្បីផ្តល់សេវាជូនដល់ពលរដ្ឋកម្ពុជាប្រកបដោយប្រសិទ្ធភាពខ្ពស់។ ការអនុវត្តនូវប្រព័ន្ធឌីជីថលពិតជាមានសារៈសំខាន់ណាស់សម្រាប់មន្ទីរពេទ្យ ដោយប្រព័ន្ធនេះអាចជួយគ្រប់គ្រងទិន្នន័យ និងប្រវត្តិអ្នកជំងឺបានសុក្រឹត និងច្បាស់លាស់តាំងពីតូចរហូតដល់ធំ រួមទាំងអាស័យដ្ឋានដើម្បីងាយស្រួលក្នុងការផ្ដល់សេវាព្យាបាលអ្នកជំងឺបានលឿនរហ័សប្រកបដោយគុណភាពនិងប្រសិទ្ធិភាពខ្ពស់។ ថ្ងៃក្រោយ ពេលអ្នកជំងឺត្រូវបន្តពិនិត្យសុខភាព ឬព្យាបាលជំងឺ មិនចាំបាច់កាន់ឯកសារ មិនលំបាកប្រាប់ប្រវត្តិជំងឺទៅវេជ្ជបណ្ឌិត និងចំណាយពេលយូរក្នុងការទទូលសេវាព្យាបាលឡើយ គឺមានប័ណ្ណសុខភាពការស្រេច។

លោកសាស្ត្រាចារ្យបានបន្ថែមទៀតថា លើសពីនេះការប្រើប្រព័ន្ធនេះទោះបីជាអ្នកជំងឺទៅព្យាបាលនៅមន្ទីរពេទ្យផ្សេងដែលមានភ្ជាប់ប្រព័ន្ធនេះដូចគ្នា ក៏មានភាពងាយស្រួល ព្រោះគ្រាន់តែយកបណ្ណសុខភាពអ្នកជំងឺបញ្ចូលទៅក្នុងកុំព្យួទ័រនឹងដឹងពីប្រវត្តិអ្នកជំងឺមានជំងឺអ្វី ធ្លាប់បានប្រើប្រាស់ថ្នាំអ្វី ងាយស្រួលដល់គ្រូពេទ្យផ្ដល់ថ្នាំព្យាបាលត្រូវនឹងប្រភេទជំងឺ។

លោកសាស្ត្រាចារ្យបានបញ្ជាក់ថា ដើម្បីបម្រើជូនប្រជាពលរដ្ឋដែលមានកូនចៅមានបញ្ហាជំងឺភ្នែកផ្សេងៗ នៅខែមិថុនាខាងមុខ មន្ទីរពេទ្យកុមារជាតិនឹងបន្ថែមសេវាថ្មីមួយទៀតគឺ សេវាព្យាបាលភ្នែកកុមារដែលឧបករណ៍ជាជំនួយរបស់អង្គការ កយកា តម្លៃជាង ១០ម៉ឺនដុល្លារអាមេរិក។

គួរបញ្ជាក់ថា មន្ទីរពេទ្យកុមារជាតិក៏មានសេវាព្យាបាលកុមារជាច្រើនទៀតដូចជា ផ្នែកសង្គ្រោះបន្ទាន់ ជំងឺត្រចៀកច្រមុះបំពង់ក ជំងឺតម្រង់នោម ជំងឺឆ្លង ជំងឺសួត ជំងឺក្រពះពោះវៀន ជំងឺទឹកនោមផ្អែម ជំងឺមហារីក ជំងឺខ្វះអាហារូបត្ថម្ភ ផ្នែកចិត្តសាស្ត្រ ការវះកាត់ និងជំងឺរបេងជាដើម៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៩ នាទី មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៤៤ នាទី មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៣ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៤ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង៥ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម