ព័ត៌មានជាតិ
ជនបរទេសពីររូបសរសើរការអភិវឌ្ឍន៍រីកចម្រើនកម្ពុជា និងស្នើឲ្យពលរដ្ឋខ្មែរទៅចូលរួមបោះឆ្នោតឲ្យបានគ្រប់គ្នា
នាថ្ងៃទី១៤ ខែកក្កដា ឆ្នាំ២០២៣នេះ លោក ចូល (Joel) ជានិវត្តជនជាតិសញ្ញាតិអាមេរិកជនបរទេសស្នាក់នៅក្នុងក្រុងកំពត ខេត្តកំពត បានកោតសរសើរចំពោះសន្តិសុខសណ្តាប់ធ្នាប់ និងសុវត្ថិភាពសង្គម ព្រមទាំងការអភិវឌ្ឍន៍រីកចម្រើនរបស់កម្ពុជា ថាកាន់តែប្រសើរឡើងពីមួយឆ្នាំទៅមួយឆ្នាំ ពួកគេយល់ថា កម្ពុជាជាប្រទេសគួរឲ្យចង់រស់នៅបំផុត បើ ប្រៀបធៀបជាមួយប្រទេសដទៃ។ ហើយពួកគេក៏បានលើកទឹកចិត្តដល់ប្រជាពលរដ្ឋខ្មែរថា គួរតែទៅបោះឆ្នោតជ្រើសរើសមេដឹកនាំរបស់ខ្លួន ដើម្បីបន្តភាពល្អប្រសើរទៅថ្ងៃមុខបន្តទៀត។
លោក ចូល (Joel) ជានិវត្តជនសញ្ញាតិអាមេរិក រស់នៅស្រុកខ្មែរជាង២០ឆ្នាំ បានបង្ហាញលើកឡើងហើយមានចំណាប់អារម្មណ៍ និងការយល់ឃើញរបស់ខ្លួនថា ស្រុកខ្មែរមានសន្តិភាព សន្តិសុខសណ្តាប់ធ្នាប់ និងសុវត្ថិភាពសង្គមល្អ និងការអភិវឌ្ឍន៍រីកចម្រើនឡើងបន្តិចម្តងៗជារៀងរាល់ឆ្នាំ។ លោក ចូល(Joel) បានបញ្ជាក់ថា កម្ពុជាជាប្រទេសគួរឲ្យចង់រស់នៅជាងគេបង្អស់នៅលើពិភពលោក ព្រោះអ្វីៗល្អគ្រប់យ៉ាងល្អប្រសើរ ទាំងទីតាំងភូមិសាស្ត្រ វប្បធម៌រស់នៅ និងស្ថិរភាពសង្គមជាដើម។
ចំណែកលោក ហ្សេនសូ ជាម្ចាស់ភោជនីយដ្ឋានមួយកន្លែងដែលមានទីតាំងនៅទុលមុខមាត់ព្រែកកំពតនៅក្បែរផ្សាត្រី បម្រើម្ហូអាហារខ្មែរ និងអឺរ៉ុប ជាងបួនឆ្នាំមកហើយនោះ បានបញ្ជាក់ប្រាប់ឲ្យដឹងថា ភោជនីយដ្ឋានរបស់លោកទទួលភ្ញៀវទេសចរបរទេស និងពលរដ្ឋខ្មែរច្រើនឡើងវិញហើយ បន្ទាប់ពីជំងឺកូវីដ១៩ ស្ងប់ស្ងាត់ល្អប្រសើរឡើងវិញ ហើយមានវត្តមានភ្ញៀវទេសចរចូលចិត្តមកលេងក្នុងភូមិសាស្ត្រខេត្តកំពត ដោយសារក្រុងកំពត ខេត្តកំពត មានកន្លែងទេសចរណ៍ច្រើនកន្លែង និងមានសុវត្ថិភាពដ៏ល្អ អាចដើរលេងកម្សាន្តនៅពេលយប់ដោយសេរី។ ក្រុងកំពតជាក្រុងមានកត្តានុពលដល់ស្រស់ស្អាតស្ងប់ស្ងាត់ មានមនុស្សច្រើន ហើយគ្មានបទឧក្រិដ្ឋ គឺល្អគ្រប់យ៉ាង។
លោក ហ្សេនសូ ម្ចាស់ភោជនីយដ្ឋានបន្ថែមថា ក្រុងកំពត ខេត្តកំពត រីកចម្រើនជាលំដាប់ ក្នុងនោះមានការរៀបចំកែលម្អសួនច្បារមាត់ព្រែក ការរៀបចំស៊ីហ្គេមកន្លងទៅបានល្អ មានបំពាក់ភ្លើងលម្អ និងអំពូលបំភ្លឺតាមដងផ្លូវនៅតាមដងវិធីផ្សេងៗក្នុងក្រុង។
ចំពោះការបោះឆ្នោតខាងមុខនេះ លោកបានបញ្ជាក់ថា មិនបានដឹងរឿងច្រើនទាក់ទង់និងការងារនយោបាយនោះទេ ប៉ុន្តែពលរដ្ឋខ្មែរគួរតែទៅបោះឆ្នោតទាំងអស់គ្នា លោកគោរពការសម្រេចចិត្តរបស់ពលរដ្ឋខ្មែរ ហើយថាមានតែពលរដ្ឋខ្មែរខ្លួនឯង ជាអ្នកសម្រេចចិត្តជ្រើសរើសមេដឹកនាំដោយរបស់ខ្លួន។
តាមរបាយការណ៍របស់មន្ត្រីជំនាញមន្ទីរទេសចរណ៍ខេត្តបានឲ្យដឹងថា នៅក្នុងឆមាសទី១ ឆ្នាំ២០២៣ ខេត្តកំពត មានជនបរទេសស្នាក់រយៈពេលវែង៥៤៩ទីតាំង ស្មើ១៦៥៥នាក់ (ស្រី៣៣០នាក់) មាន៥៤សញ្ជាតិ ចំណែកជនបរទេសស្នាក់នៅរយៈពេលខ្លីនៅតាមសណ្ឋាគារ និងផ្ទះសំណាក់មានចំនួន ១៣២៦៩នាក់ (ស្រី៥២៩៥នាក់់) មាន៥៦សញ្ជាតិ៕
អត្ថបទ៖ សឹង រ៉ាត់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង