ព័ត៌មានជាតិ

ក្រសួងសង្គមកិច្ចគាំទ្រសកម្មភាពមនុស្សធម៌ ដែលបានចូលរួមការពារកុមារនៅកម្ពុជា

បានផុស

៥ years មុន

នៅ

ថ្ងៃពុធ ២៧ មករា ២០២១

ដោយ

ថ្នាក់ដឹកនាំជាន់ខ្ពស់របស់ក្រសួងសង្គមកិច្ច សម្តែងនូវការគាំទ្រពេញទំហឹងនូវផែនការស្តីពីកិច្ចការពារកុមារនៅកម្ពុជា ដើម្បីលើកកម្ពស់ការថែទាំកុមារ នៅតាមគ្រួសារ និងសមាហរណកម្មកុមារពីមណ្ឌលថែទាំ ទៅកាន់កញ្ចប់គ្រួសារនិងទិសដៅអនុវត្តន៍បន្តក្នុងឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការលើកឡើងរបស់លោក សំហេង បុរស រដ្ឋលេខាធិការ ក្រសួងសង្គមកិច្ច ដែលបានចូលរួមកិច្ចប្រជុំពិនិត្យលើកម្មវិធីកញ្ចប់គ្រួសារ និងទិសដៅអនុវត្តន៍បន្តក្នុងឆ្នាំ២០២១ ជាមួយអង្គការ UNICEF ស្ដីពីនៅទីស្តីការក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានអនុគណៈកម្មាធិការជំនួយសង្គមនាល្ងាចម្សិលមិញ។

ក្នុងនាមក្រសួងសង្គមកិច្ចលោក សំហេង បុរសបានថ្លែងនូវការគាំទ្រទាំងស្រុងចំពោះកិច្ចប្រជុំនេះ ហើយសូមឲ្យមានការបន្តចូលរួមពីតំណាងមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តមន្ត្រីបង្គោលទទួលបន្ទុកសុខុមាលភាពកុមារនៃមន្ទីរ ការិយាល័យសង្គមកិច្ច និងសុខុមាលភាពសង្គមក្រុង ស្រុក រួមទាំងអង្គការជាដៃគូ។ លោករដ្ឋលេខាធិការបានបន្ថែមថា ផែនការនេះ មានការជួយបច្ចេកទេសពីក្រសួង និងមន្ទីរសង្គមកិច្ច អតីតយុទ្ធជន និងយុវនីតិសម្បទា និងអង្កការUNICEF, រួមគ្នាដើម្បីលើកកម្ពស់ការថែទាំកុមារ នៅតាមគ្រួសារ និងសមាហរណកម្មកុមារពីមណ្ឌលថែទាំ ទៅកាន់កញ្ចប់គ្រួសារវិញប្រកបដោយសុវត្ថិភាព៕

អត្ថបទ៖ វិមាន