ផ្លាស់ប្តូរ​ប្រធានមន្ទីរ​ឧស្សាហកម្មខេត្តកែប លោក ប៊ុន យោង ឡើង​​ជា​អភិបាលរងខេត្តកែប

កាលពី​ថ្ងៃទី ៧ ខែកក្កដា ឆ្នាំ២០២៣ មាន​ពិធីប្រកាសចូលកាន់មុខតំណែងប្រធានមន្ទីរឧស្សាហកម្ម វិឡាសាស្ត្រ បច្ចេកវិឡា និងនវានុវត្តន៍ខេត្តកែបថ្មី ជំនួសលោក ប៊ុន យោង អតីតប្រធានមន្ទីរឧស្សាហកម្មវិឡាសាស្ត្រ បច្ចេកវិឡា និងនវានុវត្តន៍ ខេត្តកែបដែល​ត្រូវ​ឡើង​តំណែង​ទៅជាអភិបាលរងខេត្តកែប។

ការប្រកាស​ផ្លាស់ប្តូរ​មុខ​តំណែង​ប្រធានមន្ទីរឧស្សាហកម្ម វិឡាសាស្ត្រ បច្ចេកវិឡា និងនវានុវត្តន៍ខេត្តកែបធ្វើឡើង​​ក្រោម​វត្តមាន ​​លោក ចម ប្រសិទ្ធ ទេសរដ្ឋមន្ត្រី រដ្ឋមន្ត្រីរក្រសួងឧស្សាហកម្មវិឡាសាស្ត្រ បច្ចេកវិឡា និងនវានុវត្តន៍ និង​លោក​សោម ពិសិដ្ឋ អភិបាលខេត្តកែប។

លោក សោម ពិសិដ្ឋ អភិបាលខេត្តកែបបានលើកឡើងថា កែបគឺជាខេត្តកែបទីក្រុងទេសចរណ៍ធម្មជាតិមួយ ដែលបានទាក់ទាញភ្ញៀវទេសចរជាតិ-អន្តរជាតិជាច្រើនក្នុងមួយឆ្នាំៗ។

លោក​អភិបាលខេត្តបានក្រើនរំលឹកដល់ប្រធានមន្ទីរថ្មី ត្រូវយកចិត្តទុកដាក់បំពេញតាមតួនាទីបានលទ្ធផលល្អប្រសើរ មាន​កិច្ចសហការល្អជាមួយមន្ទីរជំនាញជុំវិញខេត្ត ត្រូវពង្រឹងទាំងសាមគ្គីភាពផ្ទៃក្នុងអង្គភាព ខិតខំលុបបំបាត់ភាពអសកម្ម ដើម្បីជំរុញការអនុវត្ត ឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ឲ្យកាន់តែល្អប្រសើរ ពិសេសការងារផ្តល់សេវា​ជូនប្រជាពលរដ្ឋ។

ក្នុង​ឱកាស​នោះដែរ លោក ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្មវិឡាសាស្ត្រ បច្ចេកវិឡា និងនវានុវត្តន៍​​បានណែនាំដល់ប្រធានមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ខេត្តកែបដែល​ទើបឡើងថ្មី ត្រូវជំរុញការយកចិត្តទុកដាក់បន្ថែមទៀត លើការងារតួនាទីភារកិច្ចជាអ្នកគ្រប់គ្រង់ដឹកនាំមន្ទីរ អង្គភាពរបស់ខ្លួន មានភារកិច្ចសហការគ្នាល្អ សាមគ្គីភាពផ្ទៃក្នុង ពិសេសអនុវត្តតាមការណែនាំពីថ្នាក់ដឹកនាំខេត្ត ក្នុងនាមជាសេនាធិការរបស់ខេត្តលើវិស័យឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍។

លោក​រដ្ឋមន្រ្តីក៏​បាន​រំលឹកពីការ​ប្រតិបត្តិអភិក្រមទាំង ៤ ដើម្បីប្រសិទ្ធភាពការងារ។ ជាមួយគ្នានេះ​លោក​រដ្ឋមន្ត្រីក៏បានលើកឡើងអំពីតួនាទីភារកិច្ច ក្នុងវិស័យឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ដែលបានដើរ​តួនាទីយ៉ាងសំខាន់ ក្នុងការលើកកម្ពស់ សេដ្ឋកិច្ចជាតិ ក៏ដូចជាក្នុងជីវភាពរស់នៅប្រចាំថ្ងៃ ដែលទាមទារឲ្យមន្ត្រីជំនាញជាពិសេសមន្ទីរឧស្សាហកម្មខេត្ត ដែលជារដ្ឋបាលថ្នាក់ក្រោមជាតិ ត្រូវខិតខំលើកកម្ពស់សមត្ថភាព ក្នុងការគ្រប់គ្រងដឹកនាំជំនាញរបស់ខ្លួន ប្រកបដោយប្រសិទ្ធភាព តម្លាភាព និងនិរន្តរភាព។

លោក ចម ប្រសិទ្ធបានណែនាំ​ឲ្យលោក ភោគ សុខេន ដែលទើបប្រកាសចូលកាន់តំណែងជាប្រធានមន្ទីរឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ខេត្តកែបថ្មី ធ្វើយ៉ាងណា​ត្រូវជំរុញ​ឱ្យក្រុមហ៊ុនទឹកស្អាតដំណាក់​ចង្អើររុញទុយោទឹកឱ្យដល់ទីប្រជុំជននៅមូលដ្ឋានស្រុកដំណាក់ចង្អើរក្នុងឆ្នាំ ២០២៥ ខាង​មុខឱ្យមានទឹកស្អាតចូលទៅដល់ខ្នងផ្ទះពលរដ្ឋឱ្យបានឆាប់បំផុត ដើម្បី​រួមចំណែកដល់ការអភិវឌ្ឍខេត្តកែប រួម​ទាំងការពង្រឹងការអនុវត្តច្បាប់ស្តីពីមាត្រសាស្រ្ត ការការពារអ្នកប្រើប្រាស់ ក៏ដូចជាការជំរុញការងារទិន្នផលផលិតអំបិល ប្រកបដោយគុណភាព សម្រាប់សេចក្ដីត្រូវការក្នុងស្រុក និងនាំចេញ។

លោក​រដ្ឋមន្ត្រីក៏​សង្ឃឹមថាឆ្នាំក្រោយការ​ផលិតអំបិលនៅក្នុង​ខេត្តកែប​កើនឡើង ក្រោយឆ្នាំកន្លងទៅទិន្នផល​អំបិលធ្លាក់ចុះ៕

អត្ថបទ៖ សឹង រ៉ាត់