ព័ត៌មានជាតិ

នារីវ័យក្មេងម្នាក់ចង ក សម្លាប់ខ្លួនក្នុងបន្ទប់ជួល

បានផុស

៤ years មុន

នៅ

ថ្ងៃព្រហស្បតិ៍ ២១ មករា ២០២១

ដោយ

នារីវ័យក្មេងម្នាក់ត្រូវបានគេប្រទះឃើញចង ក សម្លាប់ខ្លួននៅក្នុងបន្ទប់ជួលមួយកន្លែងដោយមិនដឹងពីមូលហេតុ។

ករណីនេះ បានកើតឡើងនៅម៉ោង៦និង៤៥នាទីព្រឹក ថ្ងៃទី២១ ខែមករា ឆ្នាំ២០២១ នៅចំណុចបន្ទប់ភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ។

សមត្ថកិច្ចមូលដ្ឋានបានឲ្យដឹងថា សពនារីរងគ្រោះមានឈ្មោះ វ៉ាន់ ចាន់ពុំ ភេទស្រី អាយុ២៤ឆ្នាំមានទីលំនៅភូមិត្រាំខ្លា ឃុំត្បែង ស្រុកកំពង់ស្វាយ ខេត្តកំពង់ធំ ស្នាក់នៅបន្ទប់ជួលកន្លែងកើតហេតុ។សមត្ថកិច្ចបានឲ្យដឹងទៀតថា នារីរងគ្រោះបានយកអាវមកចងព្យួរកនៅទ្វារបន្ទប់ទឹក ចងផុតជើងពីឥដ្ឋការ៉ូកំពស់ប្រហែល២តឹក(ក្នុងបន្ទប់ជួល)បណ្តាលអោយស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបាននិយាយទៀតថា ក្រោយធ្វើកោសល្យវិច័យរួច សមត្ថកិច្ចបានសន្និដ្ឋានថា ស្ត្រីរងគ្រោះពិតជាស្លាប់ដោយការចងកធ្វើអត្តឃាតសម្លាប់ខ្លួនពិតប្រាកដមែន ដោយមិនមានជាប់ពាក់ព័ន្ធនិងករណីមនុស្សឃាតនោះទេ។ សពបានរក្សាទុកដើម្បីរងចាំសាច់ញាតិយកទៅធ្វើបុណ្យតាមប្រពៃណី៕

អត្ថបទ ៖ ស៊ុយ ចាន់ធា

Related Topics:អត្តឃាត