ព័ត៌មានជាតិ
រដ្ឋមន្ត្រីក្រសួងព័ត៌មាន ៖ «គ្មានអ្វីសប្បាយជាងឃើញការបន្តវេនដោយសន្តិវិធីនោះទេ!»
រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានសរសេរនៅលើគណនីហ្វេសប៊ុកនាព្រឹកថ្ងៃទី២៧ ខែកក្កដាឆ្នាំ ២០២៣ នេះ បង្ហាញពីអារម្មណ៍សប្បាយរីករាយ ក្រោយឃើញកម្ពុជាប្ដូរអ្នកដឹកនាំជូនអ្នកបន្តវេនវ័យក្មេងជំនាន់ក្រោយ ដោយសន្តិវិធី គ្មានជម្លោះ។ លោក ខៀវ កាញារីទ្ធ បានសរសេរបែបនេះថា៖«គ្មានអ្វីសប្បាយជាងឃើញការបន្តវេនដោយសន្តិវិធីនោះទេ ហើយអ្នកមិនដែលស្គាល់សង្គ្រាម ពិតជាមិនអាចយល់អស់ពីទឹកចិត្តនេះទេ»។
លោកបង្ហាញអារម្មណ៍បែបនេះ ក្រោយពេលដែលសម្ដេចតេជោ ហ៊ុន សែន ប្រកាសដកខ្លួនពីនាយករដ្ឋមន្ត្រី និងប្រគល់ដំណែងនាយករដ្ឋមន្ត្រី ទៅកាន់អ្នកបន្តវេន គឺឯកឧត្ដមបណ្ឌិត ហ៊ុន ម៉ាណែត កាលពីថ្ងៃទី២៦ ខែកក្តដា ឆ្នាំ២០២៣។ ជាមួយនឹងការបង្ហាញអារម្មណ៍រីករាយក្រោយឃើញកម្ពុជាប្រគល់តំណែងទៅអ្នកបន្តវេនដោយគ្មានសង្រ្គាមនេះ លោករដ្ឋមន្រ្តី ក៏បានព្រមានថា៖«សូមកុំចង់ស្គាល់សង្គ្រាម ដើម្បីយល់ពីអារម្មណ៍(សប្បាយរីករាយព្រោះការប្ដូរអ្នកបន្តវេនដោយគ្មានសង្រ្គាម) នេះអី…!»។
ជុំវិញការប្រគល់តំណែងទៅកាន់អ្នកបន្តវេន គឺបណ្ឌិត ហ៊ុន ម៉ាណែតនេះ គឺមិនមែនធ្វើឡើងដោយអត្តនោម័តិ ដោយសម្ដេចតេជោ ហ៊ុន សែន តែម្នាក់ឯងឡើយ។ សម្ដេចតេជោ ប្រគល់តំណែងនាយករដ្ឋមន្ត្រី ដោយផ្អែកលើសំឡេងសមាជិករបស់គណបក្សដែលបានសម្រេចគ្នាជាឯកច្ឆន្ទឱ្យឯកឧត្ដមបណ្ឌិត ហ៊ុន ម៉ាណែត ធ្វើជាបេក្ខភាពនាយករដ្ឋមន្ត្រី កំឡុងសមាជរបស់គណបក្សកាលពីចុងឆ្នាំ២០២១ កន្លងមក៕
អត្ថបទ៖ ង៉ិល ណារ៉ាត់
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង