ព័ត៌មានជាតិ
សាយ សំអាល់ ៖ សុខសន្តិភាព ស្ថេរភាពនយោបាយ និងលំនឹងម៉ាក្រូសេដ្ឋកិច្ច បង្កលក្ខណៈឲ្យក្រសួងបរិស្ថាន សម្រេចបានសមិទ្ធផលជាច្រើន
នេះជាការលើកឡើងរបស់លោក សាយ សំអាល់ រដ្ឋមន្ត្រីក្រសួងបរិស្ថាននៅក្នុងឱកាសបឋមកថាស្តីពីការគ្រប់គ្រងបរិស្ថាន និងធនធានធម្មជាតិនៅកម្ពុជា ជូនថ្នាក់ដឹកនាំ មន្ត្រី និងសិក្ខាកាមវគ្គបណ្តុះបណ្តាលកម្រិតបឋមវិជ្ជាជីវៈនគរបាល និងបច្ចេកទេសអក្សរសម្ងាត់នៅសាលានគរបាលជាតិមិត្តភាពកម្ពុជា វៀតណាម ចំនួន ២៣៧នាក់ ស្ថិតនៅឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ នៅរសៀលថ្ងៃទី ១១ ខែឧសភា ឆ្នាំ២០២៣។
លោកបានបន្តថា កត្តាសុខសន្តិភាព បានធ្វើអោយប្រជាជនកម្ពុជាងាកចេញពីការពឹងផ្អែកទាំងស្រុងលើធនធានធម្មជាតិ មកប្រកបរបរកសិកម្មបែបប្រពៃណីលក្ខណៈគ្រួសារ មកជាឧស្សាហកម្មពឹងលើគ្រឿងចក្រ និងបញ្ញាសិប្បនិមិត្ត ហើយបានផ្លាស់ប្តូរផ្នត់គំនិតវិជ្ជមាន និងការប្រតិបត្តិមេត្រីភាពបរិស្ថាន។
លោកបន្តថា សច្ចធម៌ប្រវត្តិសាស្ត្រ និងដំណើរកម្ពុជា គឺជាគ្រឹះដែលយើងទាំងអស់គ្នាក្នុងនាមជាកូនខ្មែរ ជាមន្ត្រីរាជការស៊ីវិល ជានគរបាល និងជាកងកម្លាំងគ្រប់ប្រភេទ ត្រូវយល់អោយច្បាស់ថា យើងចេញពីសមុទ្រឈាម គំនរឆ្អឹង និងផេះផង់នៃសង្គ្រាម ដោយសារ «គោលនយោបាយ ឈ្នះ-ឈ្នះ» របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បាននាំមកនូវសុខសន្តិភាពពេញផ្ទៃប្រទេស ស្ថិរភាពនយោបាយ និងការឯកភាពជាតិពេញលេញ ដែលមិនធ្លាប់មានក្នុងរយៈពេលប្រហែល៥០០ឆ្នាំចុងក្រោយនៃប្រវត្តិសាស្ត្រដ៏យូរលង់ របស់ប្រទេសកម្ពុជា ហើយកម្ពុជាកំពុងឆ្ពោះទៅការបើកទំព័រសករាជថ្មី ជាសង្គមស៊ីវិល័យ រដ្ឋរឹងមាំ រស់រវើក ប្រជាជនមានសមត្ថភាព មានការរំពឹងទុកខ្ពស់ជាងមុន ចង់បានបរិស្ថានស្អាត និងបៃតង។
ក្រសួងបរិស្ថាន ក្នុងនាមជាសេនាធិការអោយរាជរដ្ឋាភិបាលកម្ពុជាក្នុងវិស័យបរិស្ថាន មានបេសកកម្មដឹកនាំ និងគ្រប់គ្រង កិច្ចគាំពារបរិស្ថាន ការការពារធនធានធម្មជាតិ សម្បត្តិធម្មជាតិ ការអភិរក្សជីវចម្រុះ និងការរស់នៅដោយចីរភាព។
លោកបានសង្កត់ធ្ងន់ថា ក្រសួងបរិស្ថាន មានវិស័យសំខាន់ចំនួន៥ ៖ ១-អគ្គនាយកដ្ឋានគោលនយោបាយ: ជាអ្នកគូសវាសគោលនយោបាយវិស័យបរិស្ថានអោយស្របទៅនឹង កម្មវិធីគោលនយោបាយ និងយុទ្ធសាស្ត្រនានារបស់រាជរដ្ឋាបាលភិបាលដើម្បីរួមចំណែក ដល់ការសម្រេចចិត្តអោយបានត្រឹមត្រូវ ២-អគ្គនាយកដ្ឋានរដ្ឋបាល និងហិរញ្ញវត្ថុ :ជាអ្នកគាំទ្រដល់ដំណើរការប្រព្រឹត្តិរបស់ក្រសួង កសាងរដ្ឋបាលទំនើប ធានានូវការសម្របសម្រួលសម្ភារៈបច្ចេកទេស មធ្យោបាយធ្វើដំណើរ ដល់អគ្គនាយកដ្ឋានផ្សេងៗ ៣-អគ្គនាយកដ្ឋានសហគមន៍មូលដ្ឋានៈ ជាអ្នកលើកកម្ពស់ជីវភាពសហគមន៍ តាមរយៈការផ្តល់ពូជសត្វ ពូជបន្លែ និងអនុវត្តតាមអនុសាសន៍របស់សម្តេចតេជោ «នាំចេញនៅនឹងកន្លែង» ជំរុញអេកូទេសចរណ៍ក្នុងសហគមន៍ «លំនឹងប្រព័ន្ធអេកូឡូស៊ី និងជួយចិញ្ចឹមជីវិតប្រជាជនយើងប្រកបដោយចីរភាព» ៤-អគ្គនាយកដ្ឋានតំបន់ការពារធម្មជាតិជំរុញការងារកំណត់ព្រំដី ចុះបញ្ជី និងបោះបង្គោលដីរដ្ឋក្នុងតំបន់ការពារធម្មជាតិ ៥-អគ្គនាយកនាយកដ្ឋានគាំពារបរិស្ថាន: ពិនិត្យគុណភាពទឹក ដី ខ្យល់ និង ការងារសំរាម ដោយធ្វើការជិតសិទ្ធ ជាមួយរដ្ឋបាលថ្នាក់ក្រោមជាតិ ដើម្បីកំណត់សេវាប្រមូល មធ្យោបាយដឹកជញ្ជូន ការគ្រប់គ្រងប្រព័ន្ធប្រមូលសំរាម ទីលានទុកដាក់សំរាម បង្កលក្ខណៈងាយស្រួលជាមួយ ម្ចាស់អាជីវកម្ម ម្ចាស់សិប្បកម្មកែច្នៃសំនល់គ្រប់ប្រភេទ និងបងប្អូនអេតចាយ ធ្វើយ៉ាងណាកាត់បន្ថយសំណល់អោយបានជាអតិបរមា ៦-អគ្គនាយកដ្ឋានចំណេះដឹង និងព័ត៌មានបរិស្ថាន ផ្សព្វផ្សាយឃោសនាអប់រំ លើកកម្ពស់ការយល់ដឹងជាសាធារណៈ និងជំរុញប្រតិបត្តិមេត្រីភាពបរិស្ថាន តាមរយៈរូបភាព និង វីដេអូ ស្អាត «ទេសចរណ៍ផ្សារភ្ជាប់ទឹកដី» និង «ស្រលាញ់ជាតិស្គាល់ទឹកដី»។
នៅក្នុងឱកាសនោះ លោករដ្ឋមន្ត្រីបានសម្តែងនូវការដឹងគុណនិងអំណរគុណយ៉ាងជ្រាលជ្រៅ បំផុតចំពោះកងកម្លាំងគ្រប់ប្រភេទ ពិសេសនគរបាលជាតិ ដែលបានធ្វើពលិកម្មគ្រប់បែបយ៉ាង ទាំងកម្លាំងកាយនិងកម្លាំងចិត្ត ប្រកបដោយវីរភាពអង់អាចក្លាហានក្នុងការបំពេញតួនាទីភារកិច្ចរបស់ខ្លួនប្រកបដោយឆន្ទៈមោះមុត ប្តូរផ្តាច់ រួបរួមគ្នា និងការទទួលខុសត្រូវខ្ពស់ ដើម្បីជាបង្អែកយ៉ាងរឹងមាំក្នុងការរក្សាឱ្យបាននូវឯករាជ្យ សន្តិភាព សន្តិសុខ សណ្តាប់ធ្នាប់ និងរបៀបរៀបរយរបស់សង្គមជាតិ ជាពិសេសការរៀបចំព្រឹត្តិការជាតិធំៗដូចជា៖ ការបោះឆ្នោតជ្រើសរើសក្រុមប្រឹក្សាឃុំ សង្កាត់, ការរៀបចំកិច្ចប្រជុំកំពូលអាស៊ាន, ការរៀបចំព្រឹត្តិការណ៍ ASEAN Games និង ASEAN Para Games , និងការបោះឆ្នោតជ្រើសតាំងតំណាងរាស្ត្រនីតិកាលទី៧ខាងមុខ និងក៏ដូចជាបានរួមចំណែកយ៉ាងធំធេង ក្នុងបុព្វហេតុការពារធនធានធម្មជាតិ សម្រាប់បម្រើឱ្យឧត្តមប្រយោជន៍របស់ប្រជាជនកម្ពុជា៕
ផ្ទុះការវែកញែក ក្រោយ ឯម រៀម បង្ហាញ ៣ ចំណុច គួរចៀសវាង ក្នុងពិធីអាពាហ៍ពិពាហ៍
ក្រសួងមហាផ្ទៃ បើកសិក្ខាសាលាពិគ្រោះយោបល់ លើសេចក្តីព្រាងច្បាប់ស្តីពីបទល្មើសបច្ចេកវិទ្យាព័ត៌មាន
មន្ត្រីជំនាញក្រសួងអប់រំ កំពុងចុះសិក្សាពីកង្វះខាតអគារសិក្សានៅទូទាំងប្រទេស ដើម្បីឱ្យសិស្សទទួលបានកន្លែងសិក្សាសមរម្យ
ក្រសួងអប់រំ ប្រកាសឱ្យមន្ទីរអប់រំរាជធានី-ខេត្ត ជ្រើសរើសសិស្សពូកែ ត្រៀមចូលរួមប្រឡងទូទាំងប្រទេស នាខែឧសភា ខាងមុខ
អភិបាលខណ្ឌឫស្សីកែវ ដឹកនាំកម្លាំងចម្រុះចុះពង្រឹងសន្តិសុខ ទប់ស្កាត់បទល្មើសតាមមូលដ្ឋាន
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ៧ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?