ព័ត៌មានជាតិ
គណបក្សប្រជាជនកម្ពុជា បេ្តជ្ញាបន្តការពារ លើកស្ទួយដល់ប្រយោជន៍ពលរដ្ឋ និងប្រទេសជាតិ
គណបក្សប្រជាជនកម្ពុជា បានផ្តល់គោលនយោបាយ ៨ចំណុច ដើម្បីបន្តជួយការពារ និងលើកស្ទួយដល់ប្រយោជន៍ពលរដ្ឋ និងប្រទេសជាតិទាំងមូល ដើម្បីឆ្ពោះទៅរកការអភិវឌ្ឍ និងភាពល្អប្រសើរ។
គណបក្សប្រជាជនកម្ពុជា ជួយថែរក្សាសន្តិភាពសុវត្ថិភាពសង្គមដល់ប្រជាជន ជាមួយនឹងការផ្តល់សេវាសាធារណៈជូនប្រជាជនដោយតម្លាភាព មានភាពងាយស្រួល និងគួរជឿទុកចិត្ត។ ចំពោះសេវាកម្មផ្សេងៗដែលបម្រើដល់ប្រជាជនមានដូចជា ការចុះបញ្ជីកំណើត បញ្ជីអាពាហ៍ពិពាហ៍ បញ្ជីមរណភាព ការផ្តល់សៀវភៅស្នាក់នៅ សៀវភៅគ្រួសារ និងអត្តសញ្ញាណបណ្ណសញ្ជាតិខ្មែរ គឺផ្តល់ជូនដោយមិនគិតថ្លៃឡើយ។
ចំពោះការយកពន្ធវិញ គឺនៅតែបន្តមិនយកពន្ធលើដីកសិកម្មជាលក្ខណៈគ្រួសារ ជួយកសិករពង្រីកផលិតកម្មរបស់ពួកគេ ព្រមទាំងរកទីផ្សារលក់ផលិតផលប្រកបដោយតម្លៃសមរម្យ។ គ្រួសារក្រីក្រដែលគ្មានដី ក៏ត្រូវបានផ្តល់ជូនតាមការអនុវត្តតាមលក្ខខណ្ឌសម្បទានដីសង្គមកិច្ច។ មានការទប់ស្កាត់ការទន្ទា្រនដីដោយខុសច្បាប់ និងបន្តធ្វើប្រទានកម្មដីដល់ប្រជាពលរដ្ឋរស់នៅ និងអាស្រ័យផលលើទីតាំងដីរដ្ឋតាមគោលការណ៍ដែលរដ្ឋបានកំណត់។
ចំណែកប្រជាជនដែលលក់ដូរតាមទីផ្សារនានា ដែលលក់តាមកញ្ចែ្រង កញ្ជើ ល្អី គឺនៅតែបន្តតាមគោលការណ៍ដែលលុបការបង់ភាស៊ី និងថ្លៃបង់ផ្សេងៗ មិនយកប្រាក់ពីពួកគេឡើយ។ អាជីវករដែលលក់ដូរតាមផ្សាររដ្ឋ ក៏មានសិទ្ធិកាន់កាប់ ប្រើប្រាស់ និងអាស្រ័យផលលើតូប ស្តង់លក់ដូរ និងមានសិទ្ធិផ្ទេរសិទ្ធិទាំងនេះទៅកូនចៅ ឬ អ្នកដទៃបាន។ ក៏មានការបន្តកាត់បន្ថយចំណាយសម្រាប់ការរស់នៅរបស់ប្រជាជន ដោយរក្សាស្ថិរភាពថ្លៃម្ហូបអាហារ កាត់បន្ថយថ្លៃទឹក និងថ្លៃអគ្គិសនីដល់ប្រជាជនថែមទៀត។
បើក្រលេកទៅមើលការអភិវឌ្ឍភូមិ ឃុំ សង្កាត់ មានសុវត្ថិភាពវិញ គឺនៅតែបន្តឱ្យមានការអភិវឌ្ឍគ្រប់ឃុំ សង្កាត់ តាមរយៈរៀបចំឱ្យមានផ្លូវថ្នល់ក្នុងសហគមន៍ ជួសជុលផ្លូវជាប្រចាំ និងស្ថាបនាផ្លូវបន្ថែមទៀតជូនប្រជាជន។ មានការលើកកម្ពស់អគ្គិសនី និងទឹកស្អាតប្រើប្រាស់គ្រប់គ្រាន់ ប្រកបដោយគុណភាព។
រីឯ ប្រាក់បៀរវត្សរបស់មន្ត្រីរាជការ កម្លាំងប្រដាប់អាវុធគ្រប់ប្រភេទ នឹងបន្តដំឡើងប្រាក់បៀរវត្ស និងសោធននិវត្តន៍ជូនពួកគេ។ ចំពោះប្រាក់ឈ្នួល និងប្រយោជន៍របស់កម្មករ និយោជិតនៅតែបន្តដំឡើងដូចគ្នា ហើយក៏មានការការពារប្រយោជន៍ការពារទាំងក្នុងប្រព័ន្ធ និងក្រៅប្រព័ន្ធ។ គណបក្សក៏នៅតែបន្តអនុវត្តការឧបត្ថម្ភប្រាក់ជូនប្រជាជនក្រីក្រ និងងាយរងគ្រោះ ស្ត្រីមានផ្ទៃពោះ និងកុមារអាយុក្រោម២ឆ្នាំនៃគ្រួសារក្រីក្រ។
ដោយឡែក បញ្ហាសុខភាព គឺជាកត្តាសំខាន់មួយទៀតដែលមិនអាចមើលរំលងបានឡើយ។ គណបក្សប្រជាជនកម្ពុជា ក៏បានបន្តលើកកម្ពស់ការផ្តល់សេវាថែទាំសុខភាពប្រកបដោយគុណភាព សុវត្ថិភាព ប្រសិទ្ធភាព និងផ្តល់សេវាផ្សេងៗជាច្រើនផ្នែកសុខភាពជូនប្រជាជន។ ទាក់ទិននឹងវិស័យអប់រំ ក៏មានការពង្រីកសាលាបឋមសិក្សាដល់គ្រប់ភូមិ ពង្រីកអនុវិទ្យាល័យគ្រប់ឃុំ និងបង្កើនវិទ្យាល័យនៅតាមស្រុក ដែលអាចឱ្យសិស្សានុសិស្ស យុវជន ទទួលបានការអប់រំខ្ពស់។
មិនត្រឹមតែប៉ុណ្ណោះ ចំពោះជនអន្តោប្រវេសន៍ក៏ត្រូវបានពង្រឹងការគ្រប់គ្រងតាមច្បាប់ជាធរមាន និងលើកកម្ពស់ការងារបង្ការ ជួយទប់ស្កាត់ និងបង្រ្កាបការជ្រៀតចូល ការស្នាក់នៅ និងសកម្មភាពខុសច្បាប់នានាពីជនបរទេសដែលមករស់នៅកម្ពុជាផងដែរ៕
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ