សម្តេច ម៉ែន សំអន៖ រាជរដ្ឋាភិបាលតែងតែផ្តល់តម្លៃ និងសិទ្ធិដល់នារីប្រកបអាជីវកម្មក្រៅប្រព័ន្ធផ្នែកសេវាកម្សាន្ដទូទាំងប្រទេស

សម្តេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានថ្លែងថា ប្រមុខរាជរដ្ឋាភិបាលដែលមានសម្តេចតេជោនាយករដ្ឋមន្ត្រីដ៍វៃឆ្លាតតែងតែផ្តល់តម្លៃនិងសិទ្ធិដល់នារីប្រកបអាជីវកម្មក្រៅប្រព័ន្ធផ្នែកសេវាកម្សាន គ្រប់រាជធានីខេត្ត។ សម្តេចកិត្តិសង្គហបណ្ឌិត ម៉ែន សំអន ថ្លែងបែបនេះខណៈពេលអញ្ជើញដឹកនាំកិច្ចប្រជុំ អំពីវឌ្ឍនភាពនៃការងារគ្រប់គ្រងនារីប្រកបអាជីវកម្មក្រៅប្រព័ន្ធផ្នែកសេវាកម្សាន នៅទីស្តីការក្រសួង នាថ្ងៃចន្ទ ៣កើត ខែជេស្ឋ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី២២ ខែឧសភា ឆ្នាំ២០២៣ ។

កិច្ចប្រជុំព្រឹកនេះផងដែរក៏មានការអញ្ជើញចូលរួមពីតំណាងក្រសួង ចំនួន ៤ រួមមាន ៖ ក្រសួងសេដ្ឋកិច្ច និងហិរញ្ញវត្ថុ ក្រសួងសុខាភិបាល ក្រសួងទេសចរណ៍ និងក្រសួងសង្គមកិច្ច អតីតយុទ្ធជន និងយុវនីតិសម្បទា ។

សម្តេចកិត្តិសង្គហបណ្ឌិត ម៉ែន សំអន បានថ្លែងថា ប្រមុខរាជរដ្ឋាភិបាលដែលមានសម្តេចតេជោជានាយករដ្ឋមន្ត្រីដ៏វៃឆ្លាតតែងតែយកចិត្តទុកដាក់ផ្តល់តម្លៃនិងសិទ្ធិដល់នារីប្រកបអាជីវកម្មក្រៅប្រព័ន្ធផ្នែកសេវាកម្សាន គ្រប់រាជធានីខេត្ត។

គួររំលឹកផងដែរថា សម្តេចកិត្តិសង្គហបណ្ឌិត ត្រូវបានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រគល់ភារកិច្ចជូនកាលពីថ្ងៃទី២៦ ខែវិច្ឆិកា ឆ្នាំ២០២២ ក្នុងពិធីសំណេះសំណាលជាមួយសមាជិក សមាជិកាគណបក្សប្រជាជនកម្ពុជារាជធានីភ្នំពេញ ឲ្យទទួលបន្ទុកលើការងារគ្រប់គ្រងនារីប្រកបអាជីវកម្មក្រៅប្រព័ន្ធផ្នែកសេវាកម្សាន ។

គិតត្រឹមថ្ងៃទី២២ ខែឧសភា ឆ្នាំ២០២៣ នេះ ការជួបសំណេះសំណាលជាមួយនារីប្រកបអាជីវកម្មផ្នែកសេវាកម្សាន មានចំនួន ១១លើក នៅរាជធានីចំនួន ៦លើក ខេត្តកណ្តាលចំនួន០១លើក ខេត្តកំពង់ចាម ចំនួន០១លើក ខេត្តស្វាយរៀងចំនួន០១លើក ខេត្តពោធិ៍សាត់ចំនួន០១លើក និងខេត្តព្រះសីហនុចំនួន០១លើក។ ចំពោះបណ្តាខេត្តដែលនៅ​សេស​សល់​សម្តេចកិត្តិសង្គហបណ្ឌិត នឹងបន្តជួបសំណេះសំណាលបន្ថែមទៀត៕

អត្ថបទ៖ វិមាន