ព័ត៌មានជាតិ
មេបញ្ជាការកងទ័ពកម្ពុជា-ថៃ ចុះពិនិត្យខ្សែបន្ទាត់ព្រំដែនតាមផ្លូវទឹករួមគ្នា
កាលពីថ្ងៃទី ៩ ខែមិថុនា ឆ្នាំ ២០២៣ វេលាម៉ោង ៤ ល្ងាច លោក ទេពភីថាក់ នីមិត្រ មេបញ្ជាការកងទ័ពឈុតខ្មៅ ខេត្តស្រះកែវ បានសហការគ្នាជាមួយ លោក សឹង្ហ ទុំ មេបញ្ជាការកងពលតូចលេខ៥១ រួមទាំងកងកម្លាំងមួយចំនួន ចុះពិនិត្យរួមគ្នាតាមបន្ទាត់ព្រំដែនផ្លូវទឹក រវាងប្រទេសទាំងពីរ កម្ពុជា-ថៃ។
កិច្ចសហប្រតិបត្តិការរួមគ្នាក្នុងឱកាសនោះ ភាគីទាំងពីរ បានចុះទៅកាន់ចំណុច ណងអៀន ដែលមានខ្សែទឹកអូរប្រសព្វ រវាងអូរព្រំហូត និងអូរណាំសៃ (ចំណុចស្ទឹងបត់) ប្រឈមរវាងស្រុកអារញ្ញប្រាថេត និងក្រុងប៉ោយប៉ែត ក្បែរច្រកអូរល្ហុង។
ពេលនោះដែរ មេបញ្ជាការទ័ពទាំងសងខាង បានផ្លាស់ប្ដូរមតិគ្នា ដោយព្យាយាមទប់ស្កាត់នូវបទល្មើសឆ្លងដែនគ្រប់ប្រភេទ រួមទាំងការជួយដល់ពលរដ្ឋរស់នៅតាមបណ្ដោយខ្សែបន្ទាត់ព្រំដែនទាំងសងខាងដែលជួបនឹងគ្រោះទឹកជំនន់ និងគ្រោះមហន្តរាយនានា ហើយបន្តរឹតចំណងសាមគ្គីភាពរវាងភាគីទាំងពីរឲ្យបានយូរអង្វែង។
ក្នុងកិច្ចប្រតិបត្តិការរួមគ្នានេះ សង្កេតឃើញថា មិនមានអ្វីគួរឲ្យកត់សម្គាល់នោះឡើយ នៅតាមបណ្ដោយខ្សែទឹកអូរព្រំដែនរវាងប្រទេសទាំងពីរ ដោយភាគីទាំងសងខាងមានការប្រាស្រ័យទាក់ទងគ្នាបានយ៉ាងល្អប្រសើរ និងប្រកបដោយភាពរីករាយក្រៃលែង៕
អត្ថបទ ៖ សោ និយមរ័ត្ន
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៨ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ