ឆ្នាំ២០២៣ខេត្តកំពង់ចាម មានរោងចក្រជាង៥០០ មានកម្មករជិត៤ម៉ឺននាក់ និងមានប្រាក់ឈ្នួលជាង១០០លានដុល្លារក្នុងមួយឆ្នាំ

លោកបណ្ឌិត អ៊ិត សំហេង រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ បានឱ្យដឹងថា នៅឆ្នាំ២០២៣នេះ ខេត្ត
កំពង់ចាម មានរោងចក្រ សហគ្រាសចំនួន៥១០ មានកម្មករនិយោជិតប្រមាណជាង៣ម៉ឺន៦ពាន់នាក់ ដែលមានប្រាក់ឈ្នួលមធ្យមសរុបប្រមាណជាង ១១១លានដុល្លារអាម៉េរិកក្នុងមួយឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោករដ្ឋមន្ត្រីបានបន្តថា ក្នុងនោះរោងចក្រ សហគ្រាសវិស័យកាត់ដេរ ចំនួន២១ មានកម្មករនិយោជិតសរុបជាង២ម៉ឺន ៥ពាន់នាក់ ដែលមានប្រាក់ឈ្នួលមធ្យមសរុបប្រមាណជាង ៧៩លានដុល្លារអាម៉េរិក ។ ចំនួននេះបើធៀបជាមួយខេត្តផ្សេងៗទៀតឃើញថា មានច្រើនជាង ខណៈខេត្តកណ្តាលឆ្នាំ២០២៣នេះមានរោងចក្រ សហគ្រាសចំនួន៤៨៣ មានកម្មករនិយោជិតជាង ១៥ម៉ឺននាក់។ ក្នុងនោះរោងចក្រសហគ្រាសវិស័យកាត់ដេរចំនួន១៧១ មានកម្មករនិយោជិតសរុបជាង ១៣ម៉ឺន២ពាន់នាក់។

ចំណែកខេត្តកំពង់ឆ្នាំង ឆ្នាំ២០២៣ មានរោងចក សហគ្រាស ចំនួន១៧៣ មានកម្មករនិយោជិតប្រមាណជាង ៥ម៉ឺននាក់ ក្នុងនោះរោងចក្រសហគ្រាសវិស័យកាត់ដេរ ចំនួន២០ មានកម្មករនិយោជិតសរុបជាង៤ម៉ឺន៧ពាន់នាក់ ។ ខេត្តតាកែវ មានរោងចក្រ សហគ្រាសចំនួន២៤៨មានកម្មករនិយោជិតប្រមាណ៧ម៉ឺននាក់នៅឆ្នាំ២០២៣នេះ ខេត្តតាកែវ មានរោងចក្រ សហគ្រាសចំនួន២៤៨មានកម្មករ និយោជិតប្រមាណ ៧ម៉ឺននាក់។ ក្នុងនោះរោងចក្រ សហគ្រាសក្នុងវិស័យកាត់ដេរចំនួន៦៦ មានកម្មករនិយោជិតសរុបជាង ៥ម៉ឺន៨ពាន់នាក់។

យ៉ាងណាក៏ដោយខេត្តកំពង់ចាមមានរោងចក្រសហគ្រាសតិចជារាជធានីភ្នំពេញដែលមានរោងចក្រ សហគ្រាសរហូតដល់៩,៣១៤ ទីតាំង មានកម្មករនិយោជិតជាង៦៦ម៉ឺននាក់។ ក្នុងនោះរោងចក្រ សហ គ្រាសវិស័យកាត់ ដេរចំនួន​៧២៧មានកម្មករនិយោជិត សរុបជាង ៣៣ម៉ឺន ៨ពាន់នាក់។

គួរបញ្ជាក់ថា គិតត្រឹមឆ្នាំ២០២២ កម្ពុជាមានរោងចក្រសហគ្រាសចំនួន១៦៨២៨សហគ្រាស មានកម្មករនិយោជិត​១៥២៨៣៨៣នាក់ស្រី៩៧៣៦៦៥នាក់ក្នុងនោះវិស័យកាត់ដេរចំនួន១៣២១សហគ្រាសស្មើនឹង៧,៨៥%មានកម្មករនិយោជិត៨៨៤១៥១នាក់ស្មើនឹង៥៧,៨៥%។ក្រៅពីកាត់ដេរមានរោងចក្រសហគ្រាសចំនួន១៥៥០៧សហគ្រា
សស្មើនឹង៩២,១៥%មានកម្មករនិយោជិតចំនួន៦៤៤២៣២នាក់ស្នើនឹង៤២,១៥%៕

អត្ថបទ៖ សំអឿន