ព័ត៌មានជាតិ
លោក អ៊ាង សុផល្លែត ស្នើពលរដ្ឋចូលរួមបោះឆ្នោតទាំងអស់គ្នានៅ ខែកក្កដាខាងមុខ
បេក្ខជនតំណាងរាស្ត្ររបស់គណបក្សប្រជាជនកម្ពុជាមណ្ឌលខេត្តត្បូងឃ្មុំ លោក អ៊ាង សុផល្លែត បានសំណូមពរប្រជាពលរដ្ឋបន្តផ្តល់ឱកាសឲ្យខ្លួនឯង តាមរយៈការអនុវត្តលទ្ធិប្រជាធិបតេយ្យ ដោយការចូលរួមបោះឆ្នោតទាំងអស់គ្នានៅថ្ងៃទី២៣ ខែកក្កដា ឆ្នាំ២០២៣ខាងមុខ។
ការសំណូមពររបស់លោក អ៊ាង សុផល្លែត បានធ្វើឡើងកាលពីថ្ងៃទី២៧ ខែឧសភា ឆ្នាំ២០២៣ ក្នុងឱកាសសំណេះ សំណាលជាមួយប្រជាពលរដ្ឋនៅឃុំចក និងឃុំដំរិល ស្រុកអូររាំងឪ ខេត្តត្បូងឃ្មុំ ដើម្បីសួរសុខទុក្ខ ពិនិត្យវឌ្ឍនភាពការងារ ក៏ដូចជាសមិទ្ធផលនានា និងការដោះស្រាយសំណូមពររបស់ពលរដ្ឋដែលជាតម្រូវការចាំបាច់។
ក្នុងឱកាសនោះ លោក អ៊ាង សុផល្លែត បេក្ខជនតំណាងរាស្ត្ររបស់គណបក្សប្រជាជនកម្ពុជាមណ្ឌលខេត្តត្បូងឃ្មុំ និងជាប្រធានក្រុមការងារចុះមូលដ្ឋានស្រុកអូររាំងឪ បានលើកឡើងថា ខ្មែរសាមគ្គីខ្មែរខ្លាំង ខ្មែរសាមគ្គីខ្មែរឈ្នះ ខ្មែរមានឱកាសខ្មែរអាចធ្វើបាន និងទទួលបានភាពជោគជ័យ។ ក្នុងន័យនេះ លោក អ៊ាង ផល្លែត បានជំរុញប្រជាពលរដ្ឋទាំងអស់គ្រប់ស្រទាប់វណ្ណៈបន្តរក្សាស្មារតីខ្មែរតែមួយ ខ្មែរស្រលាញ់ខ្មែរ កុំរើសអើងខ្មែរគ្នាឯងឡើយ។
ជាក់ស្តែងក្នុងការព្រឹត្តិការណ៍កីឡាស៊ីហ្គេម លើកទី៣២ ដែលកម្ពុជាធ្វើជាម្ចាស់ផ្ទះ កម្ពុជាទទួលបានមេដាយសរុបចំនួន ២៨២ ក្នុងនោះមេដាយមាសចំនួន៨១ ដែលជាជោគជ័យដ៏ត្រចេះត្រចង់ និងជាប្រវត្តិសាស្ត្រ ដែលកើតចេញផ្លែផ្កានៃសន្តិភាព និងការអភិវឌ្ឍ។ ប្រការនេះ បានផ្តល់ឱកាសឱ្យកីឡាករទទួលបានការហ្វឹកហាត់គ្រប់គ្រាន់ ទទួលបានការឧបត្ថម្ភគាំទ្រហិរញ្ញវត្ថុ ជាពិសេស ការគាំទ្ររបស់ប្រជាពលរដ្ឋកម្ពុជាទាំង១៧លានដែលជាកម្លាំងចិត្តផ្តល់ថាមពលដល់មហិមាដល់កីឡាករឱ្យទទួលបានជោគជ័យ។ នេះគឺជាការបញ្ជាក់របស់លោក អ៊ាង សផល្លែត។
ទន្ទឹមនេះ លោក អ៊ាង សុផល្លែត ក៏បានសំណូមពរឱ្យប្រជាពលរដ្ឋបន្តផ្តល់ឱកាសខ្លួនឯង និងក្មេងៗជំនាន់ក្រោយ តាមរយៈការចូលរួមការពាររក្សាសន្តិភាព និងការអនុវត្តលទ្ធិប្រជាធិបតេយ្យ ដោយការចូលរួមបោះឆ្នោតទាំងអស់គ្នា នាថ្ងៃទី២៣ ខែកក្កដា ឆ្នាំ២០២៣ និងផ្តល់ឱកាសឱ្យគណបក្សប្រជាជនកម្ពុជាបានបន្តអនុវត្តគោលយោបាយរបស់ខ្លួនក្នុងរក្សាសុខសន្តិភាព ការអភិវឌ្ឍ ដែលដឹកនាំនាវាកម្ពុជាឆ្ពោះទៅកាន់ភាពរុងរឿង៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ