ព័ត៌មានជាតិ
កម្ពុជា នាំចេញទំនិញ២០មុខសំខាន់ៗ បានចំណូលជាង ៧.២ពាន់លានដុល្លារ
រយៈពេល ៤ខែ ឆ្នាំ ២០២៣ កម្ពុជា បាននាំចេញទំនិញសំខាន់ៗចំនួន ២០មុខ សម្រេចបានថវិកាប្រមាណជាង ៧.២ពាន់លានដុល្លារអាមេរិក ពោលគឺមានការធ្លាក់ចុះ ៤.៩ភាគរយ បើធៀបនឹងរយៈពេលដូចគ្នាកាលពីឆ្នាំ ២០២២ សម្រេចបានចំនួនជាង ៧.៦ពាន់លានដុល្លារ។ នេះបើតាមអគ្គនាយកដ្ឋានគយ និងរដ្ឋាករកម្ពុជា។
ទំនិញសំខាន់ៗ ដែលកម្ពុជា នាំចេញនោះរួមមាន៖ សម្លៀកបំពាក់ និងគ្រឿងបន្ទាប់បន្សំដែលធ្វើពីក្រណាត់ សម្រេចបានជាង ១.៣ពាន់លានដុល្លារ, មាស៊ីន និងឧបករណ៍អគ្គិសនីជិត ៩៨០លានដុល្លារ, គុជខ្យងធម្មជាតិ ឬចិញ្ចឹម ត្បូងថ្មមានតម្លៃ ឬមានតម្លៃមធ្យមចំនួនជាង ៣០០លានដុល្លារ, ផ្លែឈើ និងគ្រាប់ផ្លែឈើជាង ៤០០លានដុល្លារ, កៅស៊ូ និងផលិតផលធ្វើអំពីកៅស៊ូជាង ២០០លានដុល្លារ, វត្ថុធ្វើអំពីស្បែក និងបរិក្ខាពីរោមសត្វជាង ៥១៥លានដុល្លារ និងទំនិញផ្សេងៗមួយចំនួនទៀត។
យោងតាមតារាងទិន្នន័យរបស់អគ្គនាយកដ្ឋានគយ និងរដ្ឋាករកម្ពុជា បានបង្ហាញថា នៅក្នុងខែមេសា ឆ្នាំ ២០២៣ ការនាំចេញទំនិញរបស់កម្ពុជា សម្រេចបានទឹកប្រាក់ប្រមាណជាង ១.៨៤ពាន់លានដុល្លារ ថយចុះ ២.៥ភាគរយ បើធៀបនឹងរយៈពេលដូចគ្នាឆ្នាំ ២០២២ សម្រេចបាន ១.៨៨ពាន់លានដុល្លារអាមេរិក។
ចំពោះការនាំចេញថយចុះនេះ អ្នកជំនាញសេដ្ឋកិច្ច ពាណិជ្ជកម្ម បានលើកឡើងថា គឺជានិន្នាការទីផ្សារសកល ដែលកើតមានវិបត្តិសេដ្ឋកិច្ចនៅគ្រប់ប្រទេស។
ទោះយ៉ាងណា អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា លោកបណ្ឌិត គីសេរីវឌ្ឍន៍ មានសុទិដ្ឋិនិយមថា ការនាំចេញរបស់កម្ពុជា ទៅប្រទេសកិច្ចព្រមព្រៀងអាសិប មានការកើនឡើង ដោយសារទើបតែចាប់ផ្តើម។
លោកលើកឡើងថា ទីផ្សារកម្ពុជា បានធ្វើរួចហើយជាមួយប្រទេសមានកិច្ចព្រមព្រៀងអាសិប មានដូចជា ទីផ្សារកូរ៉េ ទីផ្សារប្រទេសអារ៉ាប់ ក៏ដូចជាទីផ្សារជប៉ុនជាដើម និងបានជំរុញផលិតកម្មរបស់កម្ពុជា ទៅកាន់ទីផ្សារសកលលោក៕
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ