លោក ចម ប្រសិទ្ធ ដឹកនាំសមាជិកសមាជិកាជាង ១ ម៉ឺន​នាក់ បើកក្បួនដង្ហែរយុទ្ធនាការឃោសនា​បោះឆ្នោត

នាព្រឹកថ្ងៃទី ១ ខែកក្កដា ឆ្នាំ២០២៣ លោក ចម សិទ្ធ ប្រធានក្រុមការងារគណបក្សប្រជាជនកម្ពុជា និងជាប្រធានក្រុមការងារចុះជួយខេត្តកែប បាន​ដឹកនាំសមាជិកសមាជិកាគណបក្សប្រជាជនកម្ពុជាប្រមាណ ១១៥០០​នាក់ បើកដង្ហែក្បួនយុទ្ធនាការឃោសនាស្វែងរកសំឡេងឆ្នោតសម្រាប់ការបោះឆ្នោតជ្រើសតាំងតំណាងរាស្ដ្រនីតិកាលទី ៧។

លោក​ចម ប្រសិទ្ធ ប្រធានក្រុមការងារគណបក្សប្រជាជនកម្ពុជា និងជាប្រធានក្រុមការងារចុះជួយខេត្តកែប។ ក្នុង​យុទ្ធនាការឃោសនាបោះឆ្នោតជ្រើសរើសតាំងតំណាងរាស្ត្រនីតិកាលទី ៧ ឆ្នាំ២០២៣ លោក​បាន​ដឹកនាំសមាជិក សមាជិកាគណបក្សប្រជាជនកម្ពុជាប្រមាណ ១១៥០០នាក់ បានទៅជួបជុំ​នៅពហុកីឡាដ្ឋានដែលស្ថិតនៅក្នុងភូមិថ្មី សង្កត់ព្រៃធំក្រុងកែប ខេត្តកែប និង​បានបើកដង្ហែក្បួនយុទ្ធនាការឃោសនាស្វែងរកសំឡេងឆ្នោត សម្រាប់ការបោះឆ្នោតជ្រើសតាំងតំណាងរាស្ដ្រ នីតិកាលទី៧ ដែលនឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ខាងមុខ។

គណបក្សនយោបាយ ដែលត្រូវបានទទួលស្គាល់ជាផ្លូវការដោយ គ.ជ.ប ចំនួន ១៨ បាន​ចាប់ផ្តើម​ធ្វើ​យុទ្ធនការ​ឃោសនារកសំឡេងឆ្នោត ចាប់ពីថ្ងៃទី១ រហូតដល់ថ្ងៃទី២១ ខែកក្កដា ឆ្នាំ២០២៣ មានរយៈពេល​២១​ថ្ងៃ។

គណបក្សប្រជាជនកម្ពុជាដែលជាគណបក្សធំជាងគេ បានបើកយុទ្ធនាការឃោសនា បានបើកយុទ្ធនាការឃោសនា នៅមជ្ឈមណ្ឌលពិពណ៌និងសន្តិបាតកោះពេជ្រ ដោយមានសមាជិកសរុបជាង៧ម៉ឺននាក់ ដឹកនាំផ្ទាល់ដោយសម្ដេចពញាចក្រី ហេង សំរិន ប្រធានកិត្តិយសគណបក្សប្រជាជនកម្ពុជា និងសម្ដេចតេជោ ហ៊ុន សែន ប្រធានគណបក្សប្រជាជនកម្ពុជា។

អត្ថបទ៖ សឹង រ៉ាត់