ព័ត៌មានជាតិ

ថ្នាក់ដឹកនាំផ្ដាំផ្ញើ ដល់មន្ត្រីទើបទទួលតំណែងថ្មី ក៏ដូចគ្រប់ថ្នាក់មូលដ្ឋាន បន្តខិតខំបម្រើពលរដ្ឋឲ្យបានល្អ

បានផុស

៤ years មុន

នៅ

ថ្ងៃអង្គារ ២៦ មករា ២០២១

ដោយ

លោក ម៉ែន សុចិត្រ រដ្ឋលេខាធិការ តំណាងលោកវង សូត រដ្ឋមន្ត្រី ក្រសួងសង្គមកិច្ច បានផ្ដាំផ្ញើមន្ត្រីទើបទទួលតំណែងថ្មី ក៏ដូចក្រុមការងារគ្រប់មូលដ្ឋាន ត្រូវខិតខំបេ្តជ្ញាចិត្ត បម្រើប្រជាពលរដ្ឋ ឲ្យល្អថែមទៀតតាមតែអាចធ្វើបាន ក្នុងពិធីប្រកាសចូលកាន់តំណែង នៅថ្ងៃទី២៦ ខែមករា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោករដ្ឋលេខាធិការ ម៉ែន សុចិត្រ បានថ្លែងនូវការលើកទឹកចិត្តដល់មន្ត្រីការងារឱវាទពិសេសអ្នកទើបទទួលតំណែងថ្មីអាជ្ញាធរមូលដ្ឋាន ក្រុមការងារបន្តចុះជួយតាមឃុំភូមិ ត្រូវទទួលខុសត្រូវ ឲ្យខ្ពស់ ក្នុងការចុះពិនិត្យលើប័ណ្ណសមធម៌របស់គ្រួសារក្រីក្រ ដែលទទួលបានផលប្រយោជន៍ពីរាជរដ្ឋាភិបាល។ ត្រូវគ្រប់គ្រងឲ្យច្បាស់លាស់ ចំពោះស្ថានភាពជាក់ស្តែង ពោលគឺថា គ្រួសារក្រីក្រពិតឬមិនពិត និងត្រួតពិនិត្យលើប័ណ្ណសមធម៌ តាមលក្ខខ័ណ្ឌ ដែលត្រូវទទួលបានសាច់ប្រាក់ពីរាជរដ្ឋាភិបាលកម្ពុជា ប្រមាណជិតបីលាននាក់ ដែលត្រូវទទួលបានប្រាក់ឧបត្ថម្ភនេះ សរុបទូទាំងប្រទេស។

ក្នុងពិធីប្រកាសចូលកាន់តំណែងលោកស្រី សៀម សុភវត្តី អតីតអនុប្រធាននាយកដ្ឋានសុខុមាលភាពសង្គម ទៅជាប្រធាននាយកដ្ឋានអតីតយុទ្ធជន និងយុវនីតិសម្បទា លោក វង សូត បានជំរុញដល់មន្ត្រីទាំងអស់ពិសេសប្រធាននាយកដ្ឋានទើបតែងតាំងថ្មីត្រូវបន្តការងារមួយនេះ ឲ្យខ្ជាប់ខ្ជួនតាមទិសដៅ និងយុត្តិសាស្ត្ររបស់រាជរដ្ឋាភិបាលកម្ពុជា ដូចពាក្យស្លោក មួយពោលថា យើងមិនទុកនរណាម្នាក់ជួបការលំបាកដោយមិនបានដោះស្រាយ៕