ព័ត៌មានជាតិ

បុរសស្លៀកឈុតទាហានម្នាក់ ត្រូវគេវាយរបួសធ្ងន់ និងស្លាប់ពេលបញ្ជូនទៅមន្ទីរពេទ្យ

បានផុស

៥ years មុន

នៅ

ថ្ងៃចន្ទ ១ កុម្ភៈ ២០២១

ដោយ

អំពើឃាតកម្មមួយបានកើតឡើងនៅស្រុកម៉ាឡៃ បុរសវ័យចំណាស់ម្នាក់ស្លៀកពាក់ឈុតទាហាន ត្រូវជនមិនស្គាល់ឈ្មោះ វាយជាច្រើនដំបង បណ្តាលឲ្យរបួសធ្ងន់ រួចស្លាប់ពេលបញ្ជូនដល់មន្ទីរពេទ្យ នៅព្រឹកថ្ងៃទី១ ខែកុម្ភៈ ឆ្នាំ២០២១ ក្នុងភូមិបន្ទាយទីពី ឃុំអូទំព័រ ស្រុកម៉ាឡៃ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចមូលដ្ឋានបានប្រាប់ឲ្យដឹងថា ជនរងគ្រោះមានឈ្មោះ រ៉ុង រឿង ប្រុស អាយុ៦១ ឆ្នាំរស់នៅក្នុងភូមិបន្ទាយទីពី ឃុំអូទំព័រ ស្រុកម៉ាឡៃ ខេត្តបន្ទាយមានជ័យ។ សមត្ថកិច្ចមូលដ្ឋានបានប្រាប់ឲ្យដឹងបន្តទៀតថា នៅពេលព្រឹកនោះ ប្រជាពលរដ្ឋបានប្រទះឃើញជនរងគ្រោះ ត្រូវគេវាយដុំឡើងសុសសាច់ដេកសន្លប់នៅកន្លែង ស្របពេលនោះ ត្រូវបានប្រជាពលរដ្ឋដឹកទៅមន្ទីរពេទ្យ ដើម្បីសង្គ្រោះជីវិតដោយសារតែការវាយនោះរបួសធ្ងន់ពេក បានធ្វើឲ្យជនរងគ្រោះបាត់បង់ជីវិតទៅ ចំណែកឃាតកដៃដល់រត់គេចខ្លួនបាត់។

បើតាមការសន្និដ្ឋានរបស់សមត្ថកិច្ចថា ឃាតកវាយជនរងគ្រោះបណ្តាលឲ្យស្លាប់នេះប្រហែលទាស់ពាក្យសម្តីក្នុងកន្លែងផឹកស៊ីសមត្ថកិច្ចកំពុងតែស្វែងស្រាវជ្រាវរកចាប់ឃាតកយកមកផ្ដន្ទាទោសទៅតាមច្បាប់ ហើយពេលដែលចាប់បានទើបដឹងមូលហេតុអំពីការសម្លាប់នេះ៕

អត្ថបទ៖ វ៉ាន់ ណាង

សូមចុចអាន៖ ឃាត់ខ្លួនសន្តិសុខម្នាក់ក្រោយលួចម៉ូតូបុគ្គលិកក្រុមហ៊ុន