Connect with us

ព័ត៌មានជាតិ

ឯកអគ្គរដ្ឋទូតរុស្ស៊ីនៅកម្ពុជា៖ ទីក្រុងគៀវគ្រាន់ជាឧបករណ៍របស់លោកខាងលិចប៉ុណ្ណោះ

បានផុស

នៅ

ថ្លែងក្នុងសន្និសីទសារព័ត៌មាន នៅថ្ងៃទី៣១ ខែឧសភានេះ ឯកអគ្គរដ្ឋទូតរុស្ស៊ីប្រចាំកម្ពុជា លោក អាណាតូលី បូវីក បានអះអាងថា រដ្ឋាភិបាលទីក្រុងគៀវ គ្រាន់តែជាឧបករណ៍នយោបាយរបស់ប្រទេសលោកខាងលិចប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក អាណាតូលី បូវីក លោកខាងលិចដែលមានជាអាទិ៍ ទីក្រុងឡុងដ៍ ប៊ែរឡាំង និងទីក្រុងព្រុចសែល ជាដើម បានបន្តបង្កើនការផ្គត់ផ្គង់អាវុធដល់រដ្ឋាភិបាលទីក្រុងគៀវជាបន្តបន្ទាប់នៅក្នុងអំឡុងខែឧសភានេះ។ លោក អាណាតូលី បូវីក លើកឡើងថា សហភាពអឺរ៉ុបបានបែងចែកប្រាក់ចំនួន១៦ពាន់លានអឺរ៉ូដល់រដ្ឋាភិបាលទីក្រុងគៀវរួចហើយសម្រាប់គោលបំណងយោធា ហើយថែមទាំងបានបណ្ដុះបណ្ដាលទាហានអ៊ុយក្រែនជាង១៧ពាន់នាក់។

លោកឯកអគ្គរដ្ឋទូត បានឲ្យដឹងដែរថា ចាប់ពីឆ្នាំ២០១៤ ដល់ឆ្នាំ២០២១ សហភាពអឺរ៉ុបបានផ្ដល់ថវិកាដល់អ៊ុយក្រែនប្រមាណ១៧ពាន់លានអឺរ៉ូដែលជាជំនួយឥតសំណង និងឥណទាន ដោយលោកបញ្ជាក់ថា ការផ្តល់ថវិកាបែបនេះ គឺបានផ្សារភ្ជាប់ទៅនឹងការដាក់ឲ្យប្រើប្រាស់ស្តង់ដារបច្ចេកទេស និងបទដ្ឋានច្បាប់របស់លោកខាងលិចសម្រាប់តែការប៉ះពាល់ដល់វិស័យដែលផ្តល់ផលប្រយោជន៍ដល់សហភាពអឺរ៉ុបតែប៉ុណ្ណោះ។

«តាមរយៈការផ្គត់ផ្គង់ជំនួយទាំងនេះ បានសបញ្ជាក់ឲ្យឃើញថា រដ្ឋាភិបាលរបស់លោក វ៉ូឡូឌីមៀ ហ៊្សែលលិនស្គី គ្រាន់តែជាឧបករណ៍សម្រាប់ពួកគេ រីឯជនជាតិអ៊ុយក្រែនជាកូនអុក។ ពួកគេមើលឃើញការអនុវត្តជាក់ស្ដែង និងលទ្ធផលនៃគោលនយោបាយរបស់ពួកគេនឹងធ្វើឲ្យរុស្ស៊ីទទួលបរាជ័យជាយុទ្ធសាស្ត្រ»។ នេះជាការអះះអាងរបស់លោកឯកអគ្គរដ្ឋទូតរុស្ស៊ីប្រចាំកម្ពុជា លោក អាណាតូលី បូវីក។  

លោកឯកអគ្គរដ្ឋទូត សង្កត់ធ្ងន់ថា លោកខាងលិចផ្តល់ថវិការាប់ពាន់លានអឺរ៉ូឲ្យទីក្រុងគៀវនេះ គឺក្រោមលេសថា ដើម្បីចូលរួមជួយអនុវត្តកំណែទម្រង់ក្នុងស្រុក និងជាជំនួយអភិវឌ្ឍន៍ ប៉ុន្តែ ការពិតនោះ គឺការផ្ដល់នេះនឹងនាំឲ្យប្រទេសអ៊ុយក្រែនបាត់អធិបតេយ្យភាពរបស់ខ្លួន៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១១ នាទី មុន

អភិបាលរងខេត្តស្វាយរៀង២រូប ចុះធ្វើបច្ចុប្បន្នភាព​ការបង្ក្រាបល្បែងស៊ីសងខុសច្បាប់ នៅក្រុងបាវិត 

ព័ត៌មានជាតិ២៤ នាទី មុន

ប្រមុខការទូតខ្មែរ៖ កិច្ចសហប្រតិបត្តិការមេគង្គ-ឡានឆាង នឹងបន្តជាវិជ្ជមានជាមួយយន្តការអនុតំបន់មេគង្គដទៃទៀត

ជីវិតកម្សាន្ដ១ ម៉ោង មុន

អ៊ីណូ បង្ហាញឆន្ទៈជួយផ្សព្វផ្សាយផលិតផលកសិករខ្មែរដោយមិនគិតថ្លៃ

ព័ត៌មានអន្ដរជាតិ១ ម៉ោង មុន

មកដឹងចំនួនពលករ ថៃ ត្រៀមចំណាកស្រុកទៅធ្វើការនៅ កូរ៉េខាងត្បូង ឆ្នាំនេះ

ព័ត៌មានជាតិ១ ម៉ោង មុន

យុវជនសង្គមស៊ីវិល ជួបពិភាក្សាជាមួយតំណាងក្រសួងព័ត៌មាន លើកិច្ចការសង្គម និងព័ត៌មាន

Sokha Hotels

ព័ត៌មានពេញនិយម