ព័ត៌មានជាតិ
មកដល់ពេលនេះ គ.ជ.ប ទទួលស្គាល់អ្នកសង្កេតការណ៍បោះឆ្នោតជាង ១ម៉ឺន ៥ពាន់នាក់
គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចទទួលស្គាល់ជាផ្លូវការនូវអ្នកសង្កេតការណ៍ជាតិជាង ១ម៉ឺន ៥ពាន់នាក់ ដើម្បីចូលរួមសង្កេតការណ៍ក្នុងដំណើរការបោះឆ្នោតជ្រើសតាំង តំណាងរាស្រ្ដ នីតិកាលទី ៧ ឆ្នាំ ២០២៣។ នេះបើតាមការឲ្យដឹងពីលោក សោម សូរីដា អគ្គលេខាធិការរង និងជាអ្នកនាំពាក្យ គ.ជ.ប។
លោក សោម សូរីដា បានឲ្យដឹងថា គិតត្រឹមថ្ងៃទី ១០ ខែឧសភា ឆ្នាំ ២០២៣ គ.ជ.ប បានសម្រេចទទួលស្គាល់ជាផ្លូវការនូវអ្នកសង្កេតការណ៍ជាតិចំនួន ១៥,០១៤នាក់ ដែលមកពីសហភាពសហព័ន្ធយុវជនកម្ពុជាចំនួន ៩,៩៧៧នាក់, មកពីគណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា (ខុមហ្វ្រែល)ចំនួន ១,៦៧៩នាក់, មកពីអង្គការសហព័ន្ធសិទ្ធិមនុស្ស និងអភិវឌ្ឍន៍កម្ពុជាចំនួន ១៤៧នាក់ និងមកពីសមាគមនារីកម្ពុជាដើម្បីសន្តិសុខ និងអភិវឌ្ឍចំនួន ៣,២១១នាក់។
ជាមួយគ្នានេះ គ.ជ.ប ក៏បាននិងកំពុងពិនិត្យនូវអ្នកសង្កេតការណ៍ជាតិចំនួន ១៥៥នាក់ទៀត។ តែយ៉ាងណាក៏ដោយ គ.ជ.ប មិនទាន់ទទួលបានការស្នើសុំចូលរួមសង្កេតការណ៍ពីអ្នកសង្កេតការណ៍អន្តរជាតិនៅឡើយទេ បើគិតមកដល់ថ្ងៃទី ១០ ខែឧសភា ឆ្នាំ ២០២៣។
ពាក់ព័ន្ធនឹងអ្នកនយោបាយនៅក្រៅស្រុកម្នាក់ ដែលនិយាយថា លោកមិនចង់ឲ្យអ្នកសង្កេតការណ៍អន្តរជាតិ មកសង្កេតការណ៍ការបោះឆ្នោត នីតិកាលទី ៧ នៅកម្ពុជានោះទេ? ត្រូវបានអ្នកនាំពាក្យ គ.ជ.ប លោក សោម សូរីដា បានបញ្ជាក់ ថា នេះជាសិទ្ធិបញ្ចេញមតិរបស់អ្នកនយោបាយនោះ។
លោក សោម សូរីដា បានគូសបញ្ជាក់ដែរថា ការចូលរួម ឬមិនចូលរួមរបស់អ្នកសង្កេតការណ៍អន្តរជាតិ ក៏ជាសិទ្ធិរបស់ពួកគេ ហើយមិនធ្វើឲ្យបះពាល់ដល់ដំណើរការ រៀបចំការបោះឆ្នោតនៅកម្ពុជាឡើយ ដែលនេះជាការកំណត់ដោយច្បាប់ ស្ដីពី ការបោះឆ្នោតជ្រើសតាំង តំណាងរាស្រ្ត។
សូមជម្រាបថា កាលបរិច្ឆេទនៃការដាក់ និងការទទួលពាក្យសុំចុះឈ្មោះជាអ្នកសង្កេតការណ៍ជាតិ ចាប់ផ្តើមពីថ្ងៃទី ១ ខែមេសា ឆ្នាំ ២០២៣ និងបញ្ចប់នៅថ្ងៃទី ១២ ខែកក្កដា ឆ្នាំ ២០២៣។ ចំណែកកាលបរិច្ឆេទនៃការដាក់ និងការទទួលពាក្យសុំចុះឈ្មោះជាអ្នកសង្កេតការណ៍អន្តរជាតិ ចាប់ផ្តើមពីថ្ងៃទី ១ ខែមេសា ឆ្នាំ ២០២៣ និងបញ្ចប់នៅថ្ងៃទី ១៩ ខែកក្កដា ឆ្នាំ ២០២៣៕
អត្ថបទ៖ ឃួន សុភ័ក្រ
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ